КҮЙӨӨСҮ АЯЛЫН МАШИНА МЕНЕН СҮЗҮП, АНАН БЫЧАКТАГАН

Төмөндөгү окуяда кызганычтын айынан күйөөсү аялын өлтүрүүгө аракет кылган. Аялын машина менен сүзүп, жыгылып калгандан кийин бычак менен 3 жолу сайып, андан соң сабаган.

ОКУЯ ТУУРАЛУУ

Кара-Суу районунун Төлөйкөн айылынын 28 жаштагы К.Н. аттуу тургуну Ош шаардык ИИБине арыз менен кайрылган. Арызында 19-август күнү Жолон Мамытов көчөсүндөгү үйүнүн жанында күйөөсү автоунаасы менен сүзүп, жыгылып калгандан кийин далысына үч жолу бычак сайып өлтүрүүгө аракет жасаганы айтылат. Ош ШИИБинин кылмыш иликтөө бөлүмүнүн кызматкерлери көп өтпөй Кара-Суу районунун Р.М. аттуу тургунун, жабырлануучунун күйөөсүн кармашкан.

"ЖАБЫРЛАНУУЧУНУН АБАЛЫ ТУРУКТУУ"

Жабырлануучу учурда Ош шаарындагы ооруканалардын биринде дарыланууда. Абалы кандай экендигин билүү максатында дарыгерлерге кайрылып, мөөнөттөгү врачтан төмөндөгүдөй жооп алдык:
– Ооба, бизге оор жаракат менен жабырлануучу келип түшкөн. Аны машина сүзгөн жана арт жагына бычактан бир нече жаракат алган. Ары-бери басуудан кыйналганы менен, учурда жабырлануучунун абалы туруктуу.

"БЫЧАК ИЙИЛИП КЕТКЕНДЕ МУШТУМУ МЕНЕН САБАГАН"

Кылмыш туурасында Ош шаардык ИИБинин маалымат кызматкери Замир Сыдыков буларды айтып берди:
– Окуя 19-август күнү болгон. Биздин кызматкерлер кылмышка шектүү Р.М. аттуу Кара-Суу районунун тургунун колго түшүрүшкөн. Тергөөнүн жүрүшүндө кылмышка шектүү менен жабырлануучунун аял-күйөөсү экендиги аныкталды. Бирок кайсы бир убакыттан бери кызганычтын айынан экөө чогуу жашабай жүрүшкөн. Окуя болгон күнү жабырлануучу күйөөсүнүн үйүнө, тагыраагы, кайын журтуна келип майда-чүйдө буюмдарын чогултуп алып кетмекчи болгон. Ошондо кайнатасы уулуна телефон чалып, келинчегинин кийим-кечегин жыйнап кетип жаткандыгын кабарлайт. Баласы келип, аялын кетирбөөгө аракет кылып ортодо уруш чыккан. Жыйынтыгында кылмышка шектүү келинчегин автоунаасы менен сүзгөн да, жыгылып калганда унаасында болгон ашкана бычагын алып чыгып далы тушка 3 жолу сайып жиберген. Бычак ийилип кеткенде муштум менен ургулаган. Кылмышка шектүүнүн үстүнөн Кылмыш жана жаза кодексинин 28-97-беренеси (адам өлтүрүүгө аракет жасоо) менен кылмыш иши козголуп, тергөө иштери жүрүп жатат. Кылмышка шектүү учурда Ош ШИИБинин убактылуу кармоочу жайына киргизилген.

Сүйүн Кулматова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (27)

simone

2016-08-29 18:45:42

97-статья адам олтурууго аракет кылган деп турах го

kanatt

2016-08-29 20:28:17

Суйуу деген мин ашуу бирде таттуу бирде ачуу деп коет.

Oshanka88

2016-08-29 21:21:35

Кайнатасын ХХХ керек.

-3

admin_superstan

2016-08-30 12:27:06

Oshanka88, провокациялык билдирүүлөргө жол берилбейт. Оозеки эскертүү!

demo009

2016-08-30 00:09:45

Аялы деле күнөөлү,тилин басып калса болот эле да быдылдабай,туурабы

aiturgasha

2016-08-30 12:39:42

Быдылдаганын кордунбу?

anar8672

2016-08-30 17:56:49

Аялым барибир кечирет деп ушул ишти кылганда кебетесин суутуп же майып кылып кетирейин деген болсо керек.мындай иштер коп эле болуп атпайбы турмушка тынайын деген аял кечире берет олгучо

dastan73

2016-08-30 22:49:43

Ой тобоо

ILGIZ.00

2016-08-31 00:32:33

Оой ужаас

-2

Totyua.71.

2016-08-31 21:19:32

Ээ кудайым ыйман,ынсап, сабыр, бере кор кандай гана шумдууктудай окуялар.

aikena11

2016-09-01 02:12:34

Ооо жаратканым бааарыбызга ыйман берекор.

Bibi2009

2016-09-01 07:33:23

Кызгануу уруп тебуу эмес, аялын ак эмгек менен иштеп багуу, ошондо аял да уйундо балдарын карайт эч жака кетпейт

jengoo

2016-09-01 18:37:02

ХХХ ХХХ ушундай болот.

-2

admin_superstan

2016-09-02 09:50:23

jengoo, бирөөнүн дарегине карата далили жок, негизсиз айыптарды камтыган билдирүүнү калтырууга тыюу салынган. Оозеки эскертүү!

-3

Perishk

2016-09-01 19:44:55

Силер билип билбей күнөлөбөгүлө.Ал эже айдай эжеке.Бизге информатика сабагынан берет эле.Өзүбүздүн эле айылга турмушка чыккан аябай жакшы эже (жакшы кыз оз айылынан чыкпайт)
.Бирок жашодо ар кандай нерсе болотда.

-1

Perishk

2016-09-01 19:46:58

Айыгып кетин эжее эртереекк

taraza_

2016-09-02 10:34:36

Чынында келинде соз жок.Билимдуу абдан кыйын кыз. Озунун классташына турмушка чыккан. Куйо бала начар болуп кыздын бактысына балта чапты. Россияга барып да иштешти. ал жакта да куйосу ичип алчу деп укканмын. Жолдошунун достору начар, жарымы турмодо олтурат. Эми киргенден кийин камактан чыгарбаш керек.

osmonsheraliev

2016-09-30 23:25:56

Куйоого тийе албай кыйналып жургондор канча? Ырыскысын тепкен келин го.

Комментарий калтыруу үчүн өз ысымыңыз менен кириңиз же каттоодон өтүңүз.

№ 721, 26-август-01-сентябрь, 2016-ж