ОЛИМПИАДАГА БАРЧУ ДЕЛЕГАЦИЯГА 45 АДАМ КИРДИ

Кыргыз Республикасынын Олимпиадага барчу делегациясы бекитилип, анда жалпы 19 спортчу, 16 машыктыруучу, 2 спарринг-өнөктөш, 3 дарыгер, 1 калыс, 1 журналист кирген. Мындан тышкары Улуттук Олимпиада комитетинин жетекчиси Шаршенбек Абдыкеримов, 1980-жылы Олимпиада чемпиону болгон Каныбек Осмоналиев жана жалпы делегацияны Жаштар иши, дене тарбия жана спорт боюнча мамлекеттик агенттигинин башчысы Канат Аманкулов жетектейт.
26-июль күнү өлкө президенти Алмазбек Атамбаев баш болуп кыргыз спортчуларын Бразилияга узатышты. 27-июль күнү спортчулардан алгачкысы болуп жеңил атлетчилер менен сууда сүзүү боюнча катышуучулар Риого жөнөп кетишти. Алтын медаль алган спортчуга өкмөт тарабынан 7 миллион сом, күмүш 5 миллион сом жана коло байге ээсине 3,5 миллион сом ыйгарылат. Муну менен катар медалга илинген спортчуларга Бишкек мэри Албек Ибраимов батир убада кылса, УОК тарабынан унаа берилет.

Адилет
Керимбек уулу
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

ofcourse

2016-08-01 11:49:59

Баарына ийгилик

Oshken26

2016-08-01 12:15:47

Жакшы экен. Аллахым колдосун!

bakaiBBBB

2016-08-02 20:50:28

атлеттер менен сууда сузу боюнча баргандарга коз жетпеди а курошчулордон умут бар

shumkar.kg

2016-08-03 18:15:35

Ийгилик баарына.22 спортчу барат деп окуп калдым элэ 19 элэби?

Комментарий калтыруу үчүн өз ысымыңыз менен кириңиз же каттоодон өтүңүз.

№ 717, 29-июль-04-август, 2016-ж