Жибек Нурманбетова, актриса, бийчи: "P.DIDDY`НИН ХАН САРАЙЫНДА АШЕР МЕНЕН КАРТА ОЙНОГОМ"
Голливудда жашап, атактуу болуу "Большие люди" долбоорунда Беманын ролу аркылуу таанылган Жибек Нурманбетованын кыялы болчу. Мекендешибиздин "америкалык кыялы" акырындап ишке ашып баратат. Себеби Жибек чет өлкөлүк ырчылардын клибине тартылып, бий өнөрү аркылуу ийгилик жаратууда.
– Жибек, учурда Америкада жашап, иштеп жүргөнүңдү билебиз. Сени чет өлкөлүк ырчылардын клиптеринен да көрүп калабыз. Дегеле бий дүйнөсүнө кандайча келип калдың?
– Мен башынан эле бийлегенди жакшы көрчүмүн. Кийинчерээк жакшы бийлээриме ынанып, буга олуттуу карай баштадым. Болбосо Америкага эмнеге келмек элем? Голливуддагы эл аралык бий академиясын бүтүрдүм. Бийдин башкы базасын өздөштүрүп, тарыхын окудум. Бул жакта окугуң эле келет, себеби эң сапаттуу билим алып жатып да жеке жашооңдо оюн-күлкү, көңүл ачууга убакытты кенен тапсаң болот. Алгачкы жолу дасыккан бийчи катары румыниялык ырчы кыз Андреа Баландын клибине тартылгам. Ушундан кийин сунуштар түшө баштады.
– Мурда "чет өлкөнү багынтып, атактуу болгум келет" деп маек берген элең. Бул тилегиң ишке ашып бараткандай...
– Мен азыркыга чейин кыялымдын орундалганына ишенбей кетем. Анткени оюма келбеген жерлерди чыныгы жашоомдо көрдүм. Бир күнү рэп ырчысы P.Diddy`нин хан сарайында Ашер менен карта ойносом, кийинки күнү P.Diddy`нин уулу Квинсинин «Night and day» ырынын клибине тартылдым. Жакында ага күбө болосуздар. Бир ирет америкалык ырчы Крис Браун менен да бир столдо отургам.
– Америкада жашап кетүү оор болгон жокпу?
– Жашоо – күлүк ат сыяктуу. Эгер ал сенин каалооң менен чуркап турушун кааласаң, анын тизгинин бекем кармашың керек. "Оор, кыйын" деген сөздөр менен тааныш эмесмин. Мен "каалайм жана ага жетүү үчүн эмне керек?" дегенди гана билем. Эң башкысы баарын нөлдөн баштоого эч убакта кеч эмес экенин билүү керек деген жыйынтыкка келдим. Жыйынтык болсо өзүңдүн аракетиңе жараша болот.
– Келбетиң, жүзүң өзгөргөндөй туюлду. Мурдагыдан да чырайлуу болуп калыптырсың...
– Бул жакта жашап өзгөрбөй коюу мүмкүн эмес. Ошол эле ой жүгүртүүң боюнча калсаң, анда "жоголуп" кетесиң. Миллиондогон адамдардан өзгөчө болуп көрүнүш үчүн өзүңө кам көрүп, уникалдуу болушуң зарыл. Менин таңым ийгиликтүү жана белгилүү адамдардын мотивация берген аудиолорун угуу менен башталат. Күнүм болсо мээмди иштеткен жана аны ийгилик энергиясына багыттаган китеп окуу менен жыйынтыкталат.
– "Большие люди" долбоорундагы актёрлор менен байланышып турасыңбы?
– Кээде гана кабарлашып турабыз. Досторумдун ийгиликтерин көрүп кубанам. Кыргыз маданиятынын өнүгүшүнө алардын да салымы чоң деп эсептейм. Ал эми "Азия МIX" командасынын менеджери, Эльдияр Кененсаровдун жубайы Камила Абдил менен дайыма байланышып турам. Экөөбүз аябай жакынбыз. Ал мени колдоп, улуу эжемдей болуп калган.
– Инстаграмдагы баракчаңа купальникчен түшкөн сүрөттөрүңдү жүктөйсүң. Буларды туура эмес кабыл алгандар да бар...
– Алар купальникчен түшкөн жөн эле сүрөт эмес. Менин ар бир сүрөтүмдүн артында канча деген көз жаш жана чоң эмгек жатат. Бул деген күн сайын таңкы саат 5те туруп 2 саат спорт залдагы машыгуу. Жалкоолукту аттап өтүү, буга чоң эрк керек. Ошондой эле ал сүрөттөрдө өзүмө болгон ишеним жана өзүмдү аялзаты катары кабыл алуу камтылган. Эгер "эл эмне дейт?" деп тынчсыздана берсем, анда ишке ашпагандай туюлган кыялдарыма кадам таштабайт болчумун да. Мени "псевдоуялчаак" адамдар ойлондурбайт. Болгону алар өзүңдү мыкты сезип алууга жардам беришет (күлүп). Андай адамдар сүрөттөргө негативдүү комментарий калтырышса, артынан жеке кат аркылуу суктанып жаткан оюн билдиришет. Мен аларды кичине кезимде, КВНде ойноп жүргөндө эле кезиктиргем.
– Маегибизди жеке жашооңо буралы. Сени Саламат Алиевдин жубайы катары да тааныйбыз. Аны менен ажырашып кеткен деген кептер айтылып келет...
– Саламат экөөбүз 2 жыл мурун ажырашып кеткенбиз. Ортодо достук мамилени сактап калдык.
– Жибек, сөз соңунда келечекке кандай пландарың бар деп сурагым келип турат.
– Дүйнөлүк киного, телевизиондук шоу берүүлөргө тартылууну каалайм. Эталон болуп элди шыктандырып, жакшы нерселерди жасагым келет.
– Маегиңе рахмат, тилегиң орундалсын!
"Голливуддагы эл аралык бий академиясын бүтүрдүм".
"Бул купальникчен түшкөн жөн эле сүрөт эмес. Менин ар бир сүрөтүмдүн артында чоң эмгек жатат".
"Саламат экөөбүз 2 жыл мурун ажырашып кеткенбиз".
Жибек "Большие люди" долбоорунда Беманын ролу аркылуу таанылган.
Динара Абдыкадырова
(Сүрөттөр каармандын өздүк архивинен алынды)
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (47)
Кылганынын баары озу учун Кыргызстан учун гр пайдасы жок зыяны болушу мумкун чечинип суротко тушуп шыктандырып жаш кыздарды
мен мунун куйоосун ХХХ жургом. Ажырашып туура кылыптыр. Сенин аялынды эле баары ххх деп ойлосо, озуно деле неудобно болот да. Бирок куйоосу алдын ала андайды коро албаганы жаман болуптур. Азыр мындай кыздар толтура, фигурасы бар,ХХХ ХХХ же балана жакшы тарбия бере албайт. Жакшы аял болчу кыздар азыр дефицит, таппайсын.
Ican87, этика нормаларын сактап, кимдир-бирөөнүн кадыр-баркына шек келтирген билдирүүлөрдү жазуудан алыс болуӊуз. Оозеки эскертүү!
Саламат туура кылыптыр. Ал буга баардык омурун арнап журсо бир куну эч нерсе болбогондой басып кетмек бул кыз.
Дене каарыйт журок таалыйт дегендей
Жарым жылаңач болуп сүрөткө түшүп элдин баарына жарыя болуп,бөтөн эркек менен (Ашер )карта ойногуча Саламат менен айтканын аткарып үйдө уул кызды төрөп берип сүйүктүү жар бактылуу эне болсон кандай жакшы эле намаз окуп күйөөңдү сыйлап.Боптур Ашер менен карта ойнопсун не чыкты эми.Бул кызды тааныбайт экем эмнеси болсода ыйманга кел кеч болуп кете электе Аллахым ыйман бере көр баарыбызга.Эгер бул дүйнөдөн өтүп кетчү болсок алдагы жарым жылаңач сурөттөр интернетте баракчада кала берет тобо кылайлы
tima_88, сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий жана талкуу иретинде жазылган билдирүүлөр
gazeta@super.kg же
portal@super.kg электрондук даректерине жазылып жөнөтүлүшү керек.
Бул кыз жаңы сахнага чыкканда сүйкүмдүү көрүнчү, баягы видеосунан кийин АКШга кетип кийими жок сүрөткө түшүп ыйманы азайганго. Ыйман берсин баарыбызга!!!
атактуу болом деп жыланач журо бер менин карындашым болглнунда озум билмекмин
Тооба кылдым Аллаахым куноолорун озун кечир ыйман бере кор бул кызга
Инстаграммдагы суроттору журокту тушурот го.......
бул жакта жалан ыймандуулар го ))))))
Ашер мн карта ойноп бутуп эмне кылганын да мактанып кетпептир да каап...
Ыймандуубуз эмнебиз билбейм бирок корунгон эркекке ар жерин кармалатып бийлеп атактуу болуп жургон неси жакшы чырак кыз
Muslim_KGstana., коомдук адепке туура келбеген сайттарга, видеого шилтеме берүүгө тыюу салынган. 10 күнгө БАН!
