АПРЕЛЬ ОКУЯСЫ БОЮНЧА СОТТОЛГОНДОР АЧКАЧЫЛЫК ЖАРЫЯЛАШТЫ

2010-жылдагы Апрель окуясы боюнча соттолгон мурунку башкы прокурор Нурлан Турсункулов, "Альфа" атайын даярдыктагы аскер бөлүгүнүн мурунку командири Алмаз Жолдошалиев, ошол кездеги президенттин кеңешчиси Элмурза Сатыбалдиев жана Президенттик аппараттын мурунку башчысы Каныбек Жороев ачкачылык жарыялашты.
Эске салсак, 3-июнда Аскер соту биринчи инстанциядагы чечимдерди күчүндө калтырып, ошол кезде жетекчилик кызматта турбаган аскер кызматкерлерине мунапыс жарыялаган.
Маалыматтарга караганда, 8-июнь күнү Нурлан Турсункулов, Алмаз Жолдошалиев, Элмурза Сатыбалдиев, Каныбек Жороев СИЗОдо жаза мөөнөтүн өтөп бүткөндүктөн эркиндикке чыгышы керек болчу. Бирок аларды эркиндикке чыгуусу созулуп жаткандыктан алар ачкачылык жарыялашкан.
УКМК соттун чечими келип түшкөндүгүн жана Жазаларды аткаруу мамлекеттик кызматынан тиешелүү документтер күтүлүп жатканын жооп кылууда.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 710, 10-июнь-16-июнь, 2016-ж