Өлкөдө ОНКОЛОГИЯЛЫК ООРУСУ бар 23,5 миң адам каттоодо турат, жылына 3,5 миң киши ушул дарттын айынан кайтыш болот. Бул тууралуу Онкология боюнча улуттук борбордун директору Бактыгүл Султангазиева билдирди.
"Түркия Кыргызстандын жарандарына ВИЗАСЫЗ ЖҮРҮҮ мөөнөтүн 90 күндөн 30 күнгө кыскартат",- деп түркиялык ЖМКлар маалымдашты. Мындай кыскартууга Казакстан, Азербайжан, Орусия жана Беларустун жарандары да туш болот.
АБИТУРИЕНТТЕР үчүн ЖОЖго тапшыруунун 1-туру 11-июлда башталат. 2-тур 18-23-июль, 3-тур 25-30-июль күндөрүнүн аралыгында өтөт.
"ОРОЗО БОЛЖОЛДУУ түрдө 6-июнда башталат",- деп билдирет Кыргызстан мусулмандарынын дин башкармалыгы.
Өкмөт башчы Сооронбай Жээнбековдун басма сөз катчысы болуп ЧЫҢГЫЗ ЭСЕНГУЛ УУЛУ, Жогорку Кеңештин төрагасы Чыныбай Турсунбековдун басма сөз катчысы болуп МИРЛАН ТОКТАЛИЕВ дайындалды.
Быйыл 15-майда белгилене турган ЭНЕЛЕР КҮНҮНӨ карата 1902 аял “Баатыр эне” ордени, 437 аял “Эне даңкы” медалы менен сыйланды.
Бишкек шаарындагы 73 миң окуучуга ылайыкташтырылган МЕКТЕПТЕРДЕ 126 миң бала окуйт.
Өлкөдө 954 ЖЕТИМ БАЛАГА ай сайын 2 миң сомдон жөлөк пул берилет. Мындан тышкары кароосуз калган 15 722 балага ай сайын миң сом өлчөмүндө жөлөк пул берилет. Бул тууралуу Социалдык өнүктүрүү министрлиги кабарлады.
ИИМдин ПАТРУЛДУК милиция башкы башкармалыгын Эркин Баев жетектемей болду. Ал буга чейин ИИМдин Коомдук коопсуздук башкармалыгын башкарып келген.
Каржы министрлигинин маалыматына ылайык, Жогорку Кеңешти камсыздоого апрель айында 82 миллион сом коротулду.
Кыргызстандын МАМЛЕКЕТТИК КАРЫЗЫ 3 миллиард 646 миллион долларды түзүүдө. Бул тууралуу өкмөттүн аппаратынын маалыматтык камсыздоо бөлүмү маалымдайт.
Кыргызстан Google’дун "GOOGLE STREET VIEW" сервисинин картадан көрсөтүү системине киргизилген дүйнөдөгү 77-мамлекет, ал эми Борбордук Азиядагы эң алгачкы мамлекет болду. Аталган сервис интернет аркылуу Кыргызстандын айрым жерлерин 2,5 метр жакындыкта көрсөтө алат.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.