реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

КОЛ МЕНЕН СҮЙЛӨП, ЖҮРӨК МЕНЕН УГУУ. Өзгөчө балдарды тарбиялагандардын баяны

№779 6-12-октябрь, 2017-ж.


Алар сырткы дүйнөнү көзү менен кабыл алып, жүрөгү менен угушат. Алар башка адамдарга караганда жашоонун айрым мүмкүнчүлүктөрүн пайдалана алышпайт. Мындай кулагы укпаган балдарга дүйнөнү тааныштырып, жашоого үйрөткөн мугалим, тарбиячылардын кесип жолуна баш бактык. Каармандарыбыз дүлөй балдардын республикалык атайын жалпы билим берүүчү мектеп-интернатынын мугалими Валентина Уркасымова жана тарбиячысы Чынара Мурадилова. Мектеп-интернатта учурда 300 бала билим алат. Башка мектептердегидей ызы-чуу жок, бул мектептин коридорлорунда тынчтык орун алган.

«ЖЫЛДАП БАЛДАРЫНА КЕЛБЕГЕН АТА-ЭНЕЛЕР БАР»

Валентина Уркасымова, олигофренопедагог, логопед:
– Бул мектепте мугалим болуп иштеп жатканыма 32 жыл болду. Балдарга болгон сүйүүм үчүн кесибимди жакшы көрөм. Ар кандай балдар окуйт. Атайын жардамчы класстар бар. Ал класстарда бир канча дефекттери менен, араң басып келгендер бар. Көрүп жүрөгүм ооруйт. Бул балдардын жан дүйнөлөрү таза, эч нерсени жашырганды билишпейт. Болуп жатканды, үй-бүлөсүндө ким кандай мамиле кыларын, баарын бизге айтып беришет. Ошондуктан жакшы тааныйбыз, абалдарын жакшы түшүнөбүз. Үйдө көпчүлүк ата-энелери тилдерин түшүнбөгөндүктөн жана бул жактан өздөрүнө окшош адамдар менен баарлашкандыктан мектеп өздөрүнүн дүйнөсүндөй болуп калат, мектепке качышат, каникулдарда да келип турушат.
Биз бардык көйгөйлөрүн угуп, жардам берип, багыт беребиз. Ошондуктанбы, мугалимди сыйлашат, ата-энелериндей жакын болушуп жакшы көрүшөт.
Көпчүлүгү өнөрлүү. Сабактан кийин ийримдерге барышат. Бий, теннис, шахмат, шашкиден жана башка тармактардан сынактарга катышып ийгилик жараткандар, чет жактарга барып келгендер бар. Менин классымдагы Артур Керимкулов мүмкүнчүлүгү чектелгендер арасында Азиянын шахмат чемпиондугунда 2-орунду алып келди. Аябай сүйүнүп, “менин жеңишим тууралуу баарына айт" дейт мага.
Ар кандай ата-энелер бар. Кээ бир ата-энелер келип сабакка катышып, балдарын сурап турушат. Жылдап келбей койгондор да бар. Куралдарды, кийимдерди алып бербей көңүл бурбагандар бар. Такыр каралашар адамы жок 2 бала окуйт. Бирөөнү милиция кызматкерлери алып келишкен. Бирөөсүнөн ата-энеси баш тартып койгон. Ата-энеси көңүл бурбай койсо балдар депрессияга кабылышат. Үйүнө жуманын аягында гана эмес, каникулдарда да алып кетпей койгондор кездешет. Андай окуучулар ыйлашат, сабакка да көңүл бурбай, айланасындагыларга орой мамиле жасай башташат. Бул учурда туугандарына, ата-энесине чалып айтабыз. “Жумуштамын, бошобой жатам” деп кыйын болгондор бар. Баарыбыз эле жумуштабыз да, балдарга көңүл буруш керек. Балдар мээримге, көңүл бурууга муктаж экени баарыбызга маалым. Андыктан убакыт табуу ата-эненин колунда. Окуучуларым башка адамдар келип көңүл бурушса да сүйүнүшөт. Сиз келгенден бери “аты ким экен?” деп сурап жатышат менден, “сүрөткө тартып жатат” деп да кубанып жатышат.
Мектепти бүтүп кеткенден кийин коомго аралашуу бир аз кыйын болгону менен, бат эле көнүп кетишет. Мектепте кыздарга кийим тигүү, эркек балдарга эмерек жасоо сыяктуу келечекте турмуш-тиричиликке керектүү, каражат табууга жардам берчү өнөрлөр үйрөтүлөт. Мындай кызматкерлерге өлкөдө талап көп болгондуктан, жумушсуз калышпайт. Мындан сырткары кыздар сулуулук салондорунда иштешет. Жеке ишкерлик менен алектенгендери бар, унаа айдагандарды көрүп мен да таң калдым.
Бүтүрүүчүлөр дайыма майрамдарда келип бизди куттуктап турушат, эч унутушпайт. Мугалимдердин күнүндө да дайыма гүлдөрүн, белектерин көтөрүп келип кетишет. Бул бизди кубандырат. Үй-бүлө курууга келгенде, көбүнчө бири-бири менен баш кошушат. Айрым учурда алардын балдары да угуусу начар болуп, бизге келип окушат.

«БАЛДАР ЫЙЛАБАСА ЭКЕН ДЕЙМ»


Чынара Мурадилова, тарбиячы:
– 61 жаштамын. Бул мектепте иштегениме 10 жылдан ашты. Балдар жатып окушат. Сабактарынан кийин биз менен болушат. Биз жашоого үйрөтөбүз десек болот. Мектепке чейинки даярдоочу класска келгенде эч нерсени билбей келишет. Кийимин кийгенинен баштап өзүн алып жүрүүгө чейин үйрөтөбүз. Гүлгө суу куйганды, кийимдерин үтүктөгөндү, чачын тараганды, тазалыкты, тыкандыкты сактаганды, айтор, баарын көрсөтүп, өз алдынча жашоого даярдайбыз. Айрым ата-энелер жакшы, балдарына каралашып бизге жардам беришет. Айрымдар келбей коюшат, балдары сагынып ыйлашат. Аларга ата-энесиндей мээрим бергенге аракет кылабыз. Бул мектепке келгенче Нарында мектепте 35 жыл мугалим болуп иштегем. Кадимки мектептин окуучуларына караганда бул балдар аракетчил, баарын үйрөнгүлөрү келет. Ички дүйнөсүн да толук түшүндүрө алышпайт, бирок аракеттери жакшы.
Балдарына келбей койгон ата-энелерге таарынгым келет. Баланы караш, ата-энелик милдетти аткарыш керек. Туура, иштөө зарыл, үйүндөгү башка балдарын багышы кажет. Бирок башка балдары менен кулагы укпаган баласы окшош эле да, эне болгондон кийин баарына бирдей мээрим төгүшү керек деп эсептейм. Балдарына бир нерсе керек экенин айтсак, биз алып жаткандай жаман көргөндөр кездешет. Андайларга жалдырагым келбей көбүнчө майда-чүйдөнү өзүм алып берип коём. Каникулга таратып жатканда да кайра-кайра чакыртып жатып, айттырып жатып алып кеткендер бар. Жаның кейийт, жиниң келет. Биз балдарды караганга милдеттүүбүз. Бирок ата-эненин орду башка, өзүнүн үйүнүн орду башка. Майрамдарда алып кетип, өз колу менен тамак берип, бир нерсе алып берип койсо, балдар кубанып калышат. Бул балдар биздин жашообуздун бөлүгү болуп калды. Кубанса кубанып, ооруса кейийм. Кээде тентек балдарды урушам, анан "ал бала таарынган бойдон калды" деп үйгө барып алып кечке ойлоном. Балдар ыйлабаса экен дейм.

Мектепте кыздарга кийим тигүү, балдарга эмерек жасоо өнөрлөрү да үйрөтүлөт.


Перизат Музуратбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
10.10.2017. 15:59 
Тайпасы:
Жаран
Комментарийлердин саны:
1
Катталган:
12-07-2015
Соӊку аракети:
22-10-2017 23:55
Жынысы:
Белгисиз
+6
Окуп чыгып,ушундай туйшуктуу кесипти аркалап,мумкунчулугу чектелген балдардын келечекте коомдо оз ордун табышына жардам берген адамдарга чынында ыраазы болуп таазим кылгын келет экен...
Atlantida. түзөттү 2017-10-10 15:59:43
10.10.2017. 16:23 
Тайпасы:
Жаран
Комментарийлердин саны:
54
Катталган:
19-08-2016
Соӊку аракети:
22-10-2017 15:56
Жынысы:
Белгисиз
+6
Сиздерге Алла ыраазы болсун,ишиниздерге ийгилик!!!
Эч бир бала ата эненин мээримине зар болуп ыйлабаса экен...ар биринерге Кудайым ден соолук, бакыт таалай,узун омур берсин
10.10.2017. 17:21 
Тайпасы:
Конок
Комментарийлердин саны:
15
Катталган:
13-08-2017
Соӊку аракети:
22-10-2017 21:35
Жынысы:
Белгисиз
+1
Ишиниздерге ийгилик рахмат сиздерге дуйнодо балдар оорубаса экен
10.10.2017. 19:47 
Тайпасы:
Жаран
Комментарийлердин саны:
8
Катталган:
20-05-2017
Соӊку аракети:
23-10-2017 02:03
Жынысы:
Белгисиз
+7
Каяктагы балашка,балапан,жаш катындарга наамдарды бербей,мына ушундай азыркы замандын даана баатырларына бериш керек наам дегенди,эки дүйнөдөгү болгон жакшылыктарды каалайм силерге тарбиячылар.
10.10.2017. 20:32 
Тайпасы:
Жаран
Комментарийлердин саны:
51
Катталган:
20-11-2010
Соӊку аракети:
20-10-2017 09:10
Жынысы:
Белгисиз
+2
asanova1984aida, 100% кошулам
11.10.2017. 20:19 
Тайпасы:
Жаран
Комментарийлердин саны:
4
Катталган:
22-04-2017
Соӊку аракети:
22-10-2017 16:07
Жынысы:
Белгисиз
+1
Кудайым ыраазы болсун сиздерге,ушул балдарга Ата энесине Караганда сиздер чыдайсыздар!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19618;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда:
0,27493190765381