СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
2-февраль күнү Жогорку Кеңеште өкмөттүк саат өттү. Жыйын учурунда депутат Өмүрбек Текебаев менен премьер-министр Сооронбай Жээнбековдун ортосунда кайым айтышуу орун алды. Өмүрбек Текебаев өкмөт ЕАЭС бере турган мүмкүнчүлүктөрдү эле эмес, Европа өлкөлөрү берип жаткан мүмкүнчүлүктөрдү да пайдалана албай жатканын айтып, сынга алды. Ал суроо-жооп үчүн өкмөттүк саатты узартуу керек деген сунуш киргизди. Бул сунушка өкмөт башчы Сооронбай Жээнбеков макул болбой, жыйыны бар экенин билдирип: "Эки саат дедиңиздер эле. Ал убакыт аяктады. Мен өкмөттүк жыйын курушум керек. Сиз айтсаңыз эле жыйын курбай каламбы?"- деди. Анын сөзүнө Текебаев өкмөт ар дайым парламентти угушу керектигин эскертип, эгер жакпаса отставкага кетүүнү сунуштады. Өкмөт башчынын депутатка болгон мамилесин Өмүрбек Бабанов да сынга алып, "эртең биз фракция жыйынында өкмөт тагдырын чечебиз" деди. Буга кошумча Бакыт Төрөбаев да өкмөттү эффективсиз иши үчүн сындап, Сооронбай Жээнбековго өз эрки менен эле отставкага кетүүнү сунуш кылды. Өмүрбек Бабанов бул жыйында парламент спикери Чыныбай Турсунбековду депутаттарга бирдей калыс мамиле кылбай, регламентти бузду деп, төрагалыктан алууну демилгелеп чыкты. Ошентип парламенттеги оппозициялык фракциялардын лидерлери бир ооздон Сооронбай Жээнбековду өкмөт башчылыктан кетүүсү керектигин айтышты.