“ТАМАШОУнун” КЫПКЫШКЫ ФЕСТИВАЛЫ!
Күлкү – ден соолуктун мүлкү
4-5-февраль күндөрү “Тамашоунун” күйөрмандары үчүн өзүнчө эле майрам болду. Бул күндөрү эшикте кыштын ызгаардуу суугу уруп, Эрмек заказ кылган кар жаап турса, тамашоучулар Спорт Ордосуна батпай тыгылышкан күйөрмандарын тамашалары менен ысытышты.
Жарыяда айтылгандай, бул сезондогу оюндарга өзгөчө командалар да катышты. Алгачкы күнү оюнду "Калыстар" командасы ачып, баа койгонду гана эмес, тамашалаганды да билишерин далилдешти. Тамашоучулардын түйшүгү оор экенин сезген Назира Жетигенова муштумун түйүп "ким кол чаппаса – мырка" деп кыйкырса, Кылычбек Султанов "кыргыз элинин нускасы 10 миллионго жетсин" деп күлдүрдү.
Оюндун экинчи күнү өздөрүнүн юморду түшүнүшөрүн “Жылдыз ырчылар”, “Шоро” компаниясынын жана “Супер-Инфо” гезитинин командалары көрсөтүштү. Бул командалар конок катары гана сахнага чыгышса да, көрүүчүлөрдү кыраан-каткы күлкүгө бөлөй алышты. Сөз кезеги калыстар тобуна келгенде режиссёр Рысбек Жабиров: "Эгер бул үч команда да сынакка катышса, анда эң мыкты оюнчу – "Шоро" командасынын өкүлү Талант, мыкты тамаша "Супер-Инфонун" "Жүрөк тагы" миниатюрасы болор эле. Мыкты команда "Жылдыз ырчылар" эмес, "Калыстар" биз болмокпуз, ырчылар бизге караандабай калды",- деп тамашалады. Ал эми “Супер-Инфо” гезитинин негиздөөчүсү Кылычбек Султанов мыкты дебюттук оюну үчүн гезиттин командасына 10 миң сом ыйгарды. Тамашалуу кеченин соңунда калыстар тобунун жардамы менен мыкты оюнчу, мыкты команда жана мыкты тамаша белгиленди.
ЭКИ КҮНДҮН ЖЫЛДЫЗДАРЫ:
4-февралда
Мыкты оюнчулар – Мурат ("No name"), Айбек ("IUK").
Мыкты команда – "Юрский период" жана "Юристтер" командаларынан түзүлгөн курама команда.
Мыкты тамаша – Пластикалык операция жасаткан жигиттердин тамашасы ("Чез").
5-февралда
Мыкты оюнчулар – Бактияр (“Не дай бох!”), Азамат (“Жигиттер”).
Мыкты команда – “KG 77”.
Мыкты тамаша – Балет мектебиндеги согуш (“Весёлый строитель”).
МЫКТЫ ТАМАШАЛАР
Бактыгүл Бадыева, “Жүрөк тагы” клиби.
Жигит: – “Супер-Инфого” сырларыңызды айтып жатасызбы?
Кыз: – Бир-бирибизге айтып жатабыз.
Жигит: – Мен бала кезде атам мага айтчу эле, болгон сырларыңды “Супер-Инфого” айтсаң болот, анткени...
Кыз: – ... “Супер-Инфо” сырларды терең жаят!
“Супер-Инфо”
"Крутой" жылдыздар
Замир: – Бакыт, сен Лексус албадың беле, кандай экен?
Бакыт: – Ооба. Ой, анын рулу оң жагында экен, анан үстүнө 2 миң доллар кошуп, сол жагына котордум. Замир, а сенин лимузиниң бар эмес беле, эмне кылдың?
Замир: – А-а, аны ортосунан экиге бөлүп, айылдагы эки братишкама берип койгом. Экөө айдап жүрүшөт.
Айгерим: – Балдар, мен БМВ Х5 албадым беле, ал модадан чыгып кетиптир да, аны сатып Вента албадымбы. Самат, сен май айында машина алдың беле?
Самат: – Ооба, май айында Майбах албадым беле, ал жакпай калып сатып жиберип, июнь айында Июньбах алдым.
Съездбек: – Эй, достор, көп сүйлөбөй кеттик, маршрутка келатат.
Самат: – Ак-Өргөгө барат бекен? Мен да барам.
“Жылдыз ырчылар”
Төрөт үйүнүн алды.
– Айшака-ан! Төрөдүңбү? Эмне төрөдүң?
– Билбейм…
– Кандайча билбейсиң?!
– Свет жок!
“Фан клуб”
– СМС келди, окуюнчу…
“Зияш, чал. Мен – Айгуля” дейби?! Мен чал болсом, сен кемпирсиң!
“KG 77”
– Айка, эгер сен мени угуп жаткан болсоң, "Тамашоунун" оюнуна 2 күн калганда
“билет канча сом?” деп сурабачы?.. Анан
“баса, дагы беш подружкам барат эле, точносун билип берчи” деп намекать этпечи?..
“Ак-Өргө City”
Махабат Догдурбекова
tamasha@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (6)
Ушундай кызыктуу тамашалар коп болсо да, элимдин жаны бек болсо...
Сонун тамашалар экен особенно Бактыгулдун клиби жонундо
первая шутка не удалась,туфта,вторая в тему..
shutki u nege ochen horoshie..
