«МУРАС» АНСАМБЛИ ЭЛ АРАЛЫК ФЕСТИВАЛДАН БАЙГЕЛҮҮ КАЙТТЫ

Өзбекстандын Самарканд шаарында өткөн XI эл аралык «Шарк Тароналари» салттуу музыка фестивалында кыргызстандык «Мурас» фольклордук ансамбли экинчи орунга ээ болушту. Аталган фестивалга 58 мамлекеттен 280 өнөрпоз катышкан. Сынакка катышкан «Мурас» ансамблинин мүчөсү, атактуу музыканттар Ишенбек Календаров менен Гүлзат Байзакованын уулу Эмилбек Ишенбек уулу буларга токтолду:
«Сынакта биз «Койчулардын коңур күүсү», «Эсимдесиң», «Чайкама» жана «Жаңылык» деген күүлөрдү темир, жыгач, ооз комузда аткардык. Калыстар тобунун айрым мүчөлөрү ордунан туруп кол чаап, жылуу кабыл алышты. Сынактын жыйынтыгында 2-орунду багындырып Ардак грамота жана 5000 доллар акчалай байге алдык. Буга чейин аталган фестивалга Кыргыз жергесинен барган өнөрпоздор байгелүү орундарга илинбеген экен. Биздин жеңишибиз эң алгачкысы болду. Бул жеңишибизди биз арабыздан өтүп кеткен досубуз, комузчу Канат Токтобек уулуна арнайбыз».

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

nur72

2017-09-12 17:07:52

сыйлык кут болсун

altynaiB

2017-09-15 10:58:53

Азаматсынар онорунор оркундоп коптогон чет олколордо эн алдынкы орундарды алып Кыргыз атын даназалап Кыргыз желегин желбирете бергиле. Мына ушундай онорпоздопго бергиле наамдарды грамоталарды. 58мамлекеттин ичинен экинчи орунду алыш оной эмесда.

Комментарий калтыруу үчүн өз ысымыңыз менен кириңиз же каттоодон өтүңүз.

№ 775, 8-14-сентябрь, 2017-ж.