БОБ ДИЛАН КЫРГЫЗБЫ?

75 жаштагы америкалык акын, композитор жана музыкант Боб Дилан адабият жаатындагы "Нобель" сыйлыгынын ээси болду. Сыйлык ага америкалык салттуу ырларга жаңы поэтикалык табылга алып келгени үчүн ыйгарылган.

"ЧОҢ ЭНЕМДИН ФАМИЛИЯСЫ "КЫРГЫЗ"

Боб Дилан өзүнүн өмүр баяны жазылган китептин биринчи томунда "чоң энемдин фамилиясы "Кыргыз" экен" деп белгилейт.
"Чоң энемдин жашоосу аябай оор болуптур. Турмуштун катаалдыгынан улам үй-бүлөсү менен Одессадан Америкага көчүп кетишкен экен. Кайсы бир мезгилде алар Трабзондо (Түркия) жашашыптыр. Анткени чоң энемдин ата-теги Кагызманлылар уездинин Карса деген аймагынын тургундары болуптур. Чоң атам да ошол аймактын жашоочусу экен. Ал тери, булгаарыдан бут кийим тигүү менен алектениптир".

ӨМҮРҮ ЖАНА ЧЫГАРМАЧЫЛЫГЫ

Боб Дилан 1941-жылы Миннесотада еврейлердин үй-бүлөсүндө төрөлгөн. Он жашынан ыр жазып, окуучу кезинен мектептеги музыкалык топто ырдап баштаган. Өзүнүн алгачкы альбомун "Боб Дилан" деген ат менен 1962-жылы жарыкка чыгарган. Боб Диландын бардыгы болуп 35 альбому жарыкка чыккан. 1985-жылы акын Андрей Вознесенскийдин демилгеси менен Москвада жеке концерт өткөргөн. Катуу оорудан кийин "Time Out of Mind" жаңы альбомун жазат. Ушул альбому үчүн 3 "Грэмми" сыйлыгына ээ болгон.
Дилан "Грэмми" сыйлыгын жети жолу жеңип алган. "Вундеркинддер" фильмине жазылган саундтреги "Things Have Changed" үчүн "Оскар" жана "Алтын глобус" сыйлыктарын алган.
2010-жылдагы "Rolling Stone" журналынын сурамжылоосу боюнча, Дилан "The Beatles" тобунан кийинки эле популярдуу рок музыкант деп табылган.
Адабият жаатындагы "Нобель" сыйлыгы 1901-жылдан бери ыйгарылып келе жатат. "Нобель" сыйлыгын берүү комитетинин уставында: "Бул сыйлык көркөм адабият деп эсептелген проза жанрына гана эмес, адабий баалуулук катары саналган стили, жанры башка да чыгармаларга ыйгарылат",- деп көрсөтүлгөн.

Бактыгүл Момбекова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

gulzar_gulu

2016-10-24 15:18:31

Кыргыз болсо бизге сыймык да!

gulzar_gulu

2016-10-24 15:18:57

Кыргыз болсо бизге сыймык да!

Bubu88

2016-10-25 01:42:59

Чоң энесинин аты кыргыз болсо эле кыргыз болуп калабы

-2

Soni130587

2016-10-25 03:31:47

Кыргыз болушуна ишенбейм

Shaa-82

2016-10-26 11:55:12

Чон атасы болсо кыргыз болсо керекле чон-эненин тиешеси жок болуп калабы

timaika9195

2016-10-27 17:16:31

Biz kyrgyzdar ushundaibyz ozu belgiluu adamdardy palancha kyrgyz imish, tukuncho kyrgyz imish dep. Kechee bir taryhchy KTRKdan chygyp alyp Isus Hristos kyrgyz bolgon dep kuldurdu go))))

Abdyrashit.Satylganov

2016-10-30 14:11:10

timaika9195,Бул жөн гана сөз эмес.чын эле энелик линиясы боюнча кыргыз экен.бул туурасында гугулдун жалпы маалыматында жазылып жүрөт.

Комментарий калтыруу үчүн өз ысымыңыз менен кириңиз же каттоодон өтүңүз.

№ 729, 21-октябрь-27-октябрь, 2016-ж