ПЕДИАТР КЕҢЕШ БЕРЕТ
Учурда күндүн суукташы менен көпчүлүк балдар ар кандай илдетке кабылып жатышат. Айрым ата-энелер дароо эле оорукананы көздөй бет алса, айрымдары убактысынын тартыштыгынан баласын дарыгерге алып бара албайт. Эмесе, ата-энелерге жеңилдик болушу үчүн Бишкек шаарындагы №11-поликлиниканын педиатры Эльмира Иманалиева кеңештери менен бөлүшөт.
"БАЛАНЫН ДЕНЕ ТАБЫН КАНТИП ТҮШҮРҮҮ КЕРЕК?"
– Учурда балдардын дене табы жогорулап, эти ысып жатат. Бул кайсы оорунун белгиси жана кантип дене табын түшүрүүгө болот?
Айсулуу, Баткен
– Азыркы тапта вирустук оорулар 5 жаштан 14 жашка чейинки балдар арасында күч алууда. Мындай дартка, башкача айтканда, сасык тумоого кабылган баланын дене табы жогорулайт. Дене табын түшүрүү үчүн парацетамол жана ибуфен берүү керек. Мындан тышкары бөлмө температурасындагы суу менен денени сүрүү, суюктукту бат-баттан ичирүү кажет. Ал эми эмчектеги баланы бат-бат эмизүү зарыл.
"КӨЗДҮН ШИШИГИ ГЕНДЕН БЕРИЛЕБИ ЖЕ ООРУНУН БЕЛГИСИБИ?"
– Баламдын көзүнүн алды шишип турат. Бул ген аркылуу берилеби же оорунун белгисиби?
Жамиля, Бишкек
– Баланын кайсы бир жери ооруйт же туздуу тамактарды көп жейт. Кечкисин жатарда сууну ашыкча ичкенден да болот. Бирок сөзсүз медициналык кароо жасатып, эмнеден улам болуп жаткандыгын аныктап алуу кажет. Жай өөрчүгөн өнөкөт оорунун башталгыч этабы да болушу мүмкүн. Ошондуктан балаңыздын ден соолугуна азыртадан кам көрсөңүз, оорунун алдын алган болосуз.
"ЭМЧЕК ЭМГЕН БАЛАНЫН ИММУНИТЕТИ ЖОГОРУ БОЛОБУ?"
– Балам 1 жашка толду. Эмчектен чыгарайын деп ойлоп, кайра иммунитети түшүп кетеби деп чочулап жатам?
Милана, Кара-Балта
– Баланын иммунитети күчтүү болуш үчүн 2 жашка чейин эмизүү керек. Мындан тышкары тамактануу рационунда белок, углевод, темир, кальций жана башка керектүү витаминдерди, минералдарды камтыган азыктардын болушу шарт. Иммунитет күчтүү болсо зыяндуу микроорганизмдерден коргоп, оорунун алдын алат.
"ПИЯЗ ЖАНА САРЫМСАКТЫ ЖАШ БАЛДАРГА БЕРҮҮГӨ БОЛОБУ?"
– Пияз жана сарымсакты сасык тумоо менен ооруганда колдонушат. Бул ыкманы жасап көрбөгөндүктөн жаш балдарга колдонуу кооптуу эмеспи?
Айпери, Талас
– Пияз жана сарымсак микробдорду өлтүрүүчү антисептик болуп саналат. Андыктан балдарга сүткө кайнатып, жылуу кезинде ичирүү керек. Мындан сырткары пиязды туурап бөлмөгө коюп койсо микробдорду өлтүрүп турат.
"САСЫК ТУМООНУ АЛДЫН АЛУУНУН ЖОЛДОРУ БАРБЫ?"
– 2 жаштагы балам сасык тумоолоп калыптыр. Кандай дары-дармектерди берсем болот? Бул оорунун алдын алуу жолдорун айтып бересизби?
Бурул, Нарын
– Вирустук инфекция болсо антибиотиктер жардам бербейт. Эгерде мурдунан суу акса туздуу суу менен чайкап туруу зарыл. Ал үчүн 100 грамм жылуу сууга бир чымчым ашкана тузун салып, аралаштырып, пипетка менен баланын мурдуна тамызып жууйбуз. Ал эми сасык тумоонун алдын алуу үчүн үйдүн ичин шамалдатып, абаны алмаштыруу жана баланын иммунитетин көтөрүү маанилүү. Витаминдүү тамактарды берип, суюктукту көп өлчөмдө ичирүү кажет.
Бактыгүл Момбекова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (14)
Урматтуу супер инфо менин суроомо педиатрдан жооп алып бересиздерби? Балам 2 жашта. торолгондон баштап еле кичине температура чыкса чыйрыккансып титиреп баштайт. Жылуулап кийинтели десек температура. Мындай учурда эмне кылуу керек? Титирегени кооптуубу? Кайсыл врачка короттум керек? Чооон рахмат!!!
tina-janka,Бул нерсе не влияет на развитие мозга. До 5лет на фоне темпепатуры байкалат. Бирок ошентседа неврологдун козомолундо болунуз. Грудной ребенок температура болуп атса памперс колдонуучулар памперсиз кармагыла баланы. Парацетомол ичбей кыйналган балдарга лучше жарапонижающий свечка койгон жакшы. Тоже парацетомол же цефикон. Же цироп Нурафен. Биринчи эле ооруп баштаганын байкасаныз мурдуна деринат тамчылатыныз имунитети которот. Ооруну алдына алган менен барабар.
Противо вирусный свечка коюнуз генферон же виферон.
Противовирусный генферон лайт свечасы жана интерферон мурдуна тамчылатыш керек
Баланын табын тушуруу темасы боюнча аябай кутушту эле копчулук энелер.парацетамол жана ибуфен беруу керек деп эле болдубу.мен деле жазып коймокмун экоосун!
Баланын температурасы 37 38 болсо норма тушуруунун кереги жок анткени ошол убакта организм вирус мн күрөшүү процесси жүрөт жөн гана бир аз жеңилирээк кийинтип денесин суу кошулган спирт мн сүртүп туруу керек ал эми 40 ка жетип калса албетте врачка көрсөтүү керек
Менин баламда да бир аз эле грипптин белгилери пайда болсо дароо эле анаферон ичирем инструкция бойунча, бир эки күндө эле жакшы болуп калат, таблеткалары ширин болгондуктан ичирүүгө кыйналбайм, балам да кыйналбайт дароо эле ичип алат
Аз эле жооп бериптир.Теманы куттум эле,купулга толбоду жооптору,балким тажрыйбасызбы айтор андан коро эки уч балалуу энелерден сурабаптырсынар...
Ооруганын кутуп олтурбай эле,алдын ала витаминдерди берип и озунор да ичип иммун-ди укрепит этиш кк.Обычный аскорбиновая кислота 1 ай ичип,противовирусный таблетка Римнтадин курс лечение 20 кун для взр.для дет Ориверим,Цитовир в сиропе.Оксолин или Виферон мазь для наружное при-е.
Шиповник плоды,Эхинацея(крг кандай эле)дем деп ичиш кк бир ай.
Админ саламатсызбы укуктук кенеш боюнча кайсыл дареке суроо узатсам болот билдируум жетбей жатат
dastan_2016, саламатсызбы? Гезиттин "Юрист кеңеш берет" рубрикасына
kenesh@super.kg дареги аркылуу жиберсеңиз болот.
лимон менен имбирди кесип кайнак сууга салып ичирсе иммунитетти которуп оорунун алдын алат
