Алмаз Шаадаев, ырчы: «МАШИНАМДЫ «АЛТЫШКАМ» ДЕП ЭРКЕЛЕТЕМ»
Адатта көпчүлүк айдоочулар темир тулпарынын тизгинин көп кишиге карматкысы келбейт. Бүгүнкү каарманыбыз Алмаз Шаадаев "унаамды сурагандардын баарына берем. Бул жагынан сараң эмесмин" дейт. "Колум ачык" деген ырчы бизди жоргосу менен тааныштырды.
Унаасы тууралуу:
Үлгүсү – Toyota Harrier Кыймылдаткычынын көлөмү – 2400 см3 Чыккан жылы – 2002-жыл Баасы – Ырчынын айтымында, 3 жыл мурун 9 миң долларга алган Түсү – Асфальт өңүндө Эң жогорку ылдамдыгы – Саатына 180 чакырым
– Алмаз, алгачкы жолу рулду башкаруу бактысы сизге качан буюрду? – 2012-жылы 22 жашымда Nissan Cefiro үлгүсүндөгү унаага отургам. Атам мурун коркуп, балдарына көп машина айдатчу эмес. Биринчи жолу темир тулпардын рулу колума тийгенде Нарындан Бишкекке чейин айдагам. Жанымда атам бар болчу. Өзүмчө коркуп, жеткиче чыкпаган жеримден тер чыккан.
– МАИ кызматкерлери таягын шилтеген учурларда абалдан кантип чыгасыз? – Алар менен мамилем жакшы. Кармалып калганда көпчүлүгү тааныйт, "ээ, Алмаз, тойго чакыралы, "Фаридамды" ырдап бер" деп көбү коё беришет. Мен дагы айткан сөзүмө туруп МАИ кызматкерлеринин тойлорунда кызмат кылып жүрөм. Жол эрежесин атайылап деле бузбайм. Шашып баратып жол чырактын кызылы күйгөнүнө карабай өтүп кеткен учурлар көп болот. МАИ кызматкерлерине көбүнчө ылдамдыкты ашырып жиберген учурда кармалам. Учуруп айдаган ылдамдыгым саатына 180 чакырым болсо, негизи ээн жолдо саатына 140 чакырым менен жүрөм.
– Темир тулпарды ырдап жүрүп алдыңызбы? – Мурунку унаамды 5 миң долларга саттым да, үстүнө акча кошуп ушул машинаны алдым. Көбү эле "машинаңды "Фаридам" ырынын аркасында алдың болуш керек" дешет. Ал ырдын аркасында бизнес ачтым. Ал эми машинаны гастролдордон түшкөн акчага алдым. Кийин жаштар чыгат, бир күнү болбосо, бир күнү "өчүп" калабыз дегендей. Ошондуктан учурдан пайдаланып бизнес ачып алалы дедик.
– Эмне үчүн Toyota Harrier? – Мага негизи эле Toyota үлгүсүндөгү машиналар жагат. Себеби салонунун ичи жумшак, асты бийик болуп жол тандабайт. Машинамды "Алтышкам" деп коём. Көп деле эркелете бербейм.
– Унаа алмаштырганды сүйгөндөрдүн катарын толуктасаңыз керек? – Акыркы 5 жылда 3 эле жолу машина алмаштырдым. 2 жылдан бери дал ушул машинамды алмаштырбай айдап келгенимдин себеби майды аябай аз ичкенинде. Lexus-470, 570 машиналарын деле сатып алсам болмок. Бирок алар майды көп жейт. Көргөзмөгө алып чыкпагандан кийин азырынча ушул машина болот. Күнүмдүк бензиниме болгону 500 сом кетсе, башка досторум унааларына күн сайын 1000-1500 сомго май куюшат. Негизи акжолтой машина, мени бир да жолу жолдо калтыра элек.
– Айдоочулук күбөлүккө качан ээ болдуңуз? – 11-класста окуп жүргөндө эле Нарындан сатып алгам. Анан иш жүзүндө өзүм айдап жүрүп үйрөнүп кеттим.
– Унаанын тазалыгы көп айдоочулар үчүн башкы орунда эмеспи. Сизде кандай? – Машинамды анчалык деле бапестебейм. Бирок бузулган жерлерин убагында оңдотуп турам. Өзүм жууп көрө элекмин. Дайыма унаа жуучу жайга кайрылам. Унаамдын ичине отурган адамдар кысылбай отурушун каалайм. Мисалы, кээ бирлер салондон тамеки чеккиси келиши мүмкүн. Мен андайларды жаман көрүп, тыюу салбайм. Машинамды сурагандар болсо берем, сараң эмесмин. Унаамдын бамперин сүзүп же чийип келишкен учурлар болот. Бирок калыбына келтирип, сырдап жасап беришет.
"Ачкычты машинанын ичине сайып коюп унутуп калган учурлар көп болот".
Алмаз Шаадаев: "МАИ кызматкерлерине тоюңузда ырдап берем деп кутулам"
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (28)
nikowa
2017-06-27 20:04:23
Мактанып эле озунчо эле болбой калды ушул
+2
Nazi_92
2017-06-27 23:17:45
))))
+2
jolbors
2017-06-28 09:16:54
"Жол чырактын кызылы күйгөнүнө карабай өтүп кеткен учурлар көп болот" депсин, бул сенин ГАИлерди гана сыйлабаганын эмес, башка айдоочуларды козуно илбегенин да.
+6
asdef
2017-06-28 09:44:08
2,4 обьем менен 140 менен журуш кыйын го,кыйналып эле журот экен да мотор))))
+2
mir777
2017-07-01 11:31:21
asdef,1.5 менен 150те журушот)))
0
mir777
2017-07-01 11:31:59
asdef, 2,4 240ка чейин чыгат
0
Nurkyz1977
2017-06-28 09:59:15
Сатып алса сатып алдым дейт да,саткандар уялбай сатып алгандар уялыш керекпи,кызык адамдар коп бизде андан коро жакшы тилек,жакшы каалоо жазып койгула андан бир жеринер кемип калбайт. Чындыкты айтса, калп айтса,мактанса болбосо деги элге кандай адам жагат. Жакшы созго жарды болбогулачы мусулман бир туугандар.
+8
Birimdik5555
2017-07-04 02:50:40
Nurkyz1977,+++ ичинде кири жок болгонун болгондой суйлогон бала экен
0
Firdaus-Muslim
2017-06-28 17:06:00
Жакшы маек болуптур, ийгилик.
0
uli01
2017-06-28 22:42:06
эркек чындыкты жашырбай айтыпсын
0
Abdizhapar
2017-06-29 00:45:44
Машинанды алтышка десен машинана эле уйлонуп ал
+3
ernis11998866
2017-06-29 23:56:26
470'570 Lexus албаганын жакшы болуптур ото жпман машина сага жарашпайт
-1
ernis11998866
2017-06-30 00:00:03
Интервью десе оюна келгенин суйлой беришет э тообо бул гезитти бут кыргыз эли окугагы мн иши жок сенин машинан 3 жыл мурун канча турганын баары эле билсе керек иним аман бол бар бол бай бол 570л алып алсан айтип кой
+2
aiman1983
2017-06-30 10:58:12
Сатып алган праваныз менен сатып алган машинениздин аягынан шамал дуулдап ото берсин. Нарында жалан кой эле сатылат экен десе, права да сатылат турбайбы. Дорожные правиланы уйротуу да сатылат бекен?
+1
aiman1983
2017-06-30 11:02:06
Алтышкандын жылы мынча эски 2002 жыл. Жаныраагын минсен жакшы болмок 9000$га
+3
ermek_tagaibekov
2017-07-02 10:34:03
3жыл мурун ушнда еле баа болгон достор мышык майга жетпей сасык дептир болбогула
+1
zhumagul89
2017-07-02 16:05:12
Уялбай эле сатып алгам деп койдуго,сатып алгам деп оз мойнуна алды жоопко тартылабы?
-2
AKCAHAT
2017-08-01 22:00:26
Вообще жакпайт фунчеза деп кудум ушуларды айтасын, чычалап кетишет анан.
0
Комментарий калтыруу үчүн өз ысымыңыз менен кириңиз же каттоодон өтүңүз.
Адатта көпчүлүк айдоочулар темир тулпарынын тизгинин көп кишиге карматкысы келбейт. Бүгүнкү каарманыбыз Алмаз Шаадаев "унаамды сурагандардын баарына берем. Бул жагынан сараң эмесмин" дейт. "Колум ачык" деген ырчы бизди жоргосу менен тааныштырды.
