Эмил Балтагулов: «ҮЙҮБҮЗ ТАР БОЛГОНУ МЕНЕН, ЖҮРӨГҮБҮЗ КЕНЕН»
Учурда Жалал-Абад шаарында иштеп, жашап жаткан ырчы Эмил Балтагуловдун үйүнө барганыбызда келинчеги Гүлгүнай экөө: «Куш келипсиздер! Үйүбүз тар болгону менен, жүрөгүбүз кенен. Пейилиңиздер жакшы экен, башка коноктор да келмек эле, чогуу коноктоп, оңой кутулмак болдук. Чөнтөккө «эконом»,- деп тамашалап тосуп алышты. Үйүн тааныштырууда Гүлгүнай бизге гид болду.
ҮЙҮ ТУУРАЛУУ:
-
Жер тилкесин 3 жыл мурун 5000 долларга сатып алышкан.
-
Аянты – 6 сотых
-
Жашаган үйү (времянка) – 4 бөлмөдөн турат.
-
Короодогу 2 кабат имарат бүтө элек. Мунун 1-кабаты теннис ойноочу бөлмө, 2-кабаты студия болот.
"АТАМ "ТАМАК ЖАМАН БОЛУПТУР, ҮЙ ЧАЧЫЛДЫ" ДЕП УРУШПАЙТ"
– Эмил, үйдү башка жакка, мисалы, Ошко же Таш-Көмүрдөгү апаңдын жанына салбай, эмнеге Жалал-Абадга салгансың?
– Негизи «бул жакка келип иште» деп досум чакырган. Сокулукта жашап жаткан жеримден көчүп келсем, ал чет жакка иштегени кетип калды. Бул жактан жумуш таап, батирге чыктык. Батир акысын эми эле төлөсөң, кайра кийинки ай келип калат. Ушинтип жүргүчө деп жер тилкесин сатып алып времянка салып, былтыр январда көчүп келгенбиз. Бөлмөлөрүбүз чакан. Чоң салалы десек, карыз болчудайбыз. Гүлгүнайдын фобиясы – карыз. Карыз алдык дегиче уктабай калат. Андыктан анын фобиясына тийбедик. Буюрса, эшиктин алдындагы бош жерге 2 кабат үй салуу планда бар. Үйгө өзүм электр жарыгын киргизип, сантехниканы орноттум.
– Колуң көп нерсеге жөндөмдүү окшойт?
Гүлгүнай: – Ушулары эле болбосо отун жаруу, кой союу, малдын этин жиликтөө дегендерди билбейт. Коноктор келгенде тааныштарды чакырып эт бөлүштүрөбүз. Үй иштерин да «илхамы» келгенде гана жасайт.
Эмил: – Бирок майда-чүйдөгө, ашканага киришпейт, токтоо, урушка жок деп мактаганды унутпа.
Гүлгүнай: – Аның чын. Негизи үйдө урушту мен баштайм. Менин оюмдагыны жасабагандыгы, "азыр келип калам" деп күттүрүп жүрө бермей адаты үчүн (күлүп).
Ушул кезде жаныбызда бизге сонуркап отурган 7 жаштагы кызы Мадинага кайрылдым.
– Мадина, сен айтчы, атаң да апаңды урушабы?
– Кээде эле «баланы мага таштап кетип калбай, өзүң карасаң болбойбу» дейт.
– Ушинтип эле урушабы? "Тамак жакшы болбой калыптыр, үй чачылыптыр" дебейби?
– Атам антип айтпайт, урушпайт.
– Үйдө акчаны ким кармайт?
– Атам, апам андан акча алып, үйгө жей тургандарды алып келет.
– Сени эмне деп эркелетишет?
– «Кара кызым» дешет. Мен чаң аарчыйм, пол жууйм, идиш жууйм. Таштандыны канал жакка алып барып өрттөп келем, өрттөгөндө сасыйт. Апам жини келгенде бизди уруп коёт. Атам урбайт, урушуп эле коёт.
– "Жан апам" деген ырды ырдап жүргөнүңдү билем. Эл алдында тартынбай эле ырдайсыңбы?
– Биринчи ырдаганда уялгам, азыр көнүп калдым.
– Оюнчуктарыңар көппү?
– Көп эле. Бирок апам баарын шкафтын үстүнө жыйнап салган. Үйдү чачышат деп ойлойт го.
Конок бөлмө
– Конокторду тосчу да, отуруп чай ичип, телевизор көрчү да бөлмөбүз ушул. Уулубуз Мухаммед чаңдатып, шаңга бөлөмөйүнчө көркүнө чыга бербейт.
Уктоочу бөлмө
– Өтө чакан болгондуктан диван, шифоньерди эптеп батырганбыз.
Ашкана
– Бул бөлмөгө мен чоңмун дебейминби. Үйдө азык-түлүк толуп турса, конок келе берсин деп турам.
– Эшиктин алдын бош койбой, көрктөндүрүүнү максат кылып жатабыз.
Балдар жана студия бөлмөсү
– Бул «карлик» бөлмө. Кыздарым уктоочу 2 ярустуу керебет менен Эмилдин студиясы ушул жерде жайгашкан. Кыздарыбыз терезелүү бөлмөдө уктагандан коркушкандыктан терезе салган эмеспиз.
Канымжан Усупбекова
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (48)
Крокус ситиде жакшы отту концертинер аман эсен кыргызстанга жетип алыныздар кыздарыныз сабактан калбасын
Мавлюдка келгенде аябай кубандым, бактылуу болунуздар, Аллах уй булонорго тынчтык, бакыт, чексиз суйуу, узун омур берсин !
Азамат! Улгу болчу уй-було
эн жакшы бактылуу болунуздар бой котогондук мактаанчаактык деген жок бул байкеде
Eki duinodo baktyluu bolunuzdar
Таштандыны орттогондо сасыйт дегени жакты)
Эх менинда фобиям карыз да..эчкимден сурабайм, бирок менден карыз сураганын коюшпайт.
Бактылуу болгула көз тийбесин.
эн сонун уй экен бактылуу болгула ылайым ушул уйдо тойлор болсун ар бир пенденин жашаган тамы болсун.....
бактыныздарга коз тийбесин ,балдарыныздын сый урматын корунуз сиздин ырларынызды коп угабыз,
Меникиндей сыналгысы баркен)))
arena2014, меникиндей курогу кетмени эшиги терезеси бар экен эми эмне кылыш керек
Мага да ушундай үй керееек)
