Токторбек Бекбоев, куудул: "МУРУН МЫНДАЙ СҮЙҮҮГӨ КАБЫЛГАН ЭМЕСМИН"
Белгилүү куудул Токторбек Бекбоев жубайы Жаңыл Бекбоева менен ажырашып, жаңы үй-бүлө куруп жашап жатканын ачыктап маек куруп берди. 50 жашка чыкканда сүйүүгө кабылган куудул "азыр мен бактылуумун, 2 кызыма эне боло турган жар таптым" дейт.
– Токторбек мырза, куш боо бек болсун! – Рахмат. Жашоодо өйдө-ылдый болот экен, 5 жыл келинчеги жок жашадым. Эркек кишиге жалгыз жүргөн оор экен. Анын үстүнө кыздарым бойго жетип, "биз турмушка чыксак сизди ким карайт? Апам сиз менен жашагысы келбегенден кийин өзүңүзгө жакшы жар таап алыңыз" дешти. Жаңыл экөөбүз расмий түрдө ажырашып, көңүлүмө жаккан жар таап, үйлөнгөнүмө 3 ай болуп калды.
– Жубайыңыз менен каяктан таанышып калдыңыз? – Менин мурунку жашоомду түшүнгөн жар издеп жүрдүм. Буйрук экен, аны тойдон кезиктирдим. Тойдо тамада болуп, жегиле-ичкиле деп тейлеп жүргөм. Ал келин болсо "мен дин жолундамын" деп койду. Ошол жерден сөздөн сөз уланып, жакшы сүйлөшүп калдык. Ал кишинин жашоосу да меникине окшош экен. Жылдызыбыз келишип, көңүлүмө жаккандыктан жакшы көргөн адамымды таптым окшойт деген ой келди. Аны жолугушууга чакырып бир аз кыз-жигиттей сүйлөшүп жүрдүк, киного барып дегендей (күлүп). Кийин мен кыздарым, ал уулдары менен кеңешти. Балдары туура кабыл алышты, анткени апасынын бактылуу болушун каалашат да. Алар менен таанышып, акылдашып анан үйлөндүк.
– Жубайыңыз жөнүндө айта кетсеңиз... – Жубайымдын жерлиги Баткенден, менден 2 жаш кичүү, токтолуп калган адам. Кесиби боюнча дарыгер, учурда чакан ишкерлик менен алектенет. 3 уулу бар. Менин кыздарым ага кыз болуп, мен анын балдарына ата болдум. Аны сүйүп алдым, ал дагы мени жакшы көрөт. Бүт баары жакшы, бири-бирибизден эч нерсе талап кылбайбыз. 50 жаштан өттүк, эң башкысы жетелешип,балдарыбыздын сый-урматын көрүп, жакшы жашап өтүшүбүз керек деп турабыз.
– 50 жашка чыкканда да сүйүү сезими келет экен да, ээ? – 50гө чыкканда "ещё как" сүйүү келет экен, жүрөк карыбайт тура. Жаш кезимде мындай сүйүүгө кабылган эмесмин. Азыр мен бактылуумун. Биринчи никемде сүйүү болгондо аягы ажырашуу менен бүтпөсө керек. Негизи ажырашайын деген оюм жок болчу. Мен аны сабап же көзүнө чөп салган эмесмин. Өз алдынча жашаганды каалап, Москвага кетип калды.
– Кеп нугун чыгармачылыкка буралы. Сизди сахнадан такыр көрбөй калдык... – Чоң сахнага көптөн бери чыга элекмин. Бегимай "ата, чарчадыңыз, гастролдогон сизге кыйын болуп калат экен. Мен эле ырдап турайын" деген. Бирок мурунку репертуарымды жаңылап, элге көрсөтүү ниетим бар. Бала кезимден бери чыгармачылыкта жүргөндүктөн андан башка колумдан келбейт. Ошондуктан тойлордо тамадалык кылып, ырдайм. Операторлукту да үйрөнүп алгам, тойлорду тартып, видеосун монтаждап иштеп жүрөм.
– Маегиңизге рахмат, бактылуу болуңуздар!
"Менин кыздарым жубайыма кыз болуп, мен анын балдарына ата болдум".
Жубайлар Токторбек менен Жаңыл Бекбоевдер кезинде сахнада мыкты өнөктөш болчу.
50 жашында сүйүүгө кабылган Токторбек Бекбоев: "Учурда үйлөнүп, бактылуумун"
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (14)
aikokul14
2016-09-26 09:39:40
Ар бир адам бактылуу болууга укуктуу,сиз дагы бактылуу болунуз.
+9
Shahrizaada
2016-09-26 13:36:21
Суйдум-куйдум деген создорду кошпой эле суйлосонуз, эр ортону 50го келип неберелерд жыттаар маалда суйуу жонундо суйлосо, бияктагы адамга кызыктай туюлат экен. Турмуш жолумдун калган болугун ушул айымга байлаптыр деп кой эркектей болуп. Же кеткен катындын ичин куйгузойюн дегенинизби?
Бирок бакыт каалайбыз, ар бир адам тени мн бактылуу болцга акысы бар.Бак-доолоттуу каарылыкка жетелешип жетинизлер!
0
ilgis1991
2016-09-26 15:34:20
Эркектердин абройун тушурбон ака!Суйууго кабылдым деп.Антсениз бизге эч ким ишенбей калат.Даанышмандар айткандай кеткен катынды ким жакшы десин.Неси болсо да бешенеге жазгандан эч кайда качып бара албайс.Ажырашкым келчу эмес деп мурунку женемди суйоорунузду айтып коюпсуз.Кайда болбон аман болуп бактылуу болун.
+2
aiman1983
2016-09-29 08:30:50
ilgis1991,эн туура, бир аялды бактылуу кыла албаган эркек, биринчи аял таштап кеткен болсо алсыз эркек. Эми кулагынызга жакшымын деп шыбыраган аялды бактылуу кылын. Бегимайга эле жалко.
+1
papanstan
2016-09-26 21:48:46
Каримова менен Бурхановага жезде экен да.
+1
taalay25
2016-09-30 20:12:10
papanstan, Каримова менен Бурхановага жезде эмес куйоо бала болуп палат.Экоонун тен куйоосу Токтор байкеден сон. Так что
-1
mirbek99
2016-09-27 13:49:16
бактылуу болунуз суйсо суйуптурда эмне кыжаалат болуп атасынар ага
+3
Uzakova.Z.A
2016-09-27 20:33:20
Эркектердин ушунусу жакпайт тим эле суйгон эмесмин деп алышат озунчо болбосо жалдырап журуп алганын унутуп калышат.
+3
Uzakova.Z.A
2016-09-27 20:34:29
Бактылуу болунуз кыздарыныз тушунуктуу экен.
+3
Kroxa
2016-09-28 10:33:50
Эми жакшы жашап кетсениз эле болду... кеткен катынды ким жакшы демек эле,,,
-1
hanisa
2016-09-28 17:38:46
Батылуу болунуз
50келгенде деле чувство болотда,небирелер болсо эмне бллуптур
+3
Shat.88
2016-09-28 18:21:58
Бул Бегимай Бекбоеванын атасыбы, суротто ошол кызбы
0
Guli.K.E.
2016-09-29 13:11:58
Бактылуу болунуз, чындап эле суйууго кезиккениниз корунуп турат. Кыздарыныздын, балдарыныздын мандайында бар болунуздар. Ар бир адам бактылуу болууга тийиш жана татыктуу!!! Бир келебиз бул жашоого татыктуу жашашыбыз керек. Ден соолук эн бириничи, бар болунуз, жузунуздон жылмайуу кетпесин.
+2
Arslan12
2016-09-29 16:09:29
Албек Ибраимов менен окшош го, катарлаш жайгашып да калыптыр, эмнеси болсо да бактылуу болунуз!
0
Комментарий калтыруу үчүн өз ысымыңыз менен кириңиз же каттоодон өтүңүз.
Белгилүү куудул Токторбек Бекбоев жубайы Жаңыл Бекбоева менен ажырашып, жаңы үй-бүлө куруп жашап жатканын ачыктап маек куруп берди. 50 жашка чыкканда сүйүүгө кабылган куудул "азыр мен бактылуумун, 2 кызыма эне боло турган жар таптым" дейт.
