ВИТАМИНГЕ БАЙ КЫШКЫ САЛАТТАР
Күркүрөгөн күз айы жакындап, кожойкелер кыям, салаттарды жасап кышка камылга көрө баштаган учур. Эгерде сиз салаттын кайсы түрүн жасоону билбей баш катырып жатсаңыз, төмөнкү салаттын түрлөрү сиз үчүн.
"БАКЧА" САЛАТЫ
Керектелүүчү азыктар:
Даярдоо ыкмасы:
1. Бардык жашылчаларды жууп-тазалап алгандан кийин түстүү капустаны майда бөлүктөргө бөлөбүз. Бадыраң, сабиз, болгар калемпирин жана помидорду чоң-чоң кылып узунунан туурайбыз.
2. Бууланган банкага лавр жалбырагын, тоголок кара мурчту салып, үстүнө кесилген жашылчаларды, аягында сарымсак менен петрушканы салабыз.
3. Жашылчалар салынган банкага кайнак сууну куюп, оозун кайнатылган капкак менен жаап, 15 мүнөт тыныктырабыз. Андан соң банкадагы сууну мискейге куюп кайнатып, кайра банкага куябыз. Муну эки ирет кайталоо керек. Эми ошол эле сууну мискейге куйгандан кийин ага туз, кумшекер, уксусту кошуп маринад даярдап алабыз.
4. Маринадды банкага куюп, оозун капкак менен бекитебиз. Банканы көмкөрүп, жылуу ороп коёбуз. Муздагандан кийин салкын жерде сактоо керек.
"ЧОУ-ЧОУ" САЛАТЫ
Керектелүүчү азыктар:
-
Капуста – 1 даана
-
Таттуу болгар калемпири – 2-3 даана
-
Лимон – 1 даана
-
Алма уксусу – 300 миллиграмм
-
Кумшекер – 300 грамм
-
Кызыл пияз – 1 даана
-
Имбир порошогу, тоголок кара мурч, горчица жана кызыл калемпир – 1 чай кашык
-
Туз – татымына жараша
Даярдоо ыкмасы:
1. Капуста, болгар калемпирин тазалап, туурайбыз. Пиязды тазалап, жарым шакекче түрүндө кесип алабыз. Баарын аралаштырып мискейге салабыз.
2. Лимондун ширесин кошуп, туздан себебиз. Баарын аралаштырып 1 саат жылуу жерде, андан кийин 3-6 саат муздаткычта сактайбыз.
3. Горчицаны жана тоголок мурчту майдалап жанчыйбыз.
4. Башка мискейге бардык татымалдарды жана кумшекерди аралаштырып, уксус кошуп кайнатабыз. Даярдалган аралашмага туздалган жашылчаларды салып жай отто 10 мүнөт кайнатабыз. Бул убакытта жашылчалар жумшарып калышы керек.
5. Бышкан салатты бууландырылган банкаларга салып, оозун бекитебиз.
ТӨӨ БУУРЧАК КОШУЛГАН ЛЕЧО
Керектелүүчү азыктар:
-
Помидор – 1 килограмм
-
Сабиз – 500 грамм
-
Жашыл болгар калемпири –
2 даана
-
Кызыл болгар калемпири –
1 даана
-
Өсүмдүк майы – 100 миллиграмм
-
Сарымсак – 1 баш
-
Кумшекер – 100 грамм
-
Уксус 9% – 10 миллиграмм
-
Төө буурчак чанагы менен – 500 грамм
-
Туз – татымына жараша
Даярдоо ыкмасы:
1. Төө буурчакты чанагы менен кайнап жаткан туздуу сууга 5 мүнөттөй салып, сүзүп алабыз.
2. Сабизди аарчып, сүргүчтөн өткөрөбүз.
3. Помидорду кабыгынан ажыратып эзип, өсүмдүк майын куюп аралаштырабыз. Буга сабиз, туз, кумшекерди кошуп 25 мүнөт кайнатабыз.
4. Эми аралашмага тууралган болгар калемпирлерин, сарымсакты жана төө буурчакты салып, 10 мүнөт кайнатабыз.
5. Соңунда уксусту куюп аралаштырып, бууландырылган банкаларга куюп, капкак менен бекитип коёбуз.
Тазагүл Эмилбек кызы
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (7)
Кышкы салат жасап убара болгончо керек болгон учурда каалаган салатты жанылата жасап жеген он экен,эжемдин кыздары отравление болуп бир олумдон калышты ошондон кийин коркуп калдым салатты этияттык менен кылдат жасабаса кыйын.
быйыл жашылчалар кымбат ко...кичине арзандаса.. азыр бадыраң жаап атам....баштайм деген.
Апам памидор,кызыл кок болгариский, сабиз,пияз,капуста кок чоптордон райкан кошуп эле ошолордун баарын шакекче же кубик сыяктуу туурап, кууруп же суу кошуп дымдап кырышкалап жаап берчуу. Сонун болот эле, азыр деле мен ошентем. Азыркы учурда кошулмалардын туру чыкпадыбы,баклажаны,хрен гулдуу капуста дегендер.Алардан кошпойм,кыргызча эле кылып апамын рессебиндей кылып жаап койом. Ден соолукка да коркунучу жок,чонтокко да пайда. Отравление болгондорду ошондой ар кыл чопторду кошкондордон эле кором,
Озубуздун салаттардан жазбайсынарбы кам салат.думдама дегендей
Жжакшы салаттар экен уйронуп алдвм
Рахмат жакшы салаттар экен мага жакты мен да кийинки кузго ушинтип даярдайм
