Кинорежиссёр Эрнест Абдыжапаровдун буга чейинки туулган күндөрү эсинде деле калбаптыр. "Ушул туулган күнүмдү унутпай калдым окшойт" деген Эрнест мырза өздүк майрамы тууралуу мындай деди:
– 56 жашка чыкканым менен, мен үчүн жашоо эми башталды. Жашыраак кезде "мынчага чыктым, карып баратам" деп кейиген учурларым болгон. Азыр өзүмдү жаңы ачылып келе жаткан гүлдөй сезип жатам. Анткени жаңы ойлор, күч-кубат, эргүү келип, дагы эмне кылып ийсем деп калдым.