Кайсы бир мырзага көрктүү жамбаш жакса, кайсы бирине узун буттуу айымдар жагат. Бирок эч кимиси бөдөнө тумшук мамактан көзүн качыра албай, колдору өзүнөн өзү кыбырап, кармалоого ашыкса керек. Эмчек аялдардын аялуу дене мүчөсү болгондуктан, сексолог-эксперттер, физиологдор ага аяр мамиле жасоону эскертишет. Алар эмчекти туура укалоо, кармалоо менен төшөктөгү өнөктөштү кумардын туу чокусуна чыгаруу мүмкүн экендигин айтышат. Бул эмчектин үрпүнүн алдында жайгашкан эрогендик зонадагы ткандар жатындагы булчуңдар менен тыгыз байланышта экендиги менен түшүндүрүлөт. Эмчекке кантип туура мамиле жасоо керек? Адистердин кеңешине кулак салалы.
ЭЗГИЛЕБЕҢИЗ
Эске алыңыз, сиздин сүт эмген дооруңуз эбак бүткөн. Андыктан ач калган баладай болуп өнөктөшүңүздүн эмчегине дароо жабышпаңыз. Эмчек аялдардын аялуу дене мүчөсү болгондуктан, аны балдардын чыйпылдак оюнчугундай кылып каалагандай эзгилеп, катуу тиштегилөөгө болбойт. Бул нерсени көпчүлүк айымдар анча жактыра беришпейт. Өнөктөштү дүүлүктүрүүнү эмчектен эмес, дененин сырткы бөлүгүнөн, бетин сылоо, алкымынан жыттоо, колунан кармалоо сыяктуу ыкмалар менен баштасаңыз оң. Эгер түгөйүңүз башын көкүрөгүңүз тарапка буруп, жөлөсө, анда сизге аялуу жакка «кол салууга» жол бергендиги.
АРТЫНАН КУЧАКТАП, АНАН КАРМАЛАҢЫЗ
Далысы тараптан колуңузду сунуп түгөйүңүздүн эмчегин кармалаңыз. Мындай ыкма бардык айымдарга жана сизге да жагары талашсыз. Бир эле учурда аны кучактап, эмчегинен кармалап, алкымынан, чачынан жыттап, далысынан өпкүлөп, дүүлүктүрүүгө жетишесиз.
ЧЕКТИ САКТАҢЫЗ
Алгач эмчекти сыртынан, андан соң төмөнкү бөлүгүнөн, капталдарынан кармалап, тегиз сылаңыз, колдун учу менен тегерете спирал түрүндө укалаңыз. Манжалардын учун жамгыр жаап өткөндөй дыбыратыңыз. Эмчектин бул бөлүктөрү сезимтал болгондуктан, үрптүн алдында жайгашкан эрогендик зонанын дүүлүгүүсүнө түрткү берет. Качан аял дүүлүккөндө эмчегине кан тээп, торсоюп чыкканда гана аны өпкүлөп, кармалап, акырын укалоого өтсөңүз болот. Бул ыкма менен аялдын жыныс кынындагы кандын айлануусу жакшырып, дүүлүгүү күчөйт. Баса, айымдардын эки эмчеги бар экенин эсиңизден чыгарбай, экөөнө тең көңүл бурууга аракеттениңиз.
ҮРП ТУУРАЛУУ
ҮРПҮ ЧОҢДОР
Эмчегинин үрпү чоңдор аябай сезимтал келишет. Алардын үрпүнө дароо асылбай, жогоруда айтып өткөндөй, анын тегерек четинен кармалап баштоо керек.
КИЧИНЕКЕЙ ҮРП
Үрп канчалык кичинекей болсо, сезимталдыгы ошончолук аз. Андыктан эрогендик зонасы жайгашкан эмчектин ареолун жардамга чакырууга туура келет.
БАЛА ЭМИЗГЕН ЭНЕНИН ҮРПҮ
Төрөттөн кийин эненин үрпү карарып, жумшак тартат. Бул табияттан ыроолонгон белги, аны баланы эмизүү үчүн даярдайт.
ҮРПҮ ЖОК ЖЕ КӨР ЭМЧЕК
Мындай эмчек аялдардын 3 пайызында кездешет. Анткен менен сезимталдыгы боюнча башкалардан көп айырмачылыгы жок.
ЭМЧЕКТИН ӨЛЧӨМҮН АНЫКТА
Көпчүлүк мырзалар түгөйүнөн «сенин эмчегиң канчанчы өлчөмдө?» деп суроодон тартынышат. Ал гана эмес, статистика боюнча, аялдардын 58 пайызы өз өлчөмүн так билишпейт экен.
Кивинин көлөмүндөй – 0-өлчөмдөгү эмчек.
Алманын өлчөмүндөй – 1-өлчөмдөгү эмчек. Алакан менен толук жабылат.
Апельсиндей – 2-өлчөмдөгү эмчек.
Грейпфруттун көлөмүндөй – 3-өлчөмдөгү эмчек. Идеалга жакын эмчек катары эсептелет.
Көлөмү өтө чоң эмес кокостой – 4-өлчөмдөгү эмчек.
Ананастын көлөмүндөй – 5-өлчөм. Эгер бюстгальтери формага кармап турбаса, башкача элестетүү мүмкүн.
Андалектей – 6-өлчөм. Эмчекти расмий түрдө классификациялоо ушул жерден аяктайт. Мындан жогорку көлөмдөгүлөрдү пластикалык хирургдан суроого туура келет.
ЭМЧЕК ТУУРАЛУУ КЫЗЫКТАР
Астра Айдарова
erotika@super.kg