ӨЗ БАЛАСЫН ӨЛТҮРҮП, ТАШТАНДЫГА ЫРГЫТЫП САЛГАН АЯЛ КАМАКТА АСЫНГАН АБАЛДА ТАБЫЛДЫ

14-сентябрь күнү эртең менен Бишкек шаарындагы таштанды таштоочу челектен жаңы төрөлгөн ымыркайдын жансыз денеси табылган. Наристе жарык дүйнөгө келери менен өлтүрүлүп, андан соң ташталганы аныкталган. Бир жумадан соң ымыркайдын өлүмүнө шектүү катары анын энеси кармалган.

ӨЛТҮРҮЛГӨН ЫМЫРКАЙ ТАШТАНДЫДАН ТАБЫЛГАН

Ушул жылдын 14-сентябрь күнү саат 10:30 чамасында милиция кызматына Бишкек шаарынын Кустанай менен Астрахань көчөлөрүнүн кесилишиндеги таштанды таштоочу челектен эркек ымыркайдын жансыз денеси табылганы тууралуу маалымат түшкөн. Ал жерге барган милиция кызматкерлери жаңы төрөлгөн ымыркайдын мыкаачылык менен өлтүрүлгөн жансыз денесин табышкан. Ымыркайдын энесин табуу, анын качан төрөлгөндүгүн, ким өлтүргөндүгүн аныктоо боюнча иликтөө иштери башталып, тиешелүү соттук-медициналык экспертизалар дайындалган. 22-сентябрь күнү милиция кызматкерлери тарабынан ымыркайдын өлүмүнө шектүү катары анын 30 жаштагы энеси, М.М. аттуу Нарын облусунун тургуну кармалган. Бишкек ШИИББинин маалымат кызматынын билдиришинче, кылмышка шектүү ымыркайды үйүндө жалгыз төрөгөн. Андан соң баланы бычактап өлтүрүп, жансыз денесин халатына ороп ыргытып жиберген.

АЯЛДЫН ӨЛҮМҮН ПРОКУРАТУРА ИЛИКТӨӨДӨ

Бул кылмыш боюнча Ленин РИИБинин тергөө бөлүмү тарабынан Кылмыш-жаза кодексинин 100-беренеси (эненин жаңы төрөлгөн баласын өлтүрүшү) боюнча кылмыш иши козголуп, тергөө иштери башталган. Кылмышка шектелип кармалган аял буга чейин психикалык жактан оорубаганы аныкталган. Ошондой эле өлтүрүлгөн ымыркай кылмышка шектүүнүн тун наристеси жана ал баланы бага албастыгынан улам ушул кадамга барганы жана ал ошол учурда үйүндө жалгыз болгону белгилүү болгон. Кылмышка шектелип кармалган аял Бишкек ШИИББинин убактылуу кармоочу жайына киргизилген. 23-сентябрь күнү ал камерада өзүнүн жоолугуна муунуп асынып алганы айтылды. Учурда кылмышка шектелип кармалган аялдын өлүмү боюнча Бишкек шаардык прокуратурасы тарабынан иликтөө иштери жүрүп жатат.

Айсалкын Качкынбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (25)

Lekarstvosvoegomuja

2017-10-03 11:51:38

Атасычы атасы? Ата сооройун издешпейт экенби

+36

Asyl10

2017-10-03 13:14:07

Lekarstvosvoegomuja, Туура айтасыз, атасын да издеп ДНК менен аныктап жоопко тартуу керек, анткени дайыма аялдар эле куноолуу болуп чыга келишет. Эки жак тен куноолуу,экоо тен жазасын алыш керек.

+28

ilgis1991

2017-10-03 13:38:57

Asyl10,эн туура биринчи аялга тийишкен нааданды таап.анан элге салыш керек.Болбосо никесиз торолгон ымыркайлар ушинтип оло беришет.

+20

PROS

2017-10-03 17:46:31

Asyl10,ДНК менен Кыргызстандан аныктай албайт. Россиядан ДНК кылганга туура келет, чыгымын ким төлөйт? Мамлекетпи? Мам. кызматтагыларды билесиң шалаакылар экенин.

+13

gordaya

2017-10-08 22:08:19

PROS,днк мн табышат эле, 7мкр до керек болсо боюнда бар кезинде да билсе болот

aylun

2017-10-04 19:00:44

Lekarstvosvoegomuja, атасы мага айткан эмес, айтса таштаиак эмесмин деп коет. Бутту!

sabina90

2017-10-03 13:29:24

Бироого зар,бироого кор бала аттин,тырнакка зарлар канча?мен уулга жетпей журом,бирок уч кызым бар Аллага шугур!!!

+14

KARMEN

2017-10-03 14:21:24

Ушудан коро туйулдук кезинде арылса болмок да эне соорой.

Djal1987

2017-10-03 15:40:31

Атамын таапкыла

Daiis

2017-10-03 15:47:59

Баласынын атынан кеткен тура...

ELIMA91

2017-10-03 18:02:26

Кантип наристесин бычактады, кантип журогу чыдады акмактын эне болбой калгыр балага зарлар толтура берсе болмок! Журогум тилинип атат эстеген сайын!

Benazir08

2017-10-03 19:15:42

Билбейсинер да кыска ойлук бп жигитке алданды ан боюнда бп торобосом болбойт деп тороп озу торогону тан калтырып атат. Анан кайра кантип багам деп олтуруптур да бирого берсе деле акыры барып бары бир талашмак. Лучше бозубаф эле меж кылып журо бербептир

-5

meni_kut

2017-10-03 23:04:19

Benazir08,меж кылдырып конуп калгансынго

Swallow

2017-10-03 23:39:36

Benazir08,меж дегенин эмне?

-1

aiba-889290

2017-10-04 00:28:54

Swallow,междуног(киргизбей сыртынан ышкаламай)(чатка урмай)(2 сандын ортосуна кошулуу)

-5

jojotai

2017-10-04 14:12:38

Астафирллах...!

jojotai

2017-10-04 14:13:00

АстафирАллах...!

Nanei

2017-10-04 15:05:55

Чон эле аял экен 30ка чыгып калган.

-1

Jenat

2017-10-04 18:43:20

Бироого кор Бала , бироого зар Бала . Балалуу боло албай жаткан адамдарга берип салбайбы олтургондон коро.

dinara7684

2017-10-05 11:34:47

Эркектин биринчи аялы олтуртподубу 2 оону уул торой албаган катын коро албастык кылып,атасын издешпейби озу ала албаса камсыздабайбы.Эмне дешти билбейсин...

-1

AKCAHAT

2017-10-05 14:35:07

Мындай окуялар толтура просто бул кыз билбей айынан отуп кеткен же акчасы болбой калган убагында абортко. Кыргызстандагы эн кенен тараган классикалык тема ал эми эркеги бир жерин туйуп качып ийген.
Акырында кыз шерменде)))

doni-beku

2017-10-06 10:29:21

Туура тозоко баратко чиркин

-1

Medina87

2017-10-06 22:00:55

Маркумдун жаткан жери жайлуу болуп, АЛЛА кетирген куноосун, кылган кылмышын кечирсин!
Балким, бул келинчек ширин созго алданып кошулууга макул болгондур...
Неси болсо да маркумдун сыры озу менен кетти.

Комментарий калтыруу үчүн өз ысымыңыз менен кириңиз же каттоодон өтүңүз.

№ 778, 29-сентябрь - 5-октябрь, 2017-ж.