ГҮЛДӨРДҮН ӨМҮРҮН УЗАРТУУНУН СЫРЛАРЫ

8-марттын эртеси айымдарда "белекке келген гүлдөрдү эми кантип узакка сактайм?" деген суроо жаралат. Мунун анчалык деле кыйынчылыгы жок, болгону төмөнкүлөргө көңүл буруу кажет.

САБАГЫН ТУУРА КЕСИҢИЗ

Гүлдүн сабагын кыйгачынан кесиңиз жана түбүнүн 3-4 сантиметрге чейинкисин кабыгынан ажыратыңыз. Албетте, муну аларды сууга салар алдында аткарыңыз.

ЖЫЛУУ СУУГА САЛЫҢЫЗ

Гүл түрдүү бактерия жана микробдордон жабыркабашы үчүн таза идишке салуу кажет. Сабагынын үчтөн эки бөлүгү вазадагы сууда турушу керек. Ал үчүн бөлмө температурасындагы суу ылайыктуу (22-23 градус). Гүлдүн суусун күндө алмаштырганды унутпаңыз.

БАКТЕРИЯЛАРДАН КОРГОҢУЗ...

Ал үчүн кеңеш: Сууга лимон кычкылынан себелеп же 2 аш кашык арак, болбосо 1 таблетка аспирин эзип кошуп коюңуз. Бул гүл соолубай, узакка өмүр сүрүшү үчүн зарыл.

КУМШЕКЕР СИЗГЕ ЖАРДАМЧЫ...

Аны көбүнчө гвоздика, нарцисс жана жоогазын гүлдөрү жактырышат. 1,5 чай кашык кумшекерди 1 литр сууга аралаштырсаңыз жетиштүү.

ТУУРА ЖЕРГЕ КОЮҢУЗ

Гүл салынган вазанын жанына мөмө-жемиштерди койбоңуз. Себеби алар жалбырактардын бат күбүлүшүнө алып келген этилен газын бөлүп чыгарышат.

Нуркыз Курманбек кызы
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

saribaeva

2017-03-08 21:30:02

Жакшыго

Aizatnur

2017-03-11 23:43:14

Жакшы экен

Santini

2017-03-20 14:36:56

Роза гулун тункусун жалбырагына суу сээп туруп кагазга тыкан ороп муздагыраак жерге коюп коюш керек. Эртен менен кайра жаны куйулган сууга коюш керек.сууга салаардын алдында кыйгачынан кесиш керек. Гербера гулго вазага сууну 10см.эле куйюш керек. Анткени сууда турган буту бат эзилет. Ошо учун суу алмаштырган сайын кесип туруш керек. Альстомерия гулун жалбырактарын баарын сыдырып алып ташташ керек......

Комментарий калтыруу үчүн өз ысымыңыз менен кириңиз же каттоодон өтүңүз.

№ 748, 3-9-март, 2017-ж.