Кара өрүк – эң пайдалуу мөмө. Андыктан учурда төгүлүп бышып жаткан бул мөмөдөн кышкыга даамдарды жасап, кампаңызды витаминдерге толтуруңуз.
КАРА ӨРҮК+ЖАҢГАК КЫЯМЫ
Керектелүүчү азыктар:
Даярдоо ыкмасы:
1. Кара өрүктү жууп, сабак жагына калем сапты сайып данегин түртүп чыгарабыз. Жаңгактын маңызын 4 бөлүккө бөлүп, анын бирин данектин ордуна салабыз.
2. Кара өрүктү сыр идишке салып үстүнө кумшекер кошуп, ширеси бөлүнүп чыкканча тыныктырып коёбуз.
3. Эми идиши менен отко коюп 5 мүнөттөй кайнатып алабыз да, оттон чыгарабыз. Кыям муздаганда кайра дагы бир жолу 5 мүнөттөй кайнатып, алдын ала бууланган банкаларга жаап коёбуз.
КАРА ӨРҮК+ШОКОЛАД КЫЯМЫ
Керектелүүчү азыктар:
Даярдоо ыкмасы:
1. Кара өрүктү жууп, данегинен ажыратып алабыз да, үстүнө кумшекерди салып салкын жайга ширеси чыкканча коё турабыз.
2. Ширеси чыккан соң какаону жана ванилинди кошуп, жай отто 15-20 мүнөт кайнатабыз.
3. Алдын ала бууланган банкаларга куюп жаап салабыз.
ТКЕМАЛИ СОУСУ
Керектелүүчү азыктар:
(0,5 литрлик 3 банка үчүн)
Даярдоо ыкмасы:
1. Кара өрүктү жууп, данегинен ажыратабыз. Ал эми болгар калемпирин, ачуу калемпирди, сарымсакты тазалап жууп алабыз да, баарын эт өткөргүчтөн өткөрөбүз.
2. Даяр болгон аралашмага туз, кумшекерди салып аралаштырып, 15 мүнөт жай отто кайнатабыз. Соусубуз даяр. Бул соус көп тамактарга мыкты татымал болуп бере алат.
КУРГАТЫЛГАН КАРА ӨРҮК –
Кара өрүктүн кагынын курамында В витамини, темир көп. Аз кандуулукта жана бөйрөк ооруларында пайдалуу. Организмдин стресске туруштук берүү жөндөмдүүлүгүн күчөтөт. Калориялуулугу – 339 килокалория. Андыктан кант диабети жана ашыкча салмактуулук менен жабыркагандарга көп өлчөмдө жегенге болбойт. Кээде аллергияны чакырышы мүмкүн. Күнүмдүк норма 50 граммдан ашпашы керек.
КАРА ӨРҮК+ШАБДАЛЫ КОМПОТУ
Керектелүүчү азыктар:
(3 литрлик банка үчүн)
Даярдоо ыкмасы:
1. Кара өрүк менен шабдалыны таза жууп алабыз да, бууланган банкага салабыз.
2. Кайнап жаткан сууну банкага куюп, капкак менен жаап 10-15 мүнөт коё турабыз.
3. Банкадагы сууну мискейге куюп алып, ага 200 грамм кумшекерди кошуп кайнатып сироп даярдайбыз да, аны банкага куюп оозун бекитип коёбуз.
КАРА ӨРҮКТҮ КУРГАТУУНУН ЖОЛДОРУ
1. Күн нуру түз тийген жерге жайып кургатууга болот, бирок как катуу болуп калат.
2. Көлөкөдө кургатуу эң жакшы ыкма. Анткени жемиштеги бардык пайдалуу заттар сакталып, жемиш өтө катуу болбой кургайт. Бирок узак убакытта кургайт.
3. Электр мешине салып кургатуу башка ыкмаларга салыштырмалуу тез болгону менен, электр энергиясын коротуп ашыкча чыгым тартасыз. Табага пергамент кагазын төшөп, экиге бөлүнгөн жемишти тизип салып, 3-4 саат 50 градуста, андан кийин 75 градуска жогорулатып 10-12 саат кактоого туура келет. Айрымдар алтын күкүрткө ыштап да кургатышат. Мөмө бат кургап, сапаты жакшы көрүнгөнү менен, мындай как ден соолукка зыяндуу деп эсептелинет.
Кара өрүк заара айдоочу касиетке ээ. Бөйрөк, боордун иштешин жакшыртат.
Кара өрүк организмди оору жуктургуч бактериялардан коргоп, токсиндерди, шлак жана башка зыяндуу заттарды эң сонун айдап чыгат. Мындан сырткары ич катуунун душманы.
Жумушка болгон жөндөмдүүлүктү арттырат. В витамининин тобу организмди сергитет, күч-кубат берет, маанайды көтөрүп, эс-тутумду жакшыртат.
Дамира Арстанова
kenesh@super.kg