Бул саам “Капырай, куюп койгондой...” сынагыбыздын каарманы Табалдиев Жаныбек болду. Буга чейин бизге кыргыздын аттуу-баштуу инсандарына окшоштор келген эле. Ал эми Жаныбек болсо “көптөр мени Голливуддун мегажылдызы Брэд Питтке окшоштурат” деп келиптир.
Жаныбек учурда 25 жашта, жеке ишкер. Ал келбетинен тышкары, Питтке өзүнүн кийинүү стилин да окшоштурат. Жумуш менен чет өлкөгө барганда “Брэд Питтин тууганы эмессизби?” деген суроону көп угат экен.
Кадырман окурман, “Капырай, куюп койгондой...” аттуу сынагыбыз дале уланууда. Атактуу бир инсанга куюп койгондой окшошмун деп ойлосоңуз, анда бизге сүрөтүңүздү жөнөтүңүз.