МАРАТ АЛЫШПАЕВ «АКЧА ЖЕДИ» ДЕП ТЕМИРЛАН СМАНБЕКОВДУ АЙЫПТООДО

Токтоболот Абдумомунов атындагы Кыргыз драма театрынын мурунку жетекчиcи Марат Алышпаев театр директорлугунан жаңы эле бошогон Темирлан Сманбековдун үстүнөн тиешелүү органдарга кайрылуу жолдоду. Марат Алышпаев бул боюнча оюн төмөндөгүдөй билдирди: "Темир Сариев премьер-министр болуп турганда театрга 6 миллион сом берген эле. Ал акчага Сманбеков 3 машина сатып алган. Сатып алуу иштерин тендер өткөрбөй эле ишке ашырган. Иш билинип калып, текшерүү жүргөндө 6 миллионго 1 миллион 300 миң сом жетпей калган. "Түрксойдун" тапшырмасы менен "Коркут ата" пьесасы жазылып, аны коюуга 10 миң доллар берилген болчу. Бирок акча театрдын кассасына өткөрүлбөй, директордун колуна берилип, каражат өзүм билемдик менен жумшалган".
Бул боюнча Темирлан Сманбеков менен байланышканыбызда ал: "Марат байке буга чейин да арызданып, бир жарым жыл текшерүү жүргөн. Эч кандай илинчек табышкан эмес. Азыркы заманда мага ошончо акчаны жедирип коюп эч ким карап отурбайт. Артисттер, өкмөт, сот бар дегендей. Марат байке директор болуп турганда артисттер министрликке улам-улам арыз жазып жатып кетиришкен. 10-15 күндөн кийин сынактын жыйынтыгы менен мен жетекчи болдум. Ошондон бери эле байке ордун тартып алгансып мени жаман көрүп жүрөт. Ал 4 жылда жасабаган ишти мен 2 жылда жасадым. Кандай сонун спектаклдер коюлду. Менин үстүмдөн жазылган арыздары жалаа. Эгер чындап күйүп жатса маалымдоо каражаттарына жарыялабай эле, текшертип, акча жеп алсам, ошонун жыйынтыгы менен элге чыгарса болмок",- деген жооп кайтарды.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

Patriot...kg

2017-04-17 10:22:45

Бирин кайын бирин тал
Бирин олуп бирин кал

jypara1415

2017-04-17 14:38:41

Экөө тең көзгө көрүнүктүү агалар , бул жоруктары уят го ? ! Саясат калып , маданиятка өттүбү чукушмай ...... Тообо ...

Benazir08

2017-04-18 09:31:56

койгула жок жерден теректин башы кыймылдабайт. бул жерде чоон мафия жатат
баардык жерде эле ушу жемей

guliza8990

2017-04-18 11:42:03

Маданият тармагындагы адамдар маданияттуулугун абдан мыкты корсотушуптур.

Kairat.96

2017-04-18 14:05:42

Чыныгы концерт эми болот

ADI9566

2017-04-18 17:09:38

Кыргыз маданияты-улутубуздун кузгусу дегенибиз менен,ошол маданияттын алптарынын кылаар иши бул болсо чыгармачылык,изденуу менен алектенип,жаштарга улгу болуп ,колдоонун ордуна.Же биз ушул нерселерден улгу алышыбыз керекпи???Эмне бизди улуу муун ушинтип тарбиялайбы???

Aizakub

2017-04-20 00:35:13

Эки артистти тен эл сыйлайт, эл тааныйт.Бирок ушунчалыка барбай эле коюшса болмок.

babushka1510

2017-04-20 09:16:54

Кызматтан кеткендер таарынычын ошентип жазышат окшойт да эми Марат Алышпаев атактуу артист арызын ккректуу жерлерге бере бербейби дейм да,ким билсин...

babushka1510

2017-04-20 09:17:41

Тообооо...

Комментарий калтыруу үчүн өз ысымыңыз менен кириңиз же каттоодон өтүңүз.

№ 754, 14-20-апрель, 2017-ж.