КЫРГЫЗСТАН ЕВРОБИРИМДИККЕ 7 МИӉДЕЙ ТОВАРДЫ БАЖЫ ТӨЛӨМҮСҮЗ ЭКСПОРТТОЙ АЛАТ

Президент Алмазбек Атамбаев 10-февраль күнү тышкы иштер министри Эрлан Абдылдаевди кабыл алды. Жолугушуунун жүрүшүндө өлкөнүн тышкы саясаттагы быйылкы негизги артыкчылыктары талкууланды.
Эрлан Абдылдаев Кыргызстан-Европа биримдиги кызматташтыгы боюнча кеӊештин 14-отурумуна катышууга даярдыктар жөнүндө айтып берди. Министр ошондой эле Кыргызстандын Европа биримдиги менен соода-экономикалык кызматташтыкты өнүктүрүүнүн келечеги, Кыргызстан БПС+ (Бүткүл преференциялар схемасы) колдонуучу статусун алгандыгына байланыштуу Европа өлкөлөрүнө товарларды экспорттоо тууралуу да баяндады.
Эске салсак, Евробиримдик Кыргызстанга БПС+ статусун берген. Башкача айтканда, бүткүл преференция схемасы менен Кыргызстан Европа мамлекеттерине өзү өндүргөн 7 миӊге чукул товарды бажы төлөмүсүз сатыкка жибере алат. Кыргызстан ЕАЭС өлкөлөрүнүн ичинен аталган статуска ээ болгон жалгыз мамлекет.
Мамлекет башчысы Кыргызстандын Европа биримдиги менен кызматташуусун мындан ары өнүктүрүүнүн, ар кайсы чөйрөлөрдө биргелешкен долбоорлорду ишке ашыруунун маанилүү экендигин айтты.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

leili1

2016-02-15 14:46:22

7 миндей ошол кайсы товар болду экен э?

chika-chika88

2016-02-18 03:28:28

супер инфо жамааты, 7миндей товардын баарын болбосо да айыл жериндеги кайсы продукциялар экспорттолушу жонундо маалымат берип койунуздарчы суранам. Алдын ала ыраазычылык. Чыдамсыздык менен кутомун.....

admin_superstan

2016-02-18 10:44:16

chika-chika88,
Саламатсызбы! Сунушуңузга рахмат!

Комментарий калтыруу үчүн өз ысымыңыз менен кириңиз же каттоодон өтүңүз.

№ 693, 12-февраль-18-февраль, 2016-ж