Кенже Дүйшеева: «МЕНИ КАРАЛАГАН КИМ ЭКЕНИН БИЛЕМ»
Жакындан бери бирөө ырчы Кенже Дүйшееванын атынан Инстаграмга катталып, «Кыз-Бурактын» кыздарынын абийирин ачкан жагымсыз пикирлерин калтырууда. Ага «сенин кылганың туура эмес» деп жазгандар менен урушканга чейин барып жатканын айтат окурмандар. Ырчы айым «өзүмдү каралаганга көнүп деле калгам. Үй-бүлөмдү аралаштырганы мага жагымсыз болуп жатат» дейт.
– Кенже эже, сиздин атыңызды фейк пайдаланып жатканын кайдан билип калдыңыз?
– Буга бир жума болуп калды окшойт. Мага тааныштар чалып, «сиздин атыңыздан бирөө инстаграмда ар нерсени жазып жатат» десе, фанклуб окшойт деп маани берген жокмун. Көрсө, менин атымды пайдаланып жаман нерселерди жазып жатыптыр. Ал Сайкал экөөбүздү кайым айтыштыргысы келип жатабы деп да ойлодум. Мен Сайкалды дагы деле баладай көрөм. Андай уят сөздөрдү жазбайт деп ойлойм. Ал эмес менин атымды пайдаланып Айжамалга карата жаман сөздөрдү жазыптыр. Бирөө жаман болгон күндө да менин оозумдан жаман сөз чыкпайт. Мен муну баса айта алам.
– Сизге буга чейин деле бут тосуулар болуп келет. Бул жорукту кандай кабыл алдыңыз?
– Бут тосуу болуп келатат, боло турган эле нерсе. Мындай нерсени күтсө болот. Буга мен териккен деле жокмун. Болгону үй-бүлөмдүн сүрөтүн аралаштырганына жиним келди. Менин үй-бүлөлүк бактым, чыгармачылыктагы ийгилигим бирөөнү кытыгылап жатат окшойт. Мындай нерсени жашоодо жакшылык көрбөгөн, жан дүйнөсү жарды адам гана кылат. Мунун баарын мен күзгө белгиленген концертимдин алдынан каралоо деп ойлойм. Анткени гастролдук тур башталары менен ушул нерсе чыкты.
– Фейк «Кыз-Бурак» тууралуу жагымсыз кептерди жазып жатат. Демек, сизди көргөн-билген эле кишинин кылганы го? Териштирген жоксузбу?
– Мен ырдап жүргөн кезде, деги эле мен жашоомдо ыплас нерсеге эч качан жол бербейм, берген дагы эмесмин. Андыктан бул нерсени териштирген жокмун. Булар мени чыгармачылыкта чалынтууну максат кылып жатышат. Чыгармачылык бирөөнүн атасынан калган мурас эмес да. Мага ким аң казып жаткан болсо, эртең ошол орго өзү түшөрүн билсин. Ал жерде мен оозума албаган сөздөр жазылганын баары эле билип жатышса керек. Жездеңерге билдирүүлөрүн окуп берсем каткырып күлөт. Жолдошумдун бир жакшы сөзү бар, «мейли, канча кеп кылса кылышсын, негизгиси, биз бактылуубуз, көз тийбесин» дейт. Мени каралап жаткан адамдардын ким экенин жакшы билем. Андыктан бул жоругун токтотсо жакшы болмок.
Ушул ат менен катталган бирөөлөр ырчы айымды каралоосун дагы деле токтото элек.
Гүлжамал Бөрүкулова
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (66)
Ал жок болуп кеткен окшойт, инстаграммда жокко) кирип окуп короюн дедим эле...
uwunday adamdar koboudub azyr! ozu bolo albayt bolgondu koro albait!
Эээ бул жагы орустардын (А. Малаховдун) "жонкой суйлой берсин"-передачасынан отуп кетиптирго.
nur007mir009kg, "майли,жабдырай берсин"
оббоо ырчылардын ушундайы качан токтойт...
Кимге куч келиптир ушунун атынан почта ачып карыганда жон эле отурбайбы жаш балага окшобой. Пиар да.
Чыгармачылыктагы инсандардын жашоосу кызык ошол учун сен жазып жатпайсынбы,сен ошондо даана жашоодон кетип калган адам турбайсынбы,тууй ата.Сен Кенже эжекебиздин тушуно да кирбесен керек :)
Жакшы соз Жан эргитет,жаман соз жан кейитет дегендей ар бир адам жакшы соз уксан кубанасын,жаман соз уксан кыжал болосун,ошондуктан комментарий жазгандар эмоцияга алдырбай озунорду кармап жазгылачы сураныч!Кенже Д..га чындыкты жазгандыр
кенже еже мен сизди суйом.артка кылчайбаныз только период
Кенже эжени эркек муноз, тарс тарс бетке айтат дагы ушундай сыяктуу создорду айтып койсо эле огош бетер коколойт да коколойт!Кыскасы мага жакпайт кантсе дагы аял киши ордун билиш керек!
Aysuluu95, Жашоого ар бир адам кимдир бироого жагыш учун келбесе керек.сен деле бироого жакпай чыгаттырсын.Эженин эркек муноздугу табиятынандыр.ал эми табият берген нерсени бир да бир инсан озгорто албайт го.
slastenchik,Албетте пенде болгондон кийин ар бир инсандын жакшы жана жаман саппаттары болот. Мени баары жакшы корот дегенден алысын. Мен жеке оюмду сизге айткан жокмун!
Билип туруп анан унчукпай турчулардан эмес бул аял.
Кенже эже да кызык :))) душмандары жанында экенин да билбептирби :((.Албетте Гулнара менен Айжамал да!мурда эле топто жургондо Кенже эжени жамандашчу.буларды мен жакшы билем го :)
Super info Кенже Дуйшееванын "ош шаарым" клибин жуктоп койгулачы сураныч
Чын жүрөктөн баарыбир!!! Ырчыларыбыздын ичинде эмне болуп жатканын өздөрүнөн бөлөк эч ким билбейт. Так что...ишенип да ишенбей да нерв коротпогула!
