Модель, актриса Аида Даниярова жакында кайрадан наристе жытын жыттамакчы. Ушул убакка чейин кош бойлуу экенин ийгиликтүү жашырып жүргөн актриса: "Жолдошум экөөбүздүн экинчи ирет наристе күтүп жатышыбыз. Улуусу кыз, бирок бул жолу жарыкка келе турган ымыркайыбыздын уул же кыз экенин билбегенибиз туура деп чечтик, сюрприз болсун",- деп кубанычы менен бөлүштү. Эске салсак, Аида "Салам, Нью-Йорк!", "Апамды издеп" тасмаларына тартылган, өлкөдөгү ийгиликтүү моделдердин бири.