«МУНАБИЯ» ТАСМАСЫНЫН ДҮЙНӨЛҮК БЕТ АЧАРЫ КОРЕЯДА ӨТӨТ

Кинорежиссёр Таалайбек Кулмендеевдин «Мунабия» тасмасы Түштүк Кореянын Пусан шаарында өтө турган 20-эл аралык кинофестивалда көрсөтүлөт. Тасмада Мээрим Атантаева, Назым Мендебаиров, Улан Султангазиев, Сакен Карабаев, Гүлзинат Суранчиева жана башкалар роль аткарышкан. Режиссёр тасма тууралуу буларга токтолду: «Тасма Казат Акматовдун «Мунабия» чыгармасынын негизинде тартылды. Бул чыгарманын жаралуу тарыхы жөнүндө агай менен көзү тирүүсүндө сүйлөшкөн болчумун. Агай «СССР учурунда карачай улутундагыларды Көлгө көчүрүп барышкан. Бир канча убакыттан кийин алар кайра көчүп кетишет. Бирок арасынан бир кыз көчпөй жашап калат. Анын үй-бүлөсү бар кишини сүйүп кетпей калганын кийин түшүндүм. Чыгарманы ошол окуянын негизинде жаздым» деген эле. Жазуучу ал каарманын Мунабия деп атаган. Кийин өзүнүн кызынын атын да Мунабия койгон болчу. Тилекке каршы, кызы 17 жашында жол кырсыгына кабылып каза болуп калбадыбы.
Кино чыгармадан бир аз башкачараак. «Мунабия» фильминин дүйнөлүк бет ачары 13-19-20-сентябрь күндөрү Пусан шаарында өтөт. Бул кыргыз киносунун атын чыгаруу максатында жасаган иш-аракетибиз».

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

ainur78007

2017-09-19 13:57:29

Жакшы чыгарма,20жыл мурун аябай кызыгып окудум эле.Тасмасын чыдамсыздык менен кутом.

s9zen098

2017-09-20 15:04:58

Ушул китепти коптон бери таппай жаром.

karakyz23

2017-09-23 14:05:07

Ооба,жакшы чыгарма.

taalay25

2017-09-26 07:05:34

1-курсумда окугам. Жакшы чыгарма. Казат Акматов озунун бир маегинде
-"Менин жана Казак жазуучусу Мухтар Шахановдун жубайларыбыздын боюнда болуп калды. Мукем экообуз, аялдарыбыз экоо тен уул торосо дос, бири уул бири кыз торосо куда болобуз деп атташтык. Кийин менин аялым биринчи тороп Мукеме суйунчулоп атын Сайкал койгону атам десем Мухтар Шаханов "Кой башка ат кой,эртен келинибизби биз кантип Сайкал демек элек", дейт. Аяш кыз торосо кандай болот?-десем -Жок уул торойт-деп б

Комментарий калтыруу үчүн өз ысымыңыз менен кириңиз же каттоодон өтүңүз.

№ 776, 15-21-сентябрь, 2017-ж.