Бийликти күч менен басып алууга шектелип камакка алынган БЕКТУР АСАНОВ менен КУБАНЫЧБЕК КАДЫРОВДУН иши сотко өткөрүлдү. Аталган иш Бишкек шаарынын Биринчи Май райондук сотунда каралат.
Дүйнөлүк интеллектуалдык менчик уюму жарыялаган ИННОВАЦИЯЛЫК ӨЛКӨЛӨРДҮН рейтингинде Кыргызстан 128 өлкөнүн арасында 103-орунду ээледи. Коңшу Казакстан 75, ал эми Тажикстан 86-орунда.
Акыркы 5 жыл ичинде кыргыздар тарабынан МОСКВАДА ташталган 58 бала Кыргызстанга алып келинген. Алардын 33үн башка адамдар багып алса, 7син өз үй-бүлөлөрү алып кетишкен. 18и учурда балдар үйлөрүндө.
7 ай ичинде №47-АБАКТА 14 адам каза тапкан. Бул тууралуу Акыйкатчы институтунун басма сөз кызматы маалымдайт.
Калифорния университетинин окумуштуулары 70 жылдан соң глобалдык аба ырайынын өзгөрүүсүнө байланыштуу бир катар шаарлардын катарында Бишкекте да Олимпиада өткөрүүгө мүмкүн болорун айтып чыгышты. Мындан улам 2084-жылкы ЖАЙКЫ ОЛИМПИАДА оюндары Бишкек шаарында өтүшү мүмкүн.
Жазаларды аткаруу мамлекеттик кызматы өлкөнүн аймагындагы абактарга азык-түлүк сатып алуу үчүн тендер жарыялады. Мамлекеттик сатып алуулар сайтына жарыяланган маалыматка ылайык, азык-түлүктүн жалпы баасы 42 МИЛЛИОН сомдон ашат.
Кыргыз Республикасынын Орусиянын Екатеринбург шаарындагы башкы консулу ТӨЛӨНБАЙ КОЖОБАЕВ кызматынан бошотулду. Ал бул кызматка 2012-жылы дайындалган болчу.
КӨЧМӨНДӨР ОЮНДАРЫНЫН ачылышына билеттер 300 сомдон 3800 сомго чейин болот. Ал эми жабылуу аземине билеттер 300 сомдон 2000 сомго чейин бааланмакчы.
Келечектеги МИГРАНТТАРДЫН абалын жакшыртуу үчүн жогорку класстагы окуучуларга техникалык билим берүү каралууда. Маселен, кыздар мектептен медайымдыкка үйрөнсө, чет жактан бул жумуш үчүн 1500-2000 доллар маяна алуу мүмкүнчүлүгү бар. Бул тууралуу Мамлекеттик миграция кызматынан билдиришти.
Бишкек-Нарын-Торугарт жолундагы БООМ КАПЧЫГАЙЫНДА 16-25-август күндөрү саат 9дан 15:00гө чейин таштар кулатылмакчы. Бул аралыкта жолдун бир тарабы жабылуу болот.
Бишкек, Ош шаарларындагы 10 МЕКТЕПКЕ "Дин маданиятынын тарыхы" аттуу сабак пилоттук негизде киргизилүүдө. Бул тууралуу Дин иштери боюнча Мамлекеттик комиссиянын төрагасы Орозбек Молдалиев билдирди.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.