ДҮЙНӨ ЧЕМПИОНДУГУНА АЛГАЧКЫ ТАЛАПКЕРЛЕР АНЫКТАЛДЫ

2018-жылы Орусияда боло турган футбол боюнча Дүйнө чемпиондугунун алгачкы катышуучулары аныкталды. Тайпалык тандоо турларынан ийгиликтүү өткөн 8 өлкөнүн курама командаларынын тизмеси 5-сентябрда жарыяланды. Дүйнө чемпиондугуна Азия континентинен Иран, Түштүк Корея, Япония жана Сауд Арабиясы жолдомо алса, чемпиондук өтүп жаткан Орусия да бул мүмкүнчүлүккө жетишкен. Ошондой эле Латын Америка континентинен Бразилия менен Мексика өз тайпаларынан ийгиликтүү түрдө лидерликке жетишкен. Ал эми Бельгиянын курамасы Грецияны 2:1 эсебинде жеңип, Дүйнө чемпиондугуна карай жол тарткан. Борбордук Азиядагы күчтүү эсептелген Өзбекстан курамасы чечүүчү оюнда Түштүк Корея менен тең ойноп, Дүйнө чемпиондугуна жолдомо албай калды.Айта кетсек, футбол боюнча 21-Дүйнө чемпиондугу 2018-жылдын 14-июнунан 15-июлуна чейин болот.

Бектур Токтоноев
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Dembele84

2017-09-13 00:11:38

Аргентина кыйын абалга туш болуп турат.Месси Россияга келбей калышы да ыктымал.

Rozali966

2017-11-02 23:12:33

Дүйнөлүк чемпионатта Бразилия сөсүз жеңишке жетет

Комментарий калтыруу үчүн өз ысымыңыз менен кириңиз же каттоодон өтүңүз.

№ 775, 8-14-сентябрь, 2017-ж.