ӨЗДӨН ЧЫККАН ЖАТ ЖАМАН (фотороман)

– Ооба, башымдан өткөргөн тагдырды баяндоо мен үчүн жеңил эмес. Бир ыйлап, бир жылмайып, бир өзүмдү жемелейм. Антсе да койгон максатымдан тайган жокмун. Курбумдун бактылуу жашоосуна, күйөөсүнө көз артып аралаша баштадым. Артка жол жок. Курбумдун жолдошун аяшымдай эмес, менчиктеп, жигитимдей көрүп, сагынчу да болдум.

10. – Сезимдин үйүнө коюнума котур ташымды салып алып тез-тезден каттай баштадым. Куру кол барбай 2 баласына тең белек көтөрүп алам.

11. – Алар чын эле бактылуу үй-бүлө. Бул үй-бүлөнү сырттан караган адам сөзсүз суктанат. Кызы 6 жашта, уулу 2де. Сезим эки баласын карап үйдө отурса, Кумар бир компанияда пиар менеджер болуп эмгектенет.

12. – Ичимдеги бороон-чапкынды Кумарга кантип билгизем? Мурун учурашканда жөн гана кол алышып койсок, эми өбүшүп учурашканга өтүп алдык. Мендеги уйгу-туйгу Кумарда да болуп жаткандай туюлду.

13. – Сезим менин тез-тез каттап калганымдан шек санаган жок. Алып барган белектериме сүйүнүп, сүйлөшүп, сырдашып, мени мурункудан да жакын сезип калгансыйт.

14. – Залкарга турмушка чыкканда иштеген жеримден чыгып алгам. Ажырашкандан кийин кайра эле ошол тигүү цехине кирип алдым. Жумушум жакшы, маянамды апта сайын алам. Акчам өзүмдүн керектөөмө кеңири жетет.

15. – Кумар менен Сезимдин үйүнө дайым жасанып барчу болдум. Мен Кумарды арбап алуум керек. Менин кылыктарым ага таасир бергендей...

16. – Туура эле байкаптырмын. Кумардын көздөрү менин далымды теше тиктеп тургандай туюла берди. Көздөрүбүз чагылыша түшкөндө анда да мага карата жылуулук бар экенин толук түшүндүм.

17. – Бул күн жекшемби эле. Курбумдун "тамак жасайын" дегенине көнбөй, "кеч кирип баратат, бир жакка шашылыш барышым керек" деп Кумарды машинасы менен жеткирип коюусун сурандым.

18. – Баары ушинтип башталды.

АСЕЛ МЕНЕН КУМАРДЫН МАМИЛЕСИ ЭМНЕГЕ АЛЫП КЕЛЕТ? СУРООНУН ЖООБУН КИЙИНКИ САНДАН АЛАСЫЗ.

Сүйүн Кулматова
Адилет Бектуров
lira@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (24)

Nevestkaa

2017-05-29 11:25:57

Рамазан айында алиги палиги бузук сузук жөнүндө чыгарбай турбайсыңарбы сураныч.

+19

admin_superstan

2017-05-29 15:31:38

Nevestkaa, саламатсызбы? Сунушуңузга рахмат.

-6

Meerman

2017-05-30 01:55:46

Nevestkaa,))))))))))klasss boldu go bul jagy. adminge makul keldi okshoit. menin oiumcha bir azgyrylyp kaira baktyluu bolushat. chygarnalardy okui berip kantip butoorun da bilip kaldyk go.

Sezimka27

2017-05-29 12:48:28

кумар жалиевби

-1

wirin

2017-05-29 13:43:29

жок ошого окшошкен миллиондук мелдештеги актер

Sultanmatievkg

2017-05-29 15:22:29

Асел дагы бир балеени баштаганы калды.

Girl1996

2017-05-29 16:22:33

Байкуш үйдөгү аялы, жакшылык каалап жамандыкка көрүп, сыйлп туруп сыйын көрбөй калат тура, аягы жакшылык менен бүтсө экен эми, балдарын жетим кылбай

Erketaiym

2017-05-30 14:13:21

жанындагы досуңдун душман экенин билбей каласын деген чын экен

aiperi9779

2017-05-30 23:20:49

домун ушинтсе душмандын кереги жокко

Stshcksishd

2017-05-31 00:17:09

негизи кыздар арасындагы достукка толук ишенууго болбойт

evra_kg

2017-05-31 08:42:53

Кыздардан кудай сактасын жаман шумшук болушат булар

Girl1996

2017-06-02 15:36:07

evra_kg, Урматтуум, сөзүңүздү ойлоп сүйлөңүз.
Колуңузду карасаңыз, беш манжаңыз тең эмес.

NASIKA96

2017-05-31 17:29:34

Ушундай котур таштарды чооң сайга алпарып салып ийиш керек да кайра жээке чыккыс кылып.

Altynbek-kg

2017-05-31 19:20:58

Аллах ыйман берсин барына.

admin_superstan

2017-06-02 09:51:26

Kommersant, гезитке тиешелүү сын-пикирлер атайын дарекке жиберилиши керек.

Gulia89

2017-06-04 17:05:49

Уяты жок экен Аселдин

Gulia89

2017-06-04 17:06:41

Кудай сактай кор ушундай достон

batyrovaferdaus

2017-06-05 08:31:10

Адмиин биринчиси кайсыл жакта таба албай койдуум

admin_superstan

2017-06-05 09:55:58

batyrovaferdaus, бил шилтеме аркылуу кирип көрүңүз: http://www.super.kg/article/show/40611

Комментарий калтыруу үчүн өз ысымыңыз менен кириңиз же каттоодон өтүңүз.

№ 760, 26-май - 1-июнь, 2017-ж.