ПАЙДАЛУУ КЕҢЕШ

АПЕЛЬСИН ШАМДАРЫ

Эгерде сиз жагымдуу кече уюштуруп, бирок сүйүктүүңүздү «кантип таң калтырам?» деп жатсаңыз жөнөкөй жана оригиналдуу шамдарды жасаңыз. Ал үчүн апельсиндин башын кесип алабыз. Андан кийин ичин кашык менен тазалап алуу керек. Себеби сырткы кабыгы формасын жоготпошу керек. Эми апельсиндин ичине жалпак шамдан салабыз. Даярдап алгандан кийин столго коюп, күйгүзө берсеңиз болот.

БЛЕНДЕРДИ ТАЗАЛООНУН ЫҢГАЙЛУУ ЖОЛУ

Блендерди оңой тазалоонун жолун билбей жүргөн болсоңуз, бул ыкманы колдонуңуз. Ал үчүн блендердин жарымына чейин жылуу суу куюп, үстүнө идиш жуучу самындан тамчылатып, андан соң 1-2 мүнөткө иштетип коёсуз. Эми самын сууну төгүп, жөнөкөй эле суу менен жакшылап чайкап койсоңуз, блендер жалтырап калат.

КӨК ПИЯЗДЫ ҮЙДӨ ӨСТҮРӨБҮЗ

Ал үчүн сизге желим бөтөлкөлөр (5 литрлик суунун бөтөлкөсү) керектелет. Алгач бөтөлкөнүн ар кайсы жерин тегерек кылып кесип аласыз. Андан соң ичин топурак менен толтуруп чыгасыз. Ал эми желим бөтөлкөнүн кесилген жерине майда пияздан салып, топуракка жарым-жартылай көмүп коёсуз. Бир канча убакыттан кийин пияз көктөп чыгат. Анын көгүн тамак-ашка колдоно бересиз.

Бактыгүл Момбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Ayka0696

2017-01-05 22:35:03

Сонунго

Rian

2017-01-06 12:31:40

Соонун кенештер экен рахмат.

A3A

2017-01-06 12:59:54

Кол жуyгуч жасайбыз.
5 литрлик бакалашканын тyбунун чекесин кичине кылып кесип, аны кол жуyй тyрган жерге кадимкидей эле илебиз.
Сyу куюп жатканда тешикти кол мн жаап тyрабыз, сyу толгoндoн кийин баклашканын оозун бекем жаап коебуз, тешиктен сyу акпай тyруп калат,
Сyу керек болгондо оозун ачасын тешиктен сyу чыгат, жабасын сyу токтойт.

Комментарий калтыруу үчүн өз ысымыңыз менен кириңиз же каттоодон өтүңүз.

№ 739, 30-декабрь- 05-январь, 2016-ж