БИР БҮРКҮМ

Ош облусунда 5 айыл өкмөтү өзүн-өзү каржыласа, 83 айыл өкмөт ДОТАЦИЯДАН чыга элек.
4 күнгө созулган Кыргыз жаштарынын I ДҮЙНӨЛҮК КУРУЛТАЙЫ 11-августта башталды.
Баткен облусундагы ЗАРДАЛЫ АЙЫЛЫНА унаа каттамы ачылды.
II Дүйнөлүк көчмөндөр оюндарына карата Бишкек шаарынын чоң көчөлөрүндөгү ЖАРНАМА ТАКТАЛАРЫ иретке келтирилүүдө.
Кыргыз Эл жазуучусу, драматург СУЛТАН РАЕВДИН "Ханышанын көз жашы" пьесасынын англисче премьерасы Лондон шаарында 21-22-август күндөрү коюлат.
ЭРМЕКБАЙ ТОПЧУБАЕВ Кызыл-Кыя шаарынын мэри болуп шайланды.
"Тез жардам" кызматына окуялар тууралуу жалпыга маалымдоо каражаттарына маалымат берүүсүнө ТЫЮУ САЛЫНДЫ.
Февраль айында И.Ахунбаев атындагы Кыргыз мамлекеттик медициналык академиясынын аппарат жетекчиси АБДЫКЕРИМ ГАПАРОВ пара алып жатып кармалып, ошол учурда анын жүрөгү кармап каза тапкан. Бул боюнча УКМКнын 3 кызматкерине кылмыш иши сотко өттү.
ЧЫМ-КОРГОН айылындагы республикалык психиатриялык ооруканадагы ар бир бейтаптын дары-дармегине орточо 15, тамактануусуна 42 сом бөлүнөт.
Чүй облусундагы БУРАНА мунарасына жарык берүүгө "Түндүкэлектр" 1 миллион сом бөлүп берет.
Жогорку Кеңеште "ЖЕР ТИЛКЕЛЕРИН КОТОРУУ ЖӨНҮНДӨ" Кыргыз Республикасынын мыйзамына өзгөртүүлөрдү киргизүү тууралуу" мыйзам долбоору коомдук талкууга коюлду. Бул мыйзам долбоору кабыл алынса, 2009-жылдын 31-июлундагы "Сугат-айдоо жерлерин жарактуу жерлердин башка категорияларына жана түрлөрүнө которууга мораторий киргизүү жөнүндө" Кыргыз Республикасынын мыйзамы күчүн жоготту деп таанылат.
Мотивация, умтулуу боюнча дүйнөгө таанымал сөз чебери, оратор НИК ВУЙЧИЧ Кыргыз өлкөсүнө 2017-жылдын башында келет.
Казакстандагы интернет-операторлорго болгон кызмат баасынын 2 эсеге жогорулашы ӨЛКӨБҮЗГӨ ТААСИР ЭТИШИ мүмкүн экендигин Маалыматтык технологиялар жана байланыш мамлекеттик комитетинин өкүлү Бакыт Шаршембиев билдирди.
Кыргыз жарандары жасалып жаткан паспорттун даяр болгонун ОНЛАЙН РЕЖИМИНДЕ көз сала алат. Мамлекеттик каттоо кызматынан билдиргендей, ал үчүн мекеменин электрондук кызматтар сайтына кирүү керек.
Сентябрда өкмөт тарабынан ПАМИРЛИК КЫРГЫЗДАРГА 10 миллион сомдук гуманитардык жардам жөнөтүлөт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 719, 12-август-18-август, 2016-ж