ИЗДЕЙМ СЕНИ

"Аталаш эжемди издейм"

– Менин атым Мирлан. Айгүл Бердигулова деген эжемди издеп келем. Угушума караганда, апасынын аты-жөнү Гулина Шорукова. Айгүл эже экөөбүздүн атабыз бир экенин билип, аны издеп баштадым. Каракол шаарынан болушат деп уккам. Эгер окуп калсаңыз, мага байланышып коюңуз.

Мирлан Мусаев, тел: +79267686441

"ГУЛИНАДАЙ АДАМДЫ ТАБА АЛБАЙ КОЙДУМ"

– Саламатсыздарбы? Мен Гулина Ишенакунова аттуу таанышымды издейм. Ал Нарындын Ат-Башы районунан болот. Экөөбүз таарыныша кеткенбиз. Себеби ошол кезде менде үйлөнүүгө шарт жок, ал тургай үйүм дагы жок болчу. Азыр менде бардыгы бар, бир гана сиз жоксуз, Гулина. Экөөбүз 5 жыл бою бири-бирибизге көнүшүп калдык эле. Өзүмдү алдоо үчүн Кыргызстандан башка өлкөгө чыгып кеткем. Бирок ал жактан сиздей адамды, биз өткөргөн күндөрдү таба албай койдум. Гулина, мени кечириңиз! Сиз үчүн Стамбулдан кайра келдим. Сиз жок жашоом караңгы болууда, мага байланышып коюңуз.

Бакыт, тел.: 0700 99 46 63

"АРЛЕН, КАЙДАСЫҢ?"

– Тентимишев Арлен Шейшенбековичти издейм. Ал 2000-жылы 19-апрелде туулган. Военно-Антоновка балдар үйүндө тарбияланган. Арлен, окусаң мага байланыш же эгерде аны таанып-билгендер болсо мага байланышып коюуңуздарды өтүнөм.

Эжеси Үмүт, тел.: +79261974514

Сиз качандыр бир кездеги жакын адамыңызды издеп, бирок таппай жүргөн болсоңуз, анда Главпочтамт, а/я 2031 дарегине же koom@super.kg электрондук почтасына кат жазыңыз.
Эскертүү! Катта маалымат берген адамдын дареги же телефон номери так көрсөтүлүүгө тийиш.
Байланыш телефону: (0312) 32-33-28

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 750, 17-23-март, 2017-ж.