"РИО-2016": АЙСУЛУУ ТЫНЫБЕКОВА МЕДАЛДАН КУРУ КАЛДЫ

Бразилияда өтүп жаткан Олимпиада оюндарында кыз-келиндер арасындагы күрөш боюнча беттештер 17-августта старт алып, анда кыргыз балбаны Айсулуу Тыныбекова 58 килограмм салмакта күчүн сынады. Ал алгачкы беттеште үй ээси бразилиялык Жойс Сильваны жеңип, чейрек финалдык кармашта Маарит Оллини 14:7 эсебинде тизе бүктүрдү. Эми эки беттешти утса алтын медаль күтүп алмак. Бирок...
Жарым финалдык таймашта чаалыгып калган биздин кыз орусиялык Валерия Кобловага утулуп калды. Эми индиялык атаандашты утуп, коло байгени илип кетүү зарыл эле. 3-орун үчүн беттеште балбаныбыз Индиянын спортчусу Малик Сакшини 5:0 эсебинде жеңип жатты. Бирок экинчи бөлүктө атаандаштын аракети ийгиликтүү болуп, коло медаль Сакшиге ыйгарылды. Беттештен соң Айсулуу апасына чалып, медалга жетпей калгандыгы үчүн кыргыз элинен кечирим сурагандыгы социалдык тармактарда кызуу талкууга алынып жаткан учур.
Балбан кызыбыз 5-орунду ээлегени менен, кыргыз эли үчүн медаль алгандай таасир калтырат. Анын ар бир беттешинде кашык каны калгыча кармашканы, дүйнөнүн мыкты балбандары менен тең тайлаша күрөшкөнү көпчүлүктүн жүрөгүн жылытты. Кыргыз өлкөсүнүн курамындагы жалпы балбандар арасынан бир кызыбыз гана жарым финалга чыгышы калгандардын намысына тийгендей болду. Азырынча эркин күрөш боюнча балбандарыбыз беттештерге чыга элек, алар кандай көрсөткүч менен келерин күтүп туралы.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (17)

student-95

2016-08-22 11:01:58

сенин 5 орунду алганын биз учун алтынга тете азаматсын

+20

azamat.95

2016-08-24 00:50:53

Ырас болуптур...

-11

ulanbek2000

2016-08-22 11:19:11

Айсулуу эже сизге ийгилик. Баары алдында буюрса дуйно чемпиону болосуз.

+17

sabyr86

2016-08-22 17:15:15

Айсулуу азамат аябай аракетчил,намысчыл экен.кыргыздын намысын болгон күчү м.н жан үрөп талашты,Айсулуу чоң рахмат сага.

chicagogirl

2016-08-22 21:22:22

Azamatsyng Aisuluu! Biz uchun altyn ele aldyng

Sara07

2016-08-22 21:26:28

Сени менен сыймыктанабыз алтын кыз ! Европанын чемпионун тизе буктургонун озу жетиштуу ! Сенин мээнет ,аракетинди коруп ,баалап турдук! Сенден дагы да коптогон жеништерди кутобуз !

Azumi32

2016-08-22 21:29:25

"Намыс","элим"деп ыйлаган сендей кыргыздын кызы бар экендиги элибизди абдан кубандырды. Ар дайым ден соолукта болуп,бар бол! Дагы да болсо ийгиликтер алдыда.

nazira1989

2016-08-23 00:50:10

Айсулуу сиз кыргыз элинин сыймыктанган кызысыз.Сиз биз учун Алтын Кыз!!!

Miya.solnce

2016-08-23 00:56:01

Темасын башкача койсонор болмок экен! Айсулуу алтын кыз ансыз да жаман акыбалда!

ilgis1991

2016-08-23 14:45:07

Азаматсын Айсулуу!!!индиялыктар жюрилердин оозун басып койгону белгилуу эле болуп калды.Ишенип кой сенин келечегин алдыда.Андыктан талыкпай эмгектене бер.Ден соолук каалайм.

Bdastan

2016-08-23 19:10:21

Айсулуу молодец!!!!!для нас ты уже золото завоевала!!!!ты боролась достойно!!!!

madin_

2016-08-24 16:06:37

Алтын кыз, Кыргызстандын намысын чын дили менен коргоду, чыныгы Кыргыз, чыныгы патриотторубуздун бири.. Кыргызда ушундай кыздар кобойо берсин..

Deniza88

2016-08-26 20:11:36

Азамат Айсулуу эл сени менен

nurillm

2016-08-27 18:15:33

Азаматсын ийгилик

erlist

2016-08-28 02:51:44

Айсулуу эркек торосо ошо таза чемпион болот болду эми турмушка чыгып бактылуу уй булоо куруп жаша спорт деп журуп кур каласын баарынан эки олимпиадага барганын эле чон жетишкендик тебе больше нечего доказывать.Турмушка чыгып багын ачылсын барган жеринен.

Ananai

2016-08-28 04:22:27

Оозубузду ачып журоверсек биз д бардык нерседен куру калавыз....

Комментарий калтыруу үчүн өз ысымыңыз менен кириңиз же каттоодон өтүңүз.

№ 720, 19-август-25-август, 2016-ж