ТУЗДАЛГАН ПОМИДОР ЖАШТЫКТЫ УЗАРТАТ

Бир жолу дасторконума ыраазы болуп, конокторду ойдогудай сыйлаганымды эч унутпайм. Кыш мезгили эле. Дасторконду карасам дээрлик бардык тамак-аш кышка деп даярдалган экен. Туздалган помидор, бадыраң, салат, компот, кыям... Келгиле анда, үйдөгүлөрдү жана конокторду ыраазы кылуу үчүн сиздер менен чогуу кыш камылгасын көрүп, жашылча туздайлы.

ТУЗДАЛГАН БАДЫРАҢ
(классикалык түрү, 3 литрлик банка үчүн)

Керектелүүчү азыктар:

• Бадыраң – 1 килограмм 800 грамм
• Болгар калемпири – 2 даана
• Сарымсак – 5-6 тишче
• Лавр жалбырагы – 3 даана
• Тоголок кара мурч – 10 даана
• Укроп – 2 тал
• Туз – 3 аш кашык
• Кумшекер – 1-2 аш кашык
• Уксус (9%) – 1 аш кашык

Бадыраңды таза жууп, муздак сууга 5-6 саат чылап коюу керек. Калган жашылчаларды таза жууп, банкага сала берүүгө болот.

ТУЗДАЛГАН КАБАКЧА
(1 литрлик банка үчүн) Кабакча (калыңдыгын 2-3 сантиметрден кылып узунунан да, туурасынан да кессе болот) – 0,5 килограмм

Керектелүүчү азыктар:

• Укроп – 3 тал
• Сарымсак – 4-5 тишче
• Ачуу калемпир – 1 даана
• Туз – 1 аш кашык
• Кумшекер – 0,5 чай кашык
• Уксус 9% – 0,5 чай кашык

БАНКАДАГЫ БАКЧА
(1 литрлик банка үчүн)

Керектелүүчү азыктар:

• Кызыл помидор – 200 грамм
• Сары помидор – 150 грамм
• Болгар калемпири – 2 даана
• Ачуу калемпир – 1 даана
• Пияз – 1 даана
• Гүлдүү капуста – 100 грамм
• Лавр жалбырагы – 2 даана
• Райкан – 1 тал
• Петрушка – 2 тал
• Туз – 1 аш кашык
• Кумшекер – 0,5 чай кашыкУксус (9%) – 0,5 чай кашык

БАДЫРАҢ КАРАГАТ МЕНЕН
(3 литрлик банка үчүн)

Керектелүүчү азыктар:

ТУЗДАЛГАН ЖАШЫЛЧАЛАРДЫН ПАЙДАСЫ ЖАНА ЗЫЯНЫ

Туздалган жашылчалардагы витаминдердин 70 пайызы сакталат.

Туздалган помидордун курамында жаңы үзүлгөнүнө караганда ликопин заты 3 эсе көп болот. Аталган зат картаюу менен күрөшүп, жаштыктын кармалышына жардамчы болот.

Туздалган жашылчалар гастрит жана ашказан жарасы менен жабыркагандарга болбойт. Ооруну күчөтүп жибериши ыктымал.

ТУЗДОО ЫКМАСЫ:

Берилген рецепттер бирдей жол менен туздалат.


Көлөмү кичине, жарылбаган жашылчаларды тандап, баарын таза жууп алыңыз.


Банканын оозу бүтүндөрүн алып, ысык сууга сода кошуп жууңуз.


Банканы, капкакты кайнап жаткан сууга 10-15 мүнөт кармап, буулайсыз.


Банканын түбүнө алгач көк чөптөрдү тизесиз.


Керектелүүчү азыктарды банканын моюнуна чейин тизүү зарыл.

.
Кайнап жаткан сууну банкага толтура куюп, капкагын жаап 15 мүнөт коёсуз. Капкактын 2 кабыргалуусун (сүрөттөгүдөй) тандаңыз.


Банкадагы сууну төгүп, кайрадан кайнаган суу куюп, аны да 15 мүнөттөн кийин төгөсүз.


3-жолу кайнаган суу куюп, туз, кумшекер, татымалдарды, уксус кошуп банканын оозун бекитесиз.


Жабылган соң банкаларды көмкөрүп, үстүн жылуулап жаап, 1-2 күн коюңуз.

Сүйүн Кулматова
kenesh@super.kg