СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
2010-жылдагы Апрель окуясынан кийин кабыл алынган Баш мыйзамды 2020-жылга чейин өзгөртүүгө мораторий жарыяланган болчу. Учурда Баш мыйзамды өзгөртүү демилгеси чоң талашты жаратып жаткан учуру. Алгач 27-июлда парламенттеги КСДП, "Республика-Ата Журт", "Кыргызстан", "Өнүгүү-Прогресс" жана "Бир бол" фракцияларынын лидерлери Баш мыйзамга өзгөртүү киргизүү боюнча мыйзам долбоорун өз ара макулдашып, ал коомдук талкууга коюлган эле. Ал эми бул кадамга каршы оппозициялык күчтөр, жарандык коом, Убактылуу өкмөттүн бир катар мүчөлөрү каршы чыгып, бул аракет бийликти узурпациялоого кептей турганын айтып келишет. Баш мыйзамды өзгөртүүгө каршы чыккан саясатчылар, оппозициялык күчтөр, жарандык коом жана жаштар кыймылдарынын өкүлдөрү бирикти жана алардын катышуусунда 13-сентябрда "Референдумга – жок!" деп аталган элдик кыймыл түзүлдү. Бул тууралуу Жогорку Кеңештин экс-депутаты, аталган кыймылдын мүчөсү Равшан Жээнбеков коомчулукка маалымдаган. Түзүлгөн кыймыл 8-октябрда элдик курултай өткөрмөкчү болуп, уюштуруу тобуна Эльмира Ибраимова, Рита Карасартова, Кадыр Кошалиев жана Мавлян Аскарбеков шайланды. Конституцияга өзгөртүү киргизүү боюнча референдум 4-декабрда өтүшү ыктымалдыгы 14-сентябрда Жогорку Кеңеште айтылды.