Өмүрбек Текебаев: «КЕЛДИБЕКОВ ЖОГОРКУ КЕӉЕШТИН ЧЕЧИМИН БУРМАЛАП САЛГАН»
18-февралда «Ата Мекен» партиясынын лидери, Жогорку Кеӊештин депутаты Өмүрбек Текебаев экс-спикер Ахматбек Келдибековго ачылган кылмыш иши боюнча сотто күбө катары көрсөтмө берди. Эске салсак, башкы «ата мекенчи» бул соттук ишке 2 жылдан бери чакырылып жүргөн болчу. Текебаев сотто «Келдибеков Жогорку Кеӊештин чечимин бурмалап жиберген» деп көрсөтмө берсе, айрым жалпыга маалымдоо каражаттары «Текебаев Келдибеков парламент өкүлчүлүгүн ачууда өз кызыкчылыгын көздөбөгөнүн айтты» деп көрсөтмөнүн маӊызын өзгөртүп жиберишти. «Ата Мекендин» төрагасы буга кошулбайт.
«2010-жылдын 29-декабрында Келдибеков «Санкт-Петербургда Парламенттер аралык ассамблеяда Кыргызстандын Жогорку Кеӊешинин өкүлү бар, анын алдында 1-2 эле адам иштейт экен, ага дагы 3-4 адам кошуп берип, макамын бекемдеп, анын мүмкүнчүлүгүн көтөрөлү» деп сунуш кылды. Аны Жогорку Кеӊеш, ошонун ичинде мен дагы бир добуштан колдоп бердик. Бирок Келдибеков Жогорку Кеӊештин башка токтомун түзүп, Москвага «Атайын өкүлчүлүк» деген институтту ачат. Өкүлчүлүккө 2011-жылы 10 миллиондой сом бөлүнсө, 2012-жылы 29 миллион сом акча каралган. Ал кызматтарга депутаттык мандат жетпей калган партиялаштарын дайындаган. Ошентип, өкүлчүлүктүн кызматкерлери Москвага барбай эле Бишкекте жатып 1000-2000 доллар айлык алып турушкан. Мен сот процессине барып так ушул жагдайды айтып бердим.
Жогорку Кеӊеш бир маселе боюнча чечим кабыл алса, Келдибеков аны кызматынан кыянаттык менен пайдаланып, өзүм билемдик менен башка чечимге алмаштырып койгон. Алмаштырып койгондун өзү кылмыш, анын кесепети кандай болду? Өкмөт, президент жана Жогорку Кеӊеш алданып, мыйзам кабыл алып, миллиондогон акчалар туура эмес сарпталды.Сотто мына ушуну айтканга туура келди»,- деди Текебаев.
«Ата Мекендин» лидери «Келдибековго жан тартты» деп чыккан сөздөр боюнча: «Окуядан бери 4 жыл өтүп, мурункудай актуалдуулугун жана курчтугун жоготту. Экинчиден, Келдибеков ооруп көп дарыланды, мурункудай саясий таасиринен ажырады, депутат эмес. Ошондуктан коомго коркунучу жок. Муну айтпай кетсем мен тараптан адилеттүүлүк болбой калат»,- деп кошумчалады.
Бишкек шаарынын Биринчи Май райондук соту 2015-жылдын ноябрь айында Ахматбек Келдибековду салык кызматын жетектеп турганда коррупциялык иштерге аралашкан деген айып боюнча актап, Жогорку Кеӊештин спикери болуп турганда Москвада өкүлчүлүк ачуу чечимине байланыштуу күнөөлүү деп таап, 3 миллион сом айып пулга жыккан. Мамлекеттик айыптоочу судьядан Келдибековду мүлкүнөн ажыратуу менен 10 жылга эркинен ажыратууну суранган эле. Иш кийинки инстанцияга өтүп, учурда Бишкек шаардык сотунда каралып жатат.
Мирлан Өмүралиев
politika@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (7)
Мен сотко барбайт элем. Бирок Келдибековдун адвокаты катары Азимбек Бекназаров сотко “Текебаев келсин, көрсөтмө берсин, бул биз үчүн маанилүү” деп айтып жүрүп, соттун чечимин чыгартып берди. Баргым келген жок. Турсунбек Акунга жоолугуп айттым “Азимге коңгуроо кыл, мен барсам Акматбекке зыяным тийип калат, ошонун аларга кереги барбы экен?” деп. Телефондогу сүйлөшүү мага угулуп турду. Азимбек “Келсин, колунан келсе далилдесин” деп айтты. Акыркы жылдары эл аралап жүргөн бир лакап бар “Азимбектей адвокатың б
Келдибеков Турсунбек Акундан "Текебаевке сөзсүз айтып кой" деген аманатын бөктөрүп жөнөтүптүр “Келсин, жигит болсо чындыкты менин көзүмө карап туруп, сотко карап туруп айтсын” деген. Турсунбек Акун анын аманатын жымсалдабай эле, балким дагы үстүнө кошуп төкпөй-чачпай, мага айтып келди. Ушундай аманаттардан кийин барбашка аргам калган жок. Ошондо мен өзүмдү-өзүм жооткоттум: башында айтпадымбы, бир жагынан граждандык позициям, экинчи жагынан кыргызчылык, жигитчилик деген түшүнүгүбүз кыйнап, тиреши
Анан аксакалдар, Ташиев баш болгон жаштар, менин саясий душмандарым дебейин, саясий оппоненттерим, бүтүндөй “Ата Журт” ошентип сурап атса “Жок!” деп кесе айтып басып кетип, аларды табалап, аларды сындырсаң болот, бирок мен ата бабалардын улуу дөөлөттөрүнө таянып, чын дилден суранып, камчысын мойнуна салып келип отурса “Алдыңа келсе, атаңдын кунун кеч” деген элибиздин моралдык кодекстеринин бирин пир тутуп, макулдугумду берип, ал токтомду Жогорку Кеңештин отурумунан алдырып салдым.
Булар журот соттошуп Катарлыктар журот стадион менен жол куруп
Мен “Макул” дегенде Жылдыз Жолдошева мени белимден бек кучактап бутумду жерден так көтөрүп, эки жолу айландырып жерге койгон. Токтом палатанын кароосунан алынып салынганда “Эмне болуп кетти!” дегенчелик депутаттар дүрбөп, зал түшүнбөй калды. Натыйжада Жогорку Кеңеш Келдибеков боюнча “Мыйзам бузган, кызматынан кыянаттык менен пайдаланган” деген чечимди кабыл албастан, өз ыктыяры менен кеткен деген "отставкасын" канааттандырды. Депутаттык комиссиянын чыгарган жыйынтыгын көңүлгө алып, жанагыдай то
Almake,Бул каерде айтылган созу айтып койсонор биз да окуйлу,рахмат.
бул Омукенин озу дейм ыя?
