Боинг кырсыгынын жабырлануучусу: «КАРЫНДАШЫМДЫ ТОПУРАК АЛДЫНАН СУУРУП ЧЫКТЫК. АРАСЫНДА ИЧЕГИЛЕРИ ЧУБАЛЫП КАЛГАНДАР ДА БАР ЭЛЕ»

2017-жылдын 16-январында бейпил жаткан айылдын башына кырсык келип, 39 кишинин өмүрүн алып, 23 үйдү жараксыз абалга кептеген. Жакындарын жоготкон адамдардын жарасы алиге чейин айыга элек. Каза болгондордун ар биринин өзүнчө тагдыры, максаты бар эле. Кырсыкта карындашынан айрылган Урмат Исаков ал күндү төмөнкүчө эскерди.

«УРАНДЫНЫН АЛДЫНДА КАЛГАН ЖЭЭНИМДИН ҮНҮ УГУЛУПТУР»

– Бул кырсыкта мен карындашым Гүлжанды жоготтум. Кичинекей баласы менен сөөгүн топурак алдынан чыгардык. Ошол күндү эстесем ушуга чейин жаман болом. Саат канча экени эсимде жок, али таң агара элек маал болчу. Алыстан жапжарык болуп келип эле дүң деген үн чыкты. Терезени карасам кошуналар жүгүрүп жүрөт, үйлөр кыпкызыл болуп күйүп жатты. Менден бир аз алыс жашаган карындашым Гүлжан үй-бүлөсү менен эсиме түшүп, кийинбей эле жүгүрүп чыктым. Учактын вентилятору жерде жатыптыр, ага чалынып жыгылып кыр сөөгүмдү оорутуп алдым.
Карындашымдыкына жетип келсем үйү жалбырттап күйүп жатыптыр. От деген жаман экен, эч бирибиз киргенге даай албай койдук. Сыртта карындашымдын эки баласы жылаңач отурушуптур. Кайра үйгө чуркап барып эле кийим алып келе калдым. Карындашым менен кичинекей баласын таппай «жок эле, жок» болуп, издеп жаттык. Жарык кирип калганда өрт өчүргүчтөр, «Тез жардам», ӨКМнын адамдары, Дача-СУнун соо калган тургундары келип каза болгондорду алып чыгып тизе башташты. Аябай жаман көрүнүш. Биринин ичегиси чубалып жүрөт, биринин жартысы күйүп калган, биринин колу-буту... Айтор, алаамат болгондой болду. Баарын жүктөп шаарга алып кетишти. Анан моргдон карындашым менен баласын таап, Кочкорго алып барып жерге бердик.
Күйөөсү таң атпай от жагып жаткан экен, ал үйдүн сыртына ыргып кетиптир. Үйдө карындашым, үч уулу, иним бар экен. Учак келип үйдү талкалап өткөндө баары эле топуракка аралашып калыптыр. Иним өзү эптеп чыгып, бир жээнимди топурактын арасынан сууруп чыгыптыр. Анын бети, кулагы күйүп, ооруканага жатып чыкты. Экинчи баласы топурактын алдында калыптыр. Экөө топурактын алдын казып издеп жатышса «ы-ың» деген эле үн чыгат. Көрсө, экинчи жээним топурактын алдында басылып калыптыр. Ошол үндү уга калып казып жатып экинчисин аман чыгарып алышыптыр. Ошентип эки баласы аман калып, үчүнчүсү, мектеп босогосун жаңы аттаганы жаткан уулу апасы экөө каза болду.

«ЖАҢЫ ҮЙҮНӨ БИР КЫШ ДА КЫШТАБАЙ КАЛЫШТЫ»

– Мындай кырсык эч кимдин башына келбесин. Бул жерге 2016-жылы эле көчүп келишкен, жаңы үйүнө бир кыш да кыштабай калышты. Балдары жаман болушту. Жээндерим бири 11-класс, экинчиси 9-класста. Апасын эстеп куран окуп, «апам болсо баары башкача болот эле» деп ыйлап алышат. Ары-бери өтүп мен да эстеп жаман болом. Үйү пайдубалынан бери жок, сапырылып эч нерсе калбаптыр.
Карындашым атасынын жакшы көргөн кызы болчу. Колу ушунчалык жөндөмдүү эле. Бир нерсени карап туруп эле окшоштуруп тигип бере салчу. Тигүүчү болуп иштечү, үйгө да буйрутма алчу. Учак түшөрдүн алдында эле кичинекей балама тумак тигип барыптыр. Улуу балам болсо Жаңы жылда «Зорро» болуп кийинип бармак. Биздин колубуз бошобой, базардан кийим алып бере албай калдык. Сабактан кирип келе жатып эле Гүлжан эжесине кирип «мага ушул форма керек болуп жатат» десе жарым сааттын ичинде тигип кийгизип коюптур. Үйгө «эжекем тигип бере салды» деп сүйүнүп келген. Аябай эмгекчил жан эле, жалаң колунун жөндөмү менен балдарын багып, эч нерседен кем кылган жок. Ар бир баласына өз-өзүнчө тамак жасап бакчу.
Мамлекет бөлүп берген акча калыс эле тийдиби билбейм. Күйөө балам алса керек. Учурда шаарда жашашат. Жээндерим менин колумда болчу, жакында эле шаарга атасына кетишти.

«УЧАК КЕЛЕ ЖАТСА БИЗ ЭМЕС, МЫШЫК КИРЕРГЕ ЖЕР ТАППАЙ КАЛАТ»

Дача-СУ аймагында учурда тургундар жашап жатышат. Алардын кырсыктан кийинки абалдары кандай? Бул тууралуу кийинки каарманыбыз Исак Анарбаев айтып берди:
– Учак түшкөндөн бери жабыркагандар мына биз. Үйлөрүбүздөн жарака кетти, эл чогулткан акчадан бизге 25 миң сом тийди. Айрымдарга 70 миң, 40 миң, 30 миң доллар жардам берилди деген имиштерди угабыз. Кырсыктан эки кызым, келинчегим психологиялык жардамга муктаж болуп ооруканага жатып чыгышты. Окуядан кийин 2-3 ай ичинде медициналык жардам катары психологдор келип турган. Андан кийин эч ким келген жок. Бир кызым катуу коркуп калган экен, жалгыз баспайт. Басып баратып эсин жоготуп койчу болду. Сабакка бара жаткан жеринен жыгылып калат. 9-класста окумак, эми аны кайда окутам, эмне кылам, баш катып жатат. Чындап жардамга муктаждарга эмес, эки буту соо басып иштеп жүргөндөр жардам алып жатат. Үйлөрдөн жарака кеткен, чатырлары сынган абалда эле жашап жатабыз. Мамлекет көчүрбөйт же көчүрөбүз дебейт. Ошол боюнча эле күн кечирип жатабыз. Бир-эки аял бакырып чыга калса эле, ошолордун оозун басып 25-30 миңден берип коёт, биз эч нерсе кыла албай отуруп калабыз. Максатыбыз – бизди ушул жерден көчүрсө дейбиз. Бул жер кооптуу, анан да кырсык болгон күн ар бир кадам сайын эске түшөт.
Бир окуяны айтып берейин. Ошол күнү үйлөр өрттөнүп жатканда бир мышыктын жону жалбырттап күйүп жатканын көрдүм. Чуркап барып өчүрүп, үйгө алып келип багып алганбыз. Күйүп кеткен жерлери айыгып, эми жүн чыгып калды. Ошол мышык дүрүлдөп учак учуп келе жатса тырмалаңдап коркуп мештин астына же бир жерге кире качат. Биз деле ошол мышыктай эле коркобуз. Учак келе жатканда үрөй учат. Бул кырсыкта жалаң жаштар кетти. Элестеткиле, кечинде уктап, эртең менен жок. Эмне дейбиз, жаткан жерлери жайлуу болсун.

"Кырсыктын курмандыктары 34 жаштагы Гүлжан жана үчүнчү уулу".
"Өрттөн аман калган мышык учактын дүрүлдөгөн үнүн укса, кирерге жер таппай калат".


Нуржамал Жийдебаева
koom@super.kg

 Кыстарылган видео 
Боинг кырсыгынын жабырлануучусу:"Учак учкан сайын коркобуз"
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (18)
Asman...
2017-10-17 10:47:25
Ушул элге болунгон акчаны жегендерден тешип чыксын!!! Онбой калгыла акмактар. Наркы дуйнодо жооп беришинерди да ойлогула. Кудайдан коркпойсунарбы деги силер. Ошол товар кимдики болсо да тообо кылбасан наркы дуйнон тозок болотко.
+26
Asman...
2017-10-17 10:50:13
Ушул Ажо болумуш келгени бери кандуу окуялар,олум коп болду. Канчалаган адамдар олду. Эми ушуларга топтолгон акчаны баарына бирдей кылып болуштуруп берсенер болотко. Куйосун да жон эле.
+16
kaniulia
2017-10-17 11:56:08
Жараткан Алла Таала озу жазалайт ал кун ото окунучтуу болот.
+5
ulua
2017-10-17 13:03:31
Кочурушпойбу деймда буларды жер тилке берип эмне коп жер копго тооба, акча болсо кенен жыйналган,ошол акчанын бир сомун тиешеси жок адам жесе тешип чыксын!!!
+6
Nur0101713
2017-10-17 14:51:56
шайлоого деп жер кыдырып суротторун плакатка чыгаргыча,бей бечараларга жардам берип уй жай берсе ошол адамды жан деп эле шайлап алмакбыз.
+15
nurhan2702
2017-10-17 16:19:34
Чындап эле чет жакта иштеген мигранттар жардамга коп акча которушпады беле, жок дегенде ошону туура так болуп беришпептир да. Компенсация деле толоп берип атышат. Ким жесе да тешип чыксын. Акыретте жооп бересинер дымагы чондор!
+9
Jelezo
2017-10-17 17:48:33
Самалеттогу жүктүн ээси мен бай адаммын деп барган жеринде мактанат байлыгыңдан бербейсиңби ушул кыйналган адамдарга эл билбейт деп жүрөт окшойт
+11
Kasymov
2017-10-17 23:45:34
Жердин,жерде жашагандардын кудай учун чымындын канатынча кадыры жок!!! Чиновниктерге Рахмат
+2
gulmira96
2017-10-18 03:09:37
Чырактай жап жаш балдардын он гулунун бир гулу ачылбай кеткени окунучтуу. Эми оздору акча болуп кыйратпаса дагы жок дегенде элден тушкон акчаны элге бардыгын беришсе эмне, жарымын кулкунга салбай акмактар,Кудай жеткирээр силерге.
+2
cfif03748
2017-10-18 19:05:04
103 миллионбу 133 миллионбу.айтоор эсимде жок.Элден чогулган акча дешти эле.ал акча кай жакта?урматтуу Супер.кg ушул тууралуу.тактап жазып чыксанар.ар бир жабырлануучулар канчадан акча жардам алышты?
+7
nurhan2702
2017-10-23 17:02:05
cfif03748,чындап эле Дача-Суга озунор барып интервью алгылачы, же силерге да кысым корсотулуп калышы мумкунбу
0
ALMAAAN
2017-10-18 22:40:07
Ал акчаларды дагы бироолор жедида тешип чыксын ошол акчалар
+1
Begay.00.kg
2017-10-18 23:19:36
Кана милион акча жыйып тамак аш камдап жатпады беле.Президент болом деп акча чачгыча элге жардам берсенер боло.Жок биз кыргызбыз го.Эмне учун мындай мамиле жасайбыз.Ыктыярчылар бул масалени колдоп чыгалы
+4
Jieke8777
2017-10-20 19:24:22
Элден чогулган 103миллиону эле 35адам каза болуптур ошолорго болсо эле почти ар бирине 3миллиондон тиет экен, башка жака кочконго там салганга жете турган эле акча болчудай го эми турктор берген акчаны айтпай эле коелу чондор уят ушул акчаны жегендер копко барбайсынар го.
+1
Azatbek83
2017-10-23 21:51:38
Jieke8777,Балким ал акчаларды угут ишине иштетишкендир!
0
Merelisha
2017-10-20 23:45:26
Канча миллилон акча чогулду,бооолгону "25мин".... Эххеей. Ото уят. Бети жок,акмактар. Кандай нерсе десе да жарашат . Журок, мээр, ан сезим олуп калганбы?
+1
Azatbek83
2017-10-23 21:50:33
Президенти айтыштан пайда жок президентике талапкерлердин кимиси ошол куну ошол жерге барып эл менен бирге кайгы болушту?! Бири да барбады!Кечке жомок айтып айды алып берем деп калп айтса добушунарды саттынар!Текабаевди жаман дебей бирок ошол киши барды ошол киши бийликти сындап журду азыр камакта кандай болгон кундодо жаман болсо да Атанбаевден мин эсе жогору киши экен!!!
0
№ 780, 13-19-октябрь, 2017-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан