Айгүл Асанбаева, Садыр Жапаровдун жубайы: "ЭЛ КАРАГАН ЖҮЗҮБҮЗ ЭЛ КАРАГАН БОЙДОН КАЛАТ!"
Мындан бир ай мурун экс-депутат Садыр Жапаров чет өлкөдөн келгенде УКМКнын кызматкерлери тарабынан кармалган эле. "Анын кармалышына негиз жок болчу" деген митингдер да болгон. Биз экс-депутаттын жубайы Айгүл Асанбаева менен күйөөсү тууралуу маектештик.
– Айгүл эже, айтыңызчы, жолдошуңуз Садыр Жапаров чын эле Эмилбек Каптагаевди барымтага алгандардын арасында бар беле же адилетсиз камалды деп ойлойсузбу?
Албетте, адилетсиз камалды, өзү эле эмес, бир тууган кайнагам, балам, күйөө балам жана башка 12 адам адилетсиз камалды. Ушунун баары "Кумтөрдүн" кесепетинен болуп жатат. Эмилбек Каптагаевди барымтага алгандар дагы Садыр үчүн митингге чыгышкан эмес. "Кумтөр" элге иштесин, жаратылышыбызды талкалашпасын, элге зыянын тийгизбесин" деп чыгышкан. Садыр ал убакта Кыргызстанда болгон да эмес. Кайнимдин бөйрөгүн алмаштыруу үчүн чет өлкөдө жүргөн. Азыр эми ошол митингге катышып соттолгондорго "артыбызда Садыр Жапаров бар болчу" дедиртип, жалган жалаа менен камап отурушат. Кудай бар, эл бар дегендей, акыры адилеттүүлүк ордуна келет деген үмүтүм чоң.
– Канча жылдан бери "Кумтөр" оң жагына чечилбей келет. Эмне сыр бар экенин жолдошуңуз менен талкуулачу белеңиз?
– Эмне жашыруун сырлары бар экенин Ак үйдөгү чоңдор билбесе, мен билбейм. 2012-жылы Садыр "Кумтөрдү" текшерүүгө алып, чукуп чыккан. Ошондо "акча берели, абийирибизди ача көрбө" дешип 2 ай бою 100 миллион доллар көтөрүп алып Садырдын артынан чуркашканын билем. Садыр бир тыйын албай, "эл цианид ичип жатыптыр, жаратылышыбызды таптакыр талкалап салышыптыр. Бул жерлерде ата-бабаларыбыздын арбактары жатат. Ошолор кечирбейт" деп парламентте ачыкка чыгарып таштаган. Тилекке каршы, парламенттен колдоо тапкан жок. Көрсө, ошондо ажыдаардын куйругун баскан экен. Кандай болгон күндө да Кудай алдында, эл алдында Садырдын жана Жапаровдордун жүзү жарык. Болбосо көрмөксөн, билмексен болуп, ошол
100 миллион долларды алып, жыргап бир кызматта отура берсе болот эле да. Садыр антпеди, ак иштеп берди. Эми жалаа жаап, күйөөмдү эл душманындай көрсөтүп жатышат. Садырды тосуп алабыз деп чыккан 12 баланы дагы "милиция кызматкерлерине таш ыргытышты" деген жалаа менен камашты. Видеолордо даана көрүнүп турат, алардын колунда бир да таш болгон эмес.
Жамандай берсе, ага эл ишенип алат экен. Ошондуктан сиздердин гезит аркылуу жалпы элге кайрылам. Жалган жалааларга ишенбеңиздер. Чындык акыры калкып чыгат. Эң негизгиси, Жапаровдор киши өлтүргөн жок. Элдин бир тыйынын жеген жок. Коррупционер деген атка конушкан жок. Эл, өлкө деп чын жүрөгүнөн иштешти. Эгер жолдошума "мамлекеттин мынча акчасын жеп коюптур" деген күнөө коюлса, анда көчөдө баскандан уялат элек. Кудайга шүгүр, эл караган жүзүбүз эл караган бойдон калат. Башыбызды бийик көтөрүп баса алабыз.
Ибрагим Жусуев
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (9)
Кудай карап турат.Ак ийилет бирок сынбайт.
Адилеттуулук бизде барбы???
Сен жеп жургонун кордун беле
ушул адам менен сыймыктанам кыргызтанда бундай адам жок азыр
1-май райондук сотко башка иштер менен барсак Жапаровдун соту болуп жатыптыр, бишка процесс менен барып убактысын кутуп отурган баарыбызды 2-3 бала видеого, суротко тартып жатышты, Жапаровду колдоп келгендер деп, алар тараптан аз эле киши журду, калп эле бизди кошо ала жатышты. Бул адамды колдобойм, Кумторду иликтоо боюнча комиссиянын башында, бийликте журуп эч нерсе кыла албай, эми эптеп бийликке кайра келиш учун курулай бир нерселерди ойлоп таап, "Элим, Кыргызым" деп анткорлонуп жата
Как ийилет бирок сынбайт акталып чыгып кыргыздын келечеги учун кызмат кылып жепжутарлардын баары эл алдында жооп берет
Baku88, кимдир бирөөнүн кадыр-баркына шек келтирип, далилсиз маалыматтарды жазуудан алыс болуңуз. Эскертүү!
2012-жылы Садыр "Кумтөрдү" текшерүүгө алып, чукуп чыккан.
бул жерде озу мамлекеттик имараттарды арзан сатып махинацияларды кылган боюнча иш козгошкондо маселени которуп саруунун элин башаламандыкка туртккон. эсинерде болсо электростанцияны очурушкондо, кыргызстан кунуно 2 млн доллардан жоготкон, аны ким компенсация кылды?
