СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Бишкектин четиндеги Дача-СУ аймагына кулаган Түркиянын жүк ташуучу учагынын ээси "ACT Airlines" авиакомпаниясы камсыздандыруучу компаниядан азырынча 36 миллион доллар алды. Бул тууралуу парламенттин "Ата Мекен" фракциясынан депутат Алмамбет Шыкмаматов өкмөттүн отчётунда Транспорт жана жолдор министрлигинин өкүлүнүн маалыматына таянып айтып чыкты. Анын маалыматына караганда, кыйраган учак үчүн түрк авиакомпаниясына камсыздандыруучу компаниядан 70 миллион долларга жакын акча төлөп берилет. Ал эми ошол кырсыкта көз жумган кыргыз жарандарынын өмүрү канчага бааланып жаткандыгы тууралуу суроого транспорт жана жолдор министри Жамшитбек Калилов жооп бере алган жок. 27-апрелде өкмөт Боинг кырсыгында жабыркагандарга элден чогултулган 100 миллион 499 миң 300 сом акча которулду деген маалымат таратты. Бирок ӨКМ 20-апрелде эсепке 101 миллион 218 миң 3 сом чогулганын билдирген эле. Калган акчанын кайда кеткендиги тууралуу комментарий бериле элек. Ал эми жабырлануучулардын айтымында, акча которула элек. Кырсыктын чыгымы 195 миллион сомду түзгөнүн өкмөттүк комиссия эсептеп чыккан. 30-мартта Түркиядан 42 миллион сомдун тегерегинде каражат которулган. Бул сумманы жардамдын биринчи бөлүгү деп түшүндүрүшкөн. 