Бишкек жана Ош шаарларына ЖЫЛУУЛУК берүү март айынын орто ченинде токтотулушу мүмкүн. Былтыркы жылы жылуулук берүү 10-мартта өчүрүлгөн.
5 жашар баласынын көзүнчө аялды ЗОРДУКТАГАН таксистти 4 жылга эркинен ажыратуу боюнча соттун өкүмү жокко чыгарылды. Тоң райондук сотунун өкүмү күчүн жоготуп, ишти Ысык-Көл райондук соту карамай болду. Маалыматты Ысык-Көл облустук сотунан кабарлашты.
1-марттан тарта 50 жана 100 сомдук ЖАҢЫ БАНКНОТТОР колдонууга чыкты. Бул тууралуу Улуттук банк билдирди.
2016-жылы Кыргыз өлкөсүнөн 95,5 миллион долларлык тигилген буюмдар экспорттолуп, бул жалпы ЭКСПОРТ көлөмүнүн 7 пайызын түзгөн.
Кыргыз мамлекетиндеги ЭРКЕКТЕР аялдарга салыштырмалуу 7-10 жылга аз жашашат. Буга эркектердин арасында жыныстык органдарынын онкологиялык ооруларынын өскөндүгү себеп болгон. Муну Саламаттыкты сактоо министрлигинен тастыкташты.
"Өрт өчүрүүгө колдонулуучу 1992-жылы чыгарылган жалгыз ТИК УЧАКТЫН эскилиги жетип, бузулуп жатат. Аны оңдотуу үчүн 1,5 миллион доллар керек",- деди өзгөчө кырдаалдар министри Кубатбек Боронов.
Өлкөдө РАДИАЦИЯ чыгарып турган 61 радиоактивдүү объект бар.
Аскердик соттун мурдагы төрагасы Нурлан Ашымбеков "50 миң доллар ПАРА алган" деп кармалды. Тиешелүү кылмыш иши козголгонун Башкы прокуратура маалымдады.
Мамлекеттик каттоо кызматы 1-марттан тартып ПАСПОРТ АЛУУДА бланкаларды толугу менен электрондук толтурууга өтөт.
Быйылкы жылы АЖЫЛЫК САПАРДЫН чыгымы 2 миң 600 доллардан ашпайт. Зыяратка баруу үчүн Ош облусунан 1 миңден ашуун адам, ал эми Нарын облусунан 1 адам электрондук кезекте турат. Бул тууралуу муфтийдин орун басары Акимжан Эргешов айтты.
Орусиядагы кыргыз ЭМГЕК МИГРАНТТАРЫ мекенине 2016-жылы 1 миллиард 938 миллион доллар которушту. Бул көрсөткүч 2015-жылга караганда 855 миллион долларга көп. Мындай маалыматты Тышкы иштер министрлиги берди.
Синоптиктер МАРТ АЙЫ өлкө ичинде нормадан жылуу жана жаанчыл болот дешет.
Бишкек шаарында жайгашкан АЯЛДАМАЛАР ушул жылдын сентябрына чейин толук оңдолот. Учурда 35 аялдаманы ижарага алган тараптар оңдоп-түзөө иштерин жүргүзүшүүдө.
Өлкөдөгү 77 миң МУГАЛИМДИН 25 миңге жакыны турак жайга муктаж. Бул маалыматты Мамлекеттик ипотекалык компаниясынын төрагасынын орун басары Нуржигит Үсөнакун уулу парламентте айтты.
Бишкектеги АВИАКЫРСЫКТАН жабыркагандарга чогултулуп жаткан акча каражаты 2-март күнү 94 миллион 637 миң 658 сомго жетти.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.