"МЕН АДАМДАРГА БАРБАЙМ. АЛАР МУЗДАК..."

– Мен муздак жайда төрөлдүм. Апамдын жылуу курсагынан бул ичиркенткен дүйнөгө келгендеги эң биринчи оюм ушул болгон. Суук экен. Ыңаалап ыйлап жибердим. Сууктан эмес. Жөн эле. Эркелеп, эреркеп. Мени чыдамсыздык менен күтүп жатышат го дегем. Бирок...
Апам. Апамдын жытын жазбай тааныдым. Кандай гана жагымдуу. Мен, албетте, анын жүзүн көрө элекмин го. Бирок ал абдан сулуу болсо керек. Апамдын колдору мени орой кармап ары түрттү. Эмнеге? Мен келдим го. Бул күндү чыдамсыздык менен күтүп жүргөм да. Ал эмнеге орой?
– Сен гана жетишпей жаткансың!
Апамдын бул сөзүн жакшылыкка жоругум келди. Эми мен келип апамдын дүйнөсү түгөл боло түшөт окшойт дедим. Бирок...
Мен эркелеп ыйлай бердим. Курсагым да ач. Бирок... Бирок капыстан апамдын жытын жоготуп алдым. Эми чындап ыйладым. Кайда кеттиң? Апа-а!
Чоочун бирөө жаныма келгенин сезип жатам. Мени жыттап жатат. Бул эмне мурду сууланган? Адам эмес. Апам эмес. Чоочун жандык ырылдай баштады. Кыязы, менин апамды чакырып ыйлаганым анын жинине тийди окшойт.
Колум... Колум ооруп жатат. Токтотчу! Колум! Бутум! Токтотчу! Аа-а! Бул жырткыч менин азабымды түшүнө алган жок. Ал ачка экен. Мени тытып жеп жатты.
Денемден жаным бөлүнүп, четте карап турдум. Азабым түгөндү деңизчи... Бирок мен ыйлап жаттым. Менин сулуу денемди, бойтойгон колумду, бойтойгон буттарымды ит талап кара курсагын тойгузду.
– Карачы, эмне кылып салдың? Кандай сонун эле, бүт бүлүндүрүпсүң?!- ала дөбөткө кыйкырдым. Ал оозу-башын жаланып көңүлү ток. Мени укпады.
– Ыйлаба... Мен сага андан жакшысын жасап берем...- белгисиз жагымдуу үн чыкты.
– Апама мен бул бойдон жакпай калам... Карачы, ала дөбөт колумду жулуп салыптыр...- мен ыйлай бердим.
– Ал апаң эмес. Ал сени адашып алып алыптыр. Чыныгы апаң сени чыдамсыздык менен күтүп жатат...
– Жок!- денемдин тытылып жатканын көрүп ыза болуп жаттым. – Мен кайра бул жакка келүүнү каалабайм. Муздак экен. Адамдар муздак...
– Мейли, сен анда менин жанымда жүрө бер.
– А мен сага керекминби?
– Албетте. Периштелер мага ар дайым керек.
– Периште? Менин канаттарым болобу?
– Сөзсүз. Апакай, кичине канаттарың болот...

Марат Жанбараков
lira@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (24)

Nurdan01

2016-04-25 15:40:45

Иий эч бит наристени апакесинен ажыраттпасынчы,"Бироого зар,бироого кор бала" коп аялдар балалуу боло албай журушсо а бул жакта мындай окуя эххх...

Miali

2016-04-25 16:01:03

iiii kichinekeim)))kandai okunuchtuu oku9

nazira1989

2016-04-25 17:59:00

Журогум эзилип кетти,кантип?Кайсыл боору таш оз канынан,жанынан жаралган наристесин таштап кетет?Баландын колуна тикен сайылса канча журогун эзилет...Мага окшогон балага зар энелерге,уй-булоолорго да бала жытын жыттоону насип этсин жаратканым...(((((

muha.kg.kg

2016-04-25 19:59:30

Ыйлагым келип кетти.Байкушум ай чыркыраган бойдон кете берди да

nargis

2016-04-25 22:49:51

Корком онор ,калемизиз кургабасын тим эле ошол окуяны озу айткандай жазыптырсыз биз учун,бирок таш боорлорду эх билбедим.

glaz_almaz

2016-04-25 23:45:04

Байкушум наристе, бизге келчи, биз сени жылуу кутуп алабыз. "Адамдарга келбейм" дебечи! Биз барбыз. Биз сени коптон бери кутуп журобуз. "Муздак экен"-дебечи. Биздин койнубуз жылуу. Ыссык мээримибизди тогобуз.

Ыйлагым келип наристеге жооп жазып жибердим.

glaz_almaz

2016-04-25 23:48:59

Автор жакшы жазыпсыз, таасирдуу. Азаматсыз!

A3A

2016-04-26 00:51:12

(((((((

Nazikbaigazy

2016-04-26 01:37:25

Оа бул болгон окуя, отконгу жумада энеси таштап кеткен окуя, мен балага зар болуп жатам, бул акмак кочого итке жем кылып таштап койгон келесооо,

stervella415

2016-04-26 03:11:09

Actor molodess jakwy jazylyptyr

sunu2015

2016-04-26 13:42:30

Барган сайын таш боор апалар кобойуп баратат ушуларга жогорудагылар катуу чара колдонушпайбы

nura.177

2016-04-26 19:31:00

sunu2015,кандай чара болсо да таш боор,мерез адамды кантип ондойт. Бул ыймандын жоктугу,акылдын кемдиги, тарбиянын ото начардыгы деги соз жетпейт мындай макулуктарга. Жараткан баарына ыйман ынсап берсин

aydarken

2016-04-27 02:10:10

Kozumdon jash chygyp kettigo,bala degen kanday keremet jan ech nersege almashkys,Menin kolumda bir aylik bobogum bar kanday gana shirin .

NazikoTalant

2016-04-30 12:58:34

Отконку санда чыккан мыкаачы эненин окуясыго оз баласын кочого таштап байкуш куноосу жок наристени итке талаткан. Кандай энелер ушундай болот экен кудай сактасын

aizirek...

2016-06-01 00:41:22

Ыйлап жибердим...

Aygerim_tls

2016-07-04 01:14:24

Баланы эч нерсеге алмашпайт элем. Бала бакты, жашоонун манызы го.

Комментарий калтыруу үчүн өз ысымыңыз менен кириңиз же каттоодон өтүңүз.

№ 703, 22-апрель-28-апрель, 2016-ж