Светлана Орозонова: "ЖООПТОРУН ӨЗҮМ ТАПТЫМ"
– Светлана эже, сиз жеңүүчү аталдыңыз! Бул утушка кандайча катышып калдыңыз?
– Чоң рахмат! Мен Ысык-Көл облусундагы Жети-Өгүз районундагы Ак-Терек айылынан болом. 53 жаштамын, 3 балам бар. "Супер-Инфо" гезитин көп жылдан бери калтырбай окуп келем. Биздин облустагылар үчүн өткөрүлгөн мурунку утуш-сынакка жооп жазып жөнөткөнгө жетишпей калгам. Бул жолкусунда жоопторун толтуруп, жиберип койгом. Жоопторду өзүм эле таптым. Гезитти алар замат жылдыз төлгөнү карайм. Ошондой эле турмуш, тагдыр тууралуу макалаларды кызыгып окуйм. Ашкана сырлары жөнүндө макалаларды да калтырбайм. Сканвордду кызыгуу менен толтурам. Кызыктуу макалаларды мындан ары дагы жазып тургула.