СПОРТ ЖАҢЫЛЫКТАРЫ

Күрөш

АЙСУЛУУ ТЫНЫБЕКОВА "ИВАН ЯРЫГИН" ЭЛ АРАЛЫК МЕЛДЕШИНДЕ ЖЕҢҮҮЧҮ

Эркин күрөш боюнча Кыргыз өлкөсүнүн балбандары Орусиянын Красноярск шаарында 27-29-январь аралыгында өткөн "Иван Ярыгин" эл аралык мелдешине катышышты. Аталган мелдеште жалпы 11 кыргыз спортчусу күч сынашты. Алардын катарында "Рио-2016" Олимпиадасынан бери мелдештерге катыша элек Айсулуу Тыныбекова да барды.
58 килограммга чейинки салмакта күч сынашкан Айсулуу Орусия жана Монголия мамлекетинин 3 спортчусун жеңип, финалга чыккан. Финалда орусиялык Вероника Чумикованы 13:3 эсебинде утуп, алтын медаль тагынды.
Тилекке каршы, калган балбандарыбыз медалдарга жетишкен жок.

Универсиада

КЫШКЫ УНИВЕРСИАДА: ОРУСИЯ МЕДАЛДАР БОЮНЧА АЛДЫДА

Алматы шаарында өтүп жаткан Кышкы Универсиадада кыргыз спортчулары медалдарга жетише элек. 29-январда күрөшкө алгачкылардан болуп кыздар арасында лыжа боюнча жеке жарышта Кыргыз өлкөсүнүн спортчусу Кундуз Абдыкадырова катышып, 62-орунда келди.
Ошондой эле эркектер арасында 10 чакырымдык лыжа жарышына түшкөн Тариэл Жаркымбаев 87-орунга жазылды.
Жалпы оюндардын жыйынтыгы боюнча азырынча Орусиянын спортчулары медалдар боюнча алдыга чыкты. Алар жалпысынан (1-февралга карата) 21 медаль (10 алтын, 8 күмүш жана 3 коло медаль) жеңишсе, Япония 2 алтын, 5 күмүш, 1 коло менен 2-орунда жана Казакстан 2 алтын, 2 күмүш жана 4 коло медаль менен 3-орунда.

Футбол

АФК КУБОГУ: "ДОРДОЙ" "БАЛКАНДЫ" УТА АЛГАН ЖОК

31-январда Ош шаарындагы А.Сүйүнбаев атындагы стадиондо өткөн АФК Кубогунун тандап алуу оюндарынын алкагында бишкектик "Дордой" Түркмөнстандын "Балкан" командасы менен кез келди.
Эл аралык мелдеште клубдук бөлүнүү деген жок, андыктан Ош шаарында "Дордойду" 8 миңдей күйөрмандар колдоп турушту. Таасирленген "Дордой" алгачкы мүнөттөрдөн тарта чабуулга өткөнү менен, 70-мүнөттө коноктор "Балкандын" коргоочусу Нуртаган Маммедалыев эсепти ачты. Эсеп 78-мүнөттө теңелди. Кайрат Жыргалбек уулунун чыгарып берүүсүн Алишер Азизов башы менен дарбазага таамай сокку узатты. Жыйынтыгында оюндун эсеби 1:1 менен аяктады.
Эми "Балкан" командасы менен жооптук беттеш 7-февралда Түркмөнстандын Балканабад шаарында өтөт.

Адилет Керимбек уул
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (13)

F.C.Chelsea

2017-02-08 08:53:22

Бишкек деген чоң тамга менен жазылат..

Эльвира Караева

2017-02-08 09:00:39

F.C.Chelsea, ооба, Бишкек деген жердин аталышы, ошол үчүн чоң тамга менен жазылат. Ал эми бишкектик, оштук, кыргызстандык дегенде кичинекей эле тамга менен жазылат. Көңүл бурганыңыз үчүн рахмат!

meni_kut

2017-02-09 19:37:47

Эльвира Караева,туура

sabyr86

2017-02-08 11:02:23

Азаматсыңар айрыкча Айсулуу азамат.бар бол.

Gulzat86

2017-02-08 11:32:16

Азамат Айсулуу.Бизде ээми эми онугуп келатат спорт жаатындагы корунуш.

Kerben1996

2017-02-08 11:52:41

Азаматсыз... Бийиктиктерди багында бериниз ....

NuradilKazybek

2017-02-08 11:53:58

Дордой Балканды 2-1менен утту конокто

baltabai

2017-02-08 14:21:57

Alga kyrgyz stan

Akzholtoi_Zhamashbekova

2017-02-10 03:18:10

Биздин спортчулардын аракети ар дайым жакшы деңгээлде жана силер биз үчүн ар дайым мыктысыңар!!!
Айсулуу сиз азаматсыз, менин эжемдин аты дагы Айсулуу)))

Baktiar8008

2017-02-12 16:10:40

Айсулуу сенин беттешүүңу телевизордон көрдүм сен эң мыктысың, ийгилик.

ggvatua

2017-02-13 00:47:22

Чумакованын курошторун тим эле мактап буга чейинки мелдештерде коколотуп келишкен.Канча жолу туз эфирден кором.Айсулуу аны уят кылып коюптур.Азамат,Айсулуу!!!

Perishtem2011

2017-02-14 08:42:05

Азамат Айсулуу .Алга,иштерине ийгилик.

aik87

2017-02-18 10:31:06

айсулуу азамат

Комментарий калтыруу үчүн өз ысымыңыз менен кириңиз же каттоодон өтүңүз.

№ 744, 03-09-февраль, 2017-ж.