Кыргыз шоу-бизнесинин таланттуу өкүлү, Кыргыз Республикасынын Эмгек сиңирген артисти, "Евразия жылдызы" Гүлжигит Калыков уулдуу болду. 12-октябрда саат 10:00дө жарыкка келген наристе атасына болуп көрбөгөндөй сүйүнүч тартуулады. «Түш көргөндөй эле болуп жатам. Түшүм болуп калбаса экен деп өзгөчө толкундоолор кучагындамын. Уулумду көкүрөгүмө жаткырышканда жашып да алдым. Кулагына өзүм билген сүрөөлөрдү окуп, балама ысым ыйгардым. «Ушул атты койгону жатам» деп күн мурунтан ата-энем менен кеңешкем. Көз тиет дебейинби, атын азырынча айтпай турайын. Уулумдун салмагы 3 килограмм 800 грамм, бою 53 сантиметр. Учурда эне, баланын ден соолугу жакшы»,- дейт ырчы. Уулуңдун бешик боосу бекем болуп, эл керегине жараган уулдардан болсун!