2015-жылкы «Turkvizyon» эл аралык сынагынын жеңүүчүсү Жийдеш Идирисова казак телеканалындагы Нооруз майрамына карата тартылган берүүгө катышып келди. «Жакында Хабар телеканалынын Ноорузга карата өткөрүлгөн майрамдык берүүсүнө тартылып келдим. Ал берүүгө менден башка да эл аралык сынактардын жеңүүчүлөрү катышты. Ал жактан «Turkvizyon» сынагында аткарган «Ким билет?» аттуу чыгарманы ырдадым»,- дейт ырчы. Мекендешибиз тартылган берүүнү жакында аталган телеканалдын майрамдык берүүсүнөн көрө алабыз.