КЫЗ – БУЛ БАКЫТ!
Жөн гана бир бактылуу көз ирмем менен бөлүшкүм келди. Борбор калаада турам. Үч балам бар. Эки уул, бир кыз. Уулдарымдын улуусу 6-класста, кичүүсү 4-класста. А кызым 3 жашта. Ким балдарын жакшы көрбөсүн?! Айрыкча кызымдын бал тилине тойбой, ага арнап алып келген кийимдиби, таттуунубу же оюнчуктубу, кубануу менен алып, мага ыраазы болуп рахмат дегендей бетимден чоп эттирип өөп койгондо телегейим тегиз боло түшөт.
Бир ирет жумуштан абдан чарчап келдим. Дене табым көтөрүлүп, өзүмдү жаман сезип жаткам. Келинчегим бир жакка жумуштап кеткен окшойт. Үйдө эки уулум, кызым чурулдап жүрүшкөн. Өзүмдү алаксытайын деп телевизор көрүп жатып уйкуга кетиптирмин.
Бир убакта кызым колумдан тартып, илгичте турган сүлгүнү көрсөтүп "тигини, тигини" деп кол жаңсады. Денем талыкшып турган, "кызым, бар ойночу" деп чала бучук айтып, кайра уйкуга кеттим. А кызым жанымда чебелектеп, өзүнчө булдуруктап сүйлөнүп жүргөн. Бир топко уктаптырмын. Дене табым да кайта түшкөндөй. Көзүмдү жумуп алып талыкшып жатсам, сырттан келинчегим келип эле күлүп жиберди. Эмне болуп кетти деп көзүмдү ачсам, үстүмдөн балдарымдын кийимдери шыпырылып түшө баштады. Көрсө, мен уйкуга кеткенден кийин кызым бою жеткен, кол жеткен жерден байкелеринин кийимдерин, апасынын жоолуктарын, жадакалса столдун үстүндөгү майлыкты алып мени үшүбөсүн деп үстүмдү жаап койгон экен. Баарынан кызыгы, менин бутума өзүнүн кичине байпактарын жааптыр. Өзү жанымда жылаңайлак буттарын бойтойтуп отурат. Көрсө, мага бардыгын жаап жатканда буттарым ачылып калган экен. Анан мага келип "тигини" дегени, "сүлгүнү алып бер, бутуңа жабайын" дегени тура. Мен көңүл бурбай коюптурмун. Акыры эч нерсе таппай калганда өзүнүн байпактарын чечип менин бутумду жааптыр да. Ушунчалык ичим элжиреп, көкүрөгүмө сезимдер толду да, кубанганымдан көзүмдөн жаш чыгып кетти. Мына ушул 3 жаштагы кызымдын ушунчалык таза, аруу, эч бир жасалмалуулугу жок жакшы көрүүсүнө татыганыма бактылуу болуп, кызымды боорума кысып алып, жытына тойбой турдум.
Уулдарым болсо эч нерседен бейкапар телевизор көрүп отурушат. Эл ичинде "кыз бала ата-энеге күйүмдүү болот" деп коюшат эмеспи. Бул сөздө эч калет жок экен дедим ичимден. Кээ бирлер "кыз болуп калды" деп жаңы төрөлгөн наристесин жеришет. Кыз – бул бакыт, туугандар! Кыздарыңарды барктагыла, алардын бизге болгон сүйүүсү чексиз...
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (24)
Как хорошо когда есть дочь
Как солнце яркая точь в точь
Мен да уч уулдан кийин кыз тороп аябай кубанганбыз. Кыз аябай жароокер,куйумдуу,ширин болот экен.
Эхх кандай сонун бактылуу балалык каалайм,менин да козумдон бакылуулыктун коз жаштары тамчылап кетти
Менин кызымда 2 жарым жаш болду. Я люблю признаться всех, а маму люблю больше всех деп кундо кайталайт. Ой ситёт калина поле у лючя, пальня болодова полибила я, пальня полибила и сваи биди, и богу иситься сов я и найду деп ырдайт. Ырды кызымын тили менен жаздым))))
менин да ичим элжиреп ыйлагым келип кетти эки уулумдан кийин торолгон кызымы атасы аябай жакшы корот кичинесинде быйтыйган алаканы менен ээгин сылап жатчу колуна атасынын сакалы сайса атам жанымдакен деп уктачу
туура айтасыз! менин синдим да кичинекей кезинде атам уктап калса устун жаба берчу, платочка, носки,озунун кукласынын кийимдери менен болсо дагы.
Туура айтасыз. Уулдарынызда ыймандуу балдардан болсун. Бала жакшы тарбия берсен мээрим менен чонойтсон озуно да ошондой мамаиле кылат картайганда.
А Менин эки уулум бар .Аллахтан кыз тилеп журом.Бул макаланы окугандан кийин эки эсе кыздуу болгум келип батат.
Биздин кызыбыз да атасына жакын. Мойнунан кучактап, кыткылыктап кулуп, атасы учун таттууларын бекитип коет. Уктап калса озунун плетин жаап, озу жанына жатып алат. Кыз бала озгочо куйумдуу болот деген чын.
Иий буйтуска, озумдун кыздарымды элестетип кеттим, алар да папасын аябай жакшы корушот.
Буйруса менде да бойтойгон уул-кыздарым болот ..уйлонуш керек эле кыз таап бергилечи
Мен да super.kg ге катталып тим эле ушуга окшогондорду окууп алып. Өзүмчө эле бир бактылуу болом...
Мен да турмушка чыккым келип кеттат, ушуга окшогондорду окууп алып (хе хе)
Ооба кыз бала бул бакыт кудайым бизге да ширин кыздарды берсе экен
Омурун берсин кызыныздын, окуп козумо жаш келдиго.
Кызынызга дагы бир шерик синдиси торолсун. Балдарыныз омуру, ырыскысы, акыл эси менен болсун. Бактыныз туболук болсун.....
