"Самая, самая", "Только ты, только я" өңдүү хип-хоп стилиндеги бир катар хит ырлары менен белгилүү болгон орус шоу-бизнесинин көрүнүктүү жылдызы Егор Крид 6-август күнү Ош шаарында концерт берди. Ырчы кыргыз жериндеги күйөрмандарына чыгармаларын тартуулап гана тим болбостон, өзгөн күрүчүнөн даярдалган аш жегенге да жетишкен. Тамактанып жаткан сүрөтүн Инстаграм баракчасына 7-августта жүктөп, "кечки тамак тоюмдуу болду, палоо аябай сонун" деген пикирин жазган. Сүрөттү миңдеген окурмандары жактырып, пикирлерин калтырышты.