СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
"Дем" театрынын актёру Эркин Эгембердиев кызына жентек той берди. 16-апрелде жарыкка келген наристеси тууралуу: "Бул менин экинчи наристем. Биринчи кызымдын аты Айбийке. Үч жашка чыкты. Экинчи ирет ата болгонум туулган күнүмө эң сонун белек болду. Анткени кызым менин туулган күнүмдөн эки күн өткөндөн кийин төрөлдү. Быйыл Ыйман, адеп жана маданият жылы болгондуктан ушул жылдын урматына арнап кызыбыздын атын Ыйманайым деп койдум. Туулгандыгы тууралуу күбөлүктү аларда кызымдын атын жазсам, ал жактагы кызматкерлер "бул ысымды патенттешиңиз керек экен" деп күлүп калышты. Жентек тойго ата-энем жана өзүмдүн бир туугандарым келгени болбосо, коноктордун басымдуу бөлүгү жаштар болду. Андыктан той шаң-күлкү менен өттү",- дейт кубанган актёр. Наристеге кең келечек, бактылуу балалык тилейбиз.