ЖАНАР АКАЕВ ТАЗА ШАЙЛООНУ ТАЛАП КЫЛАТ

12-сентябрда Бишкекте «Таза шайлоосуз таза коом жок» аттуу жарандык кыймыл түзүлдү. Мындай демилге коомдук жана саясий ишмерлер тарабынан сунушталды. Анын курамына экс-президент Роза Отунбаева, легендарлуу парламенттин төрагасы Медеткан Шеримкулов, мурунку өкмөт башчылар Апас Жумагулов, Феликс Кулов, экс-спикерлер Абдыганы Эркебаев, Зайнидин Курманов, парламенттин экс-депутаты Равшан Жээнбеков жана башкалар кирди. Аталган кыймыл шайлоону таза жана демократиялуу өткөрүүнү, үгүт ишинде мыйзамдуулукту сактоону, талапкерлерге бирдей шарт түзүүнү талап кылып, калк арасында түшүндүрүү иштерин да жүргүзөт.
«Таза шайлоосуз таза коом жок» кыймылынын максаттарын коомчулукка жайылтуу милдетин парламент депутаты Жанар Акаев моюнуна алды. Депутаттын айтымында, алгачкы түшүндүрүү иштери Баткен облусунан башталат.

Бектур Токтоноев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 776, 15-21-сентябрь, 2017-ж.