Эрмек Нурбаев деген ысым 10 жылдан бери кулакка сиңип, айрымдар ага «Тамашоунун» атасы» деген лакап ат коюп алышкан. Кыргызча күлкү тартуулап, элди мыкты маанай менен камсыздаган бул жигит бүгүн биз менен жашоодогу принциптери, туура максат коё билүү ыкмалары менен бөлүшөт.
ЧОГУУ ИШ ЖАСООДО. – Адамдар менен мамиле түзүп жатканда «менден кетпесин» деген принципти көп колдоном. Мейли чыгармачылыкта же катардагы жумушту бүтүрүүдө дайыма сылык, маданияттуу түшүндүргөнгө аракет кылам. Ашыкча эмоция адамды туура эмес жолго салып коюшу мүмкүн. Өзүмдүн тажрыйбама таянып айтсам, мен биринчи мамиле түзүүдө жээктен сүйлөшүп алам, анткени кеме көлдүн ортосуна барганда чөгүп кетиши мүмкүн.
МАКСАТТЫ ТУУРА КОЁ БИЛҮҮ. – Кыргызча КВН ачуу өзүнчө жаңычылдык эле. Мен «Тамашоу» долбоорун ачам дегенде ишенбегендер көп болгон. Бирок «Тамашоунун» тил редактору Арслан байке (ред. Ибрагимов) экөөбүз акыл-эсти жыйып, оюбузду чогултуп долбоорду баштадык. Баары оюбуздагыдай кетти. Көрсө, максатты туура коё билип эмгектенсең оюңдагыдай жыйынтыкка ээ болот экенсиң.
АТА-ЭНЕ. – 2008-жылы АКШга кетсемби, кетпесемби деген тандоонун алдында турганда биринчи ата-энемди ойлогом. Мен үчүн 4-5 жыл аларды көрбөй АКШда жашоо кыйын болмок. Кудайга шүгүр, бул сыноону башымдан өткөргөн жокмун. Ата-энем менен баарлашууга такыр тойбойм. Алар менен өткөргөн ар бир мүнөтүм баалуу, барктуу. Аларга менин коомдогу ордум, жараткан ийгиликтеримден мурун амандыгым маанилүү. Ата-энемдин бактылуу карылыгы менин көз алдымда өтсө дейм.
БАЛДАРГА ТАРБИЯ БЕРҮҮДӨ. – Улуу эки балам «Тамашоуну» көрүп кайсы номердин артынан кандай интермедия болорун билишет. Атайын оюндарды туурап мага көрсөтүп калышат. Кээде мен өткөрүп жиберген оюндарда аталап чакырып мага көрсөтүшөт. Эркек баланы катуу кармаш керек деп коюшат, бирок менин балдарым андай тарбия берүүгө кичинелик кылат.
САЯСАТТА. – Эгер бул чөйрөгө келип калсам, адилеттүүлүк үчүн күрөшкөн саясатчы болом. Көбү "саясатка келгенден кийин бузуласың" деп айтышат. Андай болсо кайра эле кетем го дейм. Элдин байлыгына кол салгым келбейт. Ошон үчүн саясатка келгенче туруктуу чакан бизнес ачып алуу максатым бар. Ким билет, саясатчынын айлыгына үй-бүлө бага аласыңбы-жокпу.
ИШЕНИМ. – Ишенимге кирүү, аны актоо татаал нерсе. Мен башка чөйрөдө ордумду таап калсам, «Тамашоу» экөөнү чогуу алып кетем деп ойлойм. Анткени «Тамашоуну» азыр эч кимге ишенип тапшырып бере албайм, андай адам жок. Бардыр, бирок мен байкай элекмин.
БАРЧЫЛЫКТЫ, ЖОКЧУЛУКТУ КӨРГӨН ЖАКШЫ. – Мен барчылыкты да, жокчулукту да көргөн орто үй-бүлөдө өстүм. Бир жолу "Супер-Инфонун" кеңсесине келип машинамды токтотуп жатсам, жаныма 10 жаштардагы бала келип «байкегезиталасызбы?» деп калды. Ошол баладан мен өзүмдүн кичинекей кезимди көрдүм. Эсимде, 6 жашымда апам, байкем болуп жайында базарда гезит сатып иштешчү. «Мен да иштейм» десем, апам «уят, байкеңдин иштеп жатканы жетишет» деп болбой койгон. Атама даттанып, ыйлап жатып базарга гезит сатканы чыккам. Ошондо байкем менен апама караганда мен көбүрөөк гезит сатчумун. Ойлосом, ошондо элдер мени аяганы үчүн гезитимди сатып алышчу экен да. Жаныма келип гезит саткан балага «сен азаматсың, тапкан акчаңды компьютер ойноп, майда-чүйдө албай, ата-энеңе алып барып бер» деп мактап койгом. Ал бала сүйүнгөн бойдон кетти.
"Кара-Балтага ата-энеме тез-тезден барып турабыз".
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (16)
Laca
2016-11-14 09:50:29
ушул келсе эле саясат онолуп кетмек беле
-4
altyn_kyz
2016-11-14 11:57:57
Молодец Эрмек байке сиз мыктысыз,биздин олкодо сиздей адамдар бар экени сыймыктандырат жана келечегибизге болгон ишеним дагы кобойот,ата-энениз,уй булонуз менен аман болунуз,эгер окуп жатсаныз бул жактагы сындарга конул бурбаныз баардык жерде ак мн кара бирдей журот эмеспи.Маек сонун болгон дагы бир ирет сыймыктандым сиз менен.Ишинизге ийгилик анан Nurbaev's Life проектиниз эмнеге токтоп калды улантсаныз жакшы болмок,алыста журуп Кыргызстанга барып келгендей болуп калдым эле
+3
sahalin.kg
2016-11-14 13:31:09
Азамат Эрмек! Үлгү ала турган жигит
+3
sahalin.kg
2016-11-14 13:32:00
Эң жакшы
+2
Shahrizaada
2016-11-14 14:15:45
Азыркы тамашоудогу балдарга маданияттуулукту Эрмек уйроткондой сезиле берет. Болбосо журушмок копчулугу кочо кишиси болуп. Кечиргиле орой тийсе, бул чындык. Тамашоучулардын интервьюларынан эле мурунку жашоолорун баамдасан болот
+7
Eleko
2016-11-14 14:45:57
Азамат,берген маеги даана жана так,жеткиликтуу экен.Ашыкча деле созу жок.
+3
Emir90
2016-11-14 17:36:50
Эрмектин. Саясатты алып кетуусуно козум жетет толковый бала
+3
ainura220888
2016-11-14 17:55:09
Мен лично Эрмек Нурбаевди сыйлайм. Жаш болсо да канча баланын бактын ачты. И еще Nurbaev lifeтан жаны видио кутом.
+2
roksalana
2016-11-14 23:29:33
Даа...Мен да абдан сыйлап урматтаган инсан, лично тааныбасам да
+2
leilek_suluktu
2016-11-14 23:37:07
Эрмек Нурбаевке жашоо жыргал бир жерде туруп акча табат оной жана женил иши
-2
Janybekova474
2016-11-15 13:30:03
Мыкты адам иштерине ийгилик. Жаштарды туура жолго багыттоочулардын бири жана патриот.
+1
altyshka_23
2016-11-16 14:05:23
Азаматсыз
+1
balzak
2016-11-16 15:51:38
тамашоудо кыргыз тилин алга сурогону албетте жакшы, ага кошумча МАДАНИЯТТЫ да балдарга девиз катары кошсонуз-сураныч
+1
arzuuu
2016-11-16 16:15:04
Жикусянын лагманы деп бир интервью чыкты эле да
-1
Ayzatka
2016-11-17 17:55:19
arzuu, сиз ким интервью берсе эле жамандап эле жатып калат экенсиз., мындан башка жумушунуз жокпу кыла турган?! Эрмекти сындап жамандап отурган бекерпоздорго айтарым, биринчи анын денгээлине жетип, ал жасаган иштердин торттон бир болугун эле жасасанар бул жерде отуруп сындаганга убактынар калмак эмес...
Эрмек азаматсын!!! Иштерине ийгилик!!
+2
Комментарий калтыруу үчүн өз ысымыңыз менен кириңиз же каттоодон өтүңүз.
Эрмек Нурбаев деген ысым 10 жылдан бери кулакка сиңип, айрымдар ага «Тамашоунун» атасы» деген лакап ат коюп алышкан. Кыргызча күлкү тартуулап, элди мыкты маанай менен камсыздаган бул жигит бүгүн биз менен жашоодогу принциптери, туура максат коё билүү ыкмалары менен бөлүшөт.
